Unicode
နောက်တစ်နေ့မနက်မှာ ကိုက်ခဲနေတဲ့ခေါင်းတွေနဲ့ ကျိန်းစက်နေတဲ့မျက်ဝန်းတွေကြောင့် ပိုင်ချင်းကမသက်သာစွာပဲအိပ်ယာကနှိုးလာခဲ့တယ်။ မျက်ခွံတွေကိုခပ်ဖြေးဖြေးဖွင့်ရင်း မြင်ရတဲ့အခန်းအပြင်အဆင်ကရင်းနှီးမူမရှိတာကြောင့် သူဘယ်ကိုရောက်နေခဲ့တာလဲ အတော်လေးကိုပြန်စဉ်းစားယူနေရတယ်။
ဒီချိန် အခန်းထဲကိုသင်ပျံ့ပျံ့နဲ့ဆွဲဆောင်မူရှိရှိဝင်ရောက်လာတဲ့ဟင်းရနံ့လေးတွေ။ ပိုင်ချင်းမှာ ချက်ချင်းကိုယ်ကိုမတ်သွားပြီး အပြင်ကိုပြေးထွက်ခဲ့တယ်။ ဟင်းရနံ့တွေလာရာဆီရောက်သွားတဲ့အခိုက်မှာ ခြေထောက်တွေဟာ အလိုအလျောက် ရပ်တန့်သွားခဲ့ပြီး လူတစ်ကိုယ်လုံးဟာအေးခဲသွားသလိုပါပဲ။
ဒါ ရန်လင်းယံမဟုတ်ဘူး။ ပြီးတော့သူအခုရောက်နေတာကလည်း သူ့အိမ်မှာမဟုတ်
ဘူး ။
အိပ်ပျော်သွားတဲ့အသိစိတ်တွေဟာချက်ချင်းပုတ်နိုးခံလိုက်ရသလိုမျိုး မနေ့ကဖြစ်ပျက်ခဲ့တဲ့အကြောင်းအရာတစ်ခုချင်းစီ တိုင်းကခေါင်းထဲကိုပြန်လည်ဝင်ရောက်လာတယ်။
ဒါတောင် မနက်နိုးလာရင် မီးဖိုးချောင်ထဲမှာမနက်စာပြင်ဆင်းရင်း ရန်လင်းယံ ကသူ့ကိုစောင့်နေလိမ့်မယ်လို့ ဘာကြောင့်ထင်နေရသေးတာလဲ။ ကျင့်သားမရသေးတဲ့အရူး
တစ်ကောင်လိုပဲ။ ဒီလို လူလိမ်၊လူညာအကြီးစားကိုသူဘာအတွက်တောင့်တနေရသေးတာလဲ။
"နှိုးပြီလား မနက်စာစားမယ်လေ"
စိုင်းမင်းကိုကကြောင်တောင်တောင်ဖြစ်နေတဲ့ပိုင်ချင်းအမူအယာလေးကိုကြည့်ရင်းပြောလိုက်တယ်။ ပိုင်ချင်းက ခေါင်းငြိမ့်ပြီး
မတည်ငြိမ်နိုင်သေးတဲ့ရေပြင်လို စားပွဲမှာ
ဝင်ထိုင်တယ်။ပြီးနောက်စားစရာကိုလက်လှမ်းတော့ စိုင်းမင်းကို က သက်ပြင်းချရင်း ရင်မောစွာပြောလာပြန်တယ်။
"မျက်နှာသွားသစ်ဦးလေ"
ဒီလိုပြောတော့လည်း ကိုင်ထားတာအကုန်ပြန်ချပြီး အခန်းထဲပြန်ဝင်သွားတယ်။
ပိုင်ချင်းပုံစံက စိတ်ဓာတ်တွေ ဟိုးအောက်ထဲထိကျဆင်းနေပြီးပြန်အဖက်ဆည်ဖို့ခက်ခဲ
နေသလို၊ ပြန်အဖက်ဆည်ဖို့မဖြစ်နိုင်တော့သလိုမျိုး အရှုံးသမားတစ်ယောက်အသွင်ဖြစ်နေတယ်။ ခုချိန်သူ့ကိုအားပေးနိုင်တာဘာမှ
မရှိဘူး။ အိမ်ကြောင့်အချစ်ကိုအလိမ်ညာခံရ
တယ်။ အချစ်ကြောင့်အိမ်ကအလိမ်ခံရတယ်။ အရမ်းကောင်းတာပဲ။
YOU ARE READING
THE MAN THE CROOKED (COMPLETED)
DiversosMyanmar BL Fiction( own creation) Written by - Nay Kyi Htun Title - The Man The Crooked MC - Yan Linn Yan (ရန္လင္းယံ/ရန်လင်းယံ ) Age - 17 th ML - Linn Paing Chin (လင္းပိုင္ခ်င္း/ လင်းပိုင်ချင်း ) Age - 18th School life/ Player / the lair / Secret...
