Unicode
"မောင်လေး အစ်မတို့်ဓာတ်ပုံရိုက်မလို့ ရလား"
"ဗျာ"
စာသင်ခန်းထဲ ထိုင်နေတုန်းမှာ အကြီးတန်းကအစ်မတွေ ရောက်လာပြီး ခွင့်ပြုချက်တောင်းနေကြတာမို့ တိတ်တဆိတ်နေနေတဲ့ရန်လင်းယံကခေါင်းမော့ကာနဲနဲတော့အံ့သြသလို
ဖြစ်သွားရှာတယ်။ ဒီလိုအချိန် ထင်ထင်ရှားရှားပေါ်လွှင်လာတဲ့နှာတံစင်းလေးနဲ့ နက်ရှိုင်းတဲ့မျက်ဝန်းတို့ကြောင့် မမလေးတွေက ပိုပြီးသဘောတကျနဲ့ပြုံးပြလာကြတယ်။
" Major Kingရွေးဖို့လေ မောင်လေးဝင်ပြိုင်ချင်လား"
ဒီလိုနည်းက သူ့ကိုလူသိများစေမှာလား။
သူ လူသိများလာတာက ပိုင်ချင်းကိုရှာဖို့
ပိုလွယ်ကူစေမလား။ သို့တည်းမဟုတ်
အဲ့တာက ပိုင်ချင်းသူ့ကိုပိုမုန်းသွားစေမှာလား။ လင်းယံတွေဝေနေတုန်းမှာပဲ သူခွင့်ပြုတယ်ထင်ပြီး camera ကိုင်ထားတဲ့အစ်မတစ်ယောက်ကပုံရိုက်လိုက်ပြီးပြီဖြစ်တယ်။
ပြီးနောက်မှာတော့ သူ့ကိုဘယ်ပုံလေးဆိုအဆင်ပြေမလဲဆိုပြီးလာပြပေးတယ်။ လူမူရေး အရ လင်းယံလည်း ပြန်ပြုံးပြရင်း
ပုံကိုလိုက်ကြည့်ပေးရတယ်။ တကယ်တမ်းတော့သူက အမှန်အတိုင်းပြောရရင် ဘယ်ရှူ့ထောင့်ကရိုက်ရိုက်ချောပြီးသားပဲ။
"ဒီပုံလေး တင်လိုက်မယ်နော် "
စီနီယာအစ်မကပုံရွေးပြီးပြတော့ လင်းယံသေချာလေးကြည့်လိုက်တယ်။ သို့ပေမယ့်ရုတ်တရက်သူမြင်မိတာက သူ့ပုံသူ
မဟုတ်ပဲ အနောက်ဘက်တံခါးဘက်ဆီမှာရပ်နေတဲ့ပုံရိပ်ကလေးကိုဖြစ်တယ်။မြင်မြင်ချင်း ရုတ်တရက် အနောက်ကို လှည့်ကြည့်စဉ်မှာ သူတွေ့လိုက်ရတဲ့ပုံရိပ်လေးက ယထွက်ခွာနေပြီဖြစ်တယ်။
"အစ်မတို့ကြိုက်တဲ့ပုံသာတင်လိုက်"
လင်းယံကအလျင်စလိုပြောပြီး နေရာကပြေးထွက်ခဲ့တော့တယ်။ သူမြင်လိုက်တာပိုင်ချင်းဟုတ်တယ်မလား။ သူရှာနေခဲ့တာအရမ်းကြာနေပြီ ။အရူးတစ်ယောက်လိုပဲလူတွေအားလုံးကိုလိုက်မေးကြည့်ခဲ့ပြီးပြီ။ ဘယ်သူကမှ
ပိုင်ချင်းရှိတဲ့နေရာကိုမသိသလ်ိုပြောလည်း
မပြောကြဘူး။
YOU ARE READING
THE MAN THE CROOKED (COMPLETED)
RandomMyanmar BL Fiction( own creation) Written by - Nay Kyi Htun Title - The Man The Crooked MC - Yan Linn Yan (ရန္လင္းယံ/ရန်လင်းယံ ) Age - 17 th ML - Linn Paing Chin (လင္းပိုင္ခ်င္း/ လင်းပိုင်ချင်း ) Age - 18th School life/ Player / the lair / Secret...
