Unicode
ရန်းလင်ယံ ကျောင်းမလာပြန်ဘူး။ ဒီလထဲမှာသူ့ကျောင်းတက် ရက်ကဆယ်ရက်တောင်ရှိရဲ့လား။ ဒီနေ့လည်းလင်းယံကို ဖျောင်းဖျဖို့ ပိုင်ချင်းနှလုံးသားကိုအမျိုးမျိုးသွေးထားရတယ်။ ဒါတောင် ဒီကောင်က ကျောင်းမလာဘူး။ ချီးပဲ။ ပိုင်ချင်းစိတ်ထဲမှာမကျေနပ်စွာဆဲရေလိုက်ပြီး စိတ်ပျက်လက်ပျက်နဲ့ ခေါင်းငိုက်စိုက် ကျသွားတယ်။
" ပိုင်ချင်း လင်းယံက ဒီနေ့မင်္ဂလာဝတ်စုံသွားရွေးလို့ကျောင်းမလာတာဆို ဟုတ်လား"
သိလှချေ လား ။သူတို့တွေဘယ်လိုလုပ်ပြီးများသတင်းရနေကြတာလဲ။ ပိုင်ချင်းဆတ်ခနဲခေါင်းထောင်လာပြီး မင်္ဂလာဝတ်စုံ
ဆိုလို့လန့်သွားတော့တယ်။ဒီသတင်းစကားက ဟုတ်သည်ဖြစ်စေမဟုတ်သည်ဖြစ်စေ သူ့အတွက်ဘဝနဲ့ဆိုင်ပြီး အရေးကြီးနေတယ်။ တကယ်ကြီးမင်္ဂလာဆောင်တော့မှာလား။
အဲ့လောက်တောင်မြန်လား။ သူ့ကို စနောက်နေတာမဟုတ်ဘူးလား။
"ဘယ်မှာလဲ... ဘယ်နားမှာသွားရွေးတာလဲ"
ပိုင်ချင်း အလန့်တကြားထမေးတော့ သူ့ရှေ့အတန်းကမိန်းကလေး က ယောင်ပြိီးဖုန်းထောင်ပြလာတယ်။ ဖုန်းထဲမှာ မွန်မြတ်သဒ္ဒါမေက သတိုးသမီးဂါဝန်အဖြူကိုဝတ်ထားပြီး ပြုံးရယ်နေကာ လင်းယံကတော့ မျက်ခုံးအစုံ
တွန့်လို့ စိတ်ရှုပ်နေပုံပေါ်တယ်။ ပိုင်ချင်းက ချက်ချင်းပဲပုံမှာပါတဲ့ဆိုင်လိပ်စာကိုထောက်ကြည့်လိုက်ပြီး စားပွဲပေါ်ကကျောပိုးအိတ်ကိုဆွဲလွယ်ကာကျောင်းခန်းထဲကပြေးထွက်
သွားတော့တယ်။ သူ နောက်မကျချင်ဘူး။ ခြေလှမ်းတွေမြန်သည်ထက်မြန်ရမယ်။
ဒီတစ်ကြိမ်နောက်ကျသွားလို့ တစ်သက်လုံးနောင်တရနေမယ့်အဖြစ်မျိုးကိုမလိုချင်ဘူး။
လင်းယံက သူ့ကိုငြင်းနေရင်လည်း မွန်မြတ်သဒ္ဒါမေ ရဲ့အဝေးကိုခေါ်သွားပြီးတော့ဖြစ်ဖြစ် အခန်းထဲထည့်ပိတ်ထားပစ််မယ်။
ဒီလူကိုဆုံးရှုံးရမှာကြောက်တဲ့စိတ်ရော....
ချစ်ရသူကို သူမဟုတ်တဲ့တစ်ခြား
တစ်ယောက်နဲ့အတူပေါင်းဖက်သွားမှာ ကို
မလိုလားတဲ့စိတ်ရောကြောင့် ပိုင်ချင်းနှလုံးသားလေး မောပမ်းစွာပြေးလွှားနေခဲ့တယ်။
YOU ARE READING
THE MAN THE CROOKED (COMPLETED)
AcakMyanmar BL Fiction( own creation) Written by - Nay Kyi Htun Title - The Man The Crooked MC - Yan Linn Yan (ရန္လင္းယံ/ရန်လင်းယံ ) Age - 17 th ML - Linn Paing Chin (လင္းပိုင္ခ်င္း/ လင်းပိုင်ချင်း ) Age - 18th School life/ Player / the lair / Secret...
