Unicode
"မင်းတောင်လက်မခံဘူးဆိုရင် ငါနေလို့ရတဲ့အိမ်မျိုးဆိုတာမရှိတော့ဘူး"
ဒီအခိုက်အတန့် လင်းယံဆီကစကားကြားချိန်ပိုင်ချင်း ဘာပြန်ပြောရမယ်မှန်းမသိတော့ဘူး။ မျက်လုံးကြည်ကြည် တောက်တောက်လေးတွေနဲ့သာ မျက်ခွံလေးလှန်ပြီးကြည့်နေ
မိတယ်။ အခုသူတို့အရမ်းနီးကပ်တဲ့အနေအထားမှာရှိနေပြီး ဝင်လေထွက်လေနဲ့တကွ ကိုယ်သင်းရနံ့တွေတောင် ခလုတ်
တိုက်နေကြပြီ။
စဉ်းစား ကြည့်မယ်ဆိုရင် လင်းယံမှာတကယ်ကြီးနေစရာမရှိ တာလည်းဖြစ်နိုင်တယ်။ အကယ်၍များရှိတယ်ဆိုရင် သူ့အိမ်မှာဒုက္ခခံပြီး လာနေစရာအကြောင်းမရှိဘူး ။ ဘာလို့
များလည်း နေခနဲ့ကညီအစ်ကိုတွေဆိုတာကို သူသေချာပေါက်အမှန်အကန်ကြားခဲ့တာပါ။ ဒါဆို သူတို့မိသားစုမှာပြဿနာရှိနေတာဖြစ်မယ်။ အဲ့ဒီပြဿနာကဘယ်လောက်များကြီး
ကျယ်နေလို့ လင်းယံကသူ့အိမ်မှာသူမနေချင်ရတာလဲ။ ဒါမှမဟုတ် လင်းယံကဆိုးလို့အိမ်ပေါ်ကနှင်ချခံလိုက်ရတာလား။ ဖြစ်နိုင်တာပဲ ဘာလို့သူကဒါကိုမတွေးမိရတာလဲ။ သူရှေ့ကကောင်လေးကလူလိမ္မာမှမဟုတ်တာပဲ။
" မင်းခေါင်းသေးသေးလေးထဲမှာဘာတွေရှိနေလို့...ငါနေလို့မရတဲ့အိမ်တစ်လုံးလောက်ဝယ်ပြီးပြောင်းသွားဖို့ကြံစီ ရဲတာလဲ"
လင်းယံမျက်လုံးတွေက ရဲတင်းပြီး အားမာန်အပြည့်နဲ့ဖြစ်တယ်။ ကြည့်ရတာ သူ ဆုံးဖြတ်ချက်မှားခဲ့ပုံပဲ။ ပြိီးတော့ လင်းယံက အဲ့ဒီအမှားကိုအပြစ်ပေးဖို့ ပေးရမယ့်နည်းလမ်းကို စိတ်လှုပ်ရှားစွာရှာဖွေနေတယ်။ ဒါကြောင့်ပိုင်ချင်းကစွတ်စွဲချက်ကို ရှင်းလင်းသွားဖို့ နှုတ်ခမ်းဆူဆူလေးပြောလိုက်တယ်။
" ငါ့ခေါင်းကမသေးပါဘူး ပြီးတော့ ငါအားလုံးကောင်းသွားဖို့စဉ်းစားနေတာ "
"သြော် ဟုတ်လား... အားလုံးကောင်းဖို့ဆိုတဲ့အထဲမှာ ငါကျတော့ဘာလို့မပါတာလဲ"
ပိုင်ချင်းပါစပ်ပိတ်သွားတယ်။ ပြောချင်ပေမယ့် စကားလုံးက ထွက်မလာဘူး။သူထင်တာ လင်းယံကသူနဲ့မနေရလည်း အဆင်ပြေလိမ့်မယ် လို့ မဟုတ်သေးမနေတာကပိုအဆင်ပြေ လိမ့်မယ်လို့။ ဘာကြောင့်ဆို
လင်းယံကသူ့ထက်အစစအရာရာ
မှာတတ်သိနေတဲ့အပြင် ပိုက်ဆံလည်းရှာဖွေတတ်တယ်။
YOU ARE READING
THE MAN THE CROOKED (COMPLETED)
RandomMyanmar BL Fiction( own creation) Written by - Nay Kyi Htun Title - The Man The Crooked MC - Yan Linn Yan (ရန္လင္းယံ/ရန်လင်းယံ ) Age - 17 th ML - Linn Paing Chin (လင္းပိုင္ခ်င္း/ လင်းပိုင်ချင်း ) Age - 18th School life/ Player / the lair / Secret...
