Unicode
" မင်းကိုငါ့လိုဖြစ်မှာစိုးလို့ သတိပေးလိုက်မယ်....သူ့ဆီမှာ အချစ်စစ် ဆိုတာမျိုးမရှိဘူး။ဒီအတိုင်းမင်းဆီကရစရာရှိလို့ကောင်းပေးနေရုံပဲ"
"ဟုတ်လား ရန်လင်းယံ "
မွန်မြတ်ပြောအပြီးမှာ ပိုင်ချင်း ကဒီလ်ိုမျိုး ဘာကိုမှဂရုမစိုက်ဟန်နဲ့လင်းယံကိုမေးလိုက်တယ်ဆိုပေမယ့် သူ့ရင်ထဲမှာ မီးစတစ်ခုကတစ်စထက်တစတောက်လောင်လာကာ
မီးတောက်ကြီးသဖွယ်ဖြစ်လာနေတယ်။ လင်းယံဘယ်လိုပြန်ဖြေလိမ့်မလဲဆိုတာက တရာသူကြီးသူ့ကိုသေမိန့်ချပေးတော့ဖို့စောင့်ဆိုင်းနေရသလိုပဲ... တစ်ကိုယ်လုံး
အေးခဲပြီးရင်ထဲမှာပူနေတယ်။ ဒီအခိုက်အတန့် လေဟာနယ် တစ်ခုလုံးတိတ်ဆိတ်နေပြီးသူတစ်ယောက်သာသက်ရှင်ကျန်ရစ်နေသူလိုခံစားလိုက်ရတယ်။
" မင်းဆီက ငါယူနေတာလာ မင်းကငါ့ဆီကယူနေတာလား၊ အခုချိန်မှာပေးစရာရှိနေတာကဘယ်သူလဲ။ အခြေအမြစ်မရှိ ကြောင် တောင်တောင်စကားတွေကိုမင်းကယုံနေတာလား "
ယိမ်းယိုင်ခြင်းအလျဉ်မရှိ ဖြောင့်မတ်စွာထွက်ကျလာတဲ့ စကားသံက မွန်မြတ်စကားကိုမဟုတ်ဘူးလို့ငြင်းရာလည်း မကျသလိုဝန်ခံရာလည်းမကျဘူး။ သို့ပေမယ့် ဒီလိုမတင်မကျ အဖြေလေးက ပိုင်ချင်းကိုစိတ်
အနဲငယ်ငြိမ်သွားစေနိုင်တယ်။ စိုးရိမ်နေတဲ့မျက်နှာလေးက ချက်ချင်းလိုစိတ်ချသွားတဲ့
အရိပ်လေးဖြတ်ပြေးသွားတယ်။ ပိုင်ချင်းကိုအလွတ်ရနေတဲ့ လင်းယံကဒါကိုမြင်တဲ့အခါပြုံးလိုက်ချင်ပေမယ့် မျက်နှာကို ဘာခံစားမူမှမရှိသလိုတင်းမားထားပြီး မွန်မြတ်ကိုကျော်ကာ ပိုင်ချင်းဆီကိုတန်းတန်းမတ်မတ်လျှောက်သွားလိုက်တယ်။ ပြီးနောက် ပိုင်ချင်းလက်ထဲကစက်ဘီးကိုသူ့လက်ထဲပြောင်းယူ
လိုက်ပြီး တွန်းကာနောက်လှည့်မကြည့်ပဲဆက် လျှောက်သွားတယ်။
" မောင်သေချာသွားပြီလား.. နောင်တမရဘူးဆိုတာ"
ရှေ့ကို သူနှစ်လှမ်းသုံးလမ်းလောက်လျှောက်ပြီးချိန်မှာ စိတ်လှုပ်ရှားပုံပေါ်နေတဲ့ မွန်မြတ်ရဲ့သတိပေးသံ ထွက် လာတယ်။ ဘယ်သူ့ကိုလာကစားချင်နေတာလဲ။ အစွယ် သေးသေးလေက ဆင်တစ်ကောင်ကိုငါတတ်နင်းလို့သေဦးမယ်လို့ကြိမ်းမောင်းနေသလိုပဲ။ လင်းယံကတုံ့ပြန်စကားမဆိုဘူး။ပုံမှန်ဆိုသူကစကားများတတ်ပေမယ့် ဒီလိုဦးနှောက်ကိုအသုံးချရတော့မယ့်နေရာမှာဆိုသူကစကားနည်းနည်း
ပြောပြီးအလုပ်နဲ့ပဲသက်သေပြတာများတယ်။
YOU ARE READING
THE MAN THE CROOKED (COMPLETED)
RandomMyanmar BL Fiction( own creation) Written by - Nay Kyi Htun Title - The Man The Crooked MC - Yan Linn Yan (ရန္လင္းယံ/ရန်လင်းယံ ) Age - 17 th ML - Linn Paing Chin (လင္းပိုင္ခ်င္း/ လင်းပိုင်ချင်း ) Age - 18th School life/ Player / the lair / Secret...
