Unicode.
လင်းကျစ်ရန်မှာမူးဝေနေပြီးတစ်စုံတစ်ယောက်က သူ့အား ပွေ့ဖက်ထားသလိုခံစားရသည်။ ထွေးပွေ့ထားမှုမှာ နွေးထွေးပြီး သက်သောင်သက်သာရှိလွန်းလို့ သူနီးကပ်စွာတိုးဝှေ့ သွားမိသည်။ ထို့နောက်ဖြည်းညှင်းစွာ မျက်လုံးဖွင့်ကြည့်လိုက်သော် လှပသော ဇာမဏီမျက်ဝန်းတစ်စုံ သူ့အားပြုံးပြနေသည်ကို တွေ့လိုက်ရသည်။
လင်းကျစ်ရန် : !
[System : နိုးပြီလား ]
[လင်းကျစ်ရန်: ငါပြန်ပေးဆွဲခံရပြီ၊ ဘယ်လိုလုပ်ကြမလဲ !]
[System:....မျက်နှာတစ်ချက်မပျက်ဘဲ ထပ်ပြီးဒီလိုကိစ္စကိုပြောနိုင်လို့... ကျေးဇူးတင်ပါတယ် ]
အာ.. ငါရှက်နေတာလား ?
လင်းကျစ်ရန်မှာ အနည်းငယ် စိတ်မသက်မသာသလိုခံစားလိုက်ရသည်။ ထို့နောက် သူ့ရှေ့ရှိ ကျောက်မင်ဇယ်အားကြည့်ပြီး စိတ်တည်ငြိမ်အောင်ကြိုးစားကာ နာကျင်မှုတို့ ဖြင့်မယုံနိုင်စွာမေးလိုက်သည် ။" မင်းဘယ်လိုတောင်လုပ်နိုင်ရတာလဲ ...မင်း "
သူဟာ မတ်တပ်ထဖို့ကြိုးစားလိုက်သည့်တိုင် အားနည်းနေ၍ ပြန်လဲကျသွားရသည်။
ကျောက်မင်ဇယ်သည် လက်တစ်ဖက်အားသူ့ဘေးတွင် ထောက်၍ အုံ့မိုးကြည့်လိုက်ပြီး အက်ကွဲနေသောအသံဖြင့် ညင်သာစွာပြောလာသည် ။
"မင်းဗိုက်ဆာနေပြီလား "
ဗိုက်ဆာလားလို့ မေးရမဲ့အချိန်လား? မင်းတော့တစ်ခုခုမှားနေပြီ၊ သိရဲ့လား ?
လင်းကျစ်ရန်က သူ့လက်အားရှောင်၍ တစ်ဖက်သို့မျက်နှာ လွှဲလိုက်ပြီး ဒေါသဖြင့် ။
" မင်း ဘာလုပ်ဖို့စဥ်းစားနေတာလဲ "
ကျောက်မင်ဇယ်မှာ သူ့ကိုခဏလောက် စေ့စပ်သေချာစွာစိုက်ကြည့်ပြီးနောက် ဖြေးညှင်းစွာပြောသည် ။
" ကိုယ်ဘာကိုစဥ်းစားနေလဲ မင်းတကယ်မသိဘူးလား .. ဘာပဲဖြစ်ဖြစ်မင်း ကခွင့်လွှတ်မှာမဟုတ်တော့ ကိုယ်ဘာလို့တွေးပူနေတော့မှာလဲ "
ထို့နောက် သူကစကားဆက်မပြောဘဲ သူ့အကြည့်များကမူ တစ်ဖြည်းဖြည်းနှင့်မှောင်မိုက်ကာ အန္တရာယ်ရှိလာပြီး နှုတ်ခမ်းထောင့်များက အပေါ်သို့ကွေးတက်သွားလေသည်။ သူ့အပြုံးကြောင့် လင်းကျစ်ရန်မှာလန့်သွားရသော်လည်း ချက်ချင်းပင် ပြန်၍ တည်ငြိမ်အောင်ထိန်းလိုက်၏ ။
![](https://img.wattpad.com/cover/283766113-288-k564845.jpg)
YOU ARE READING
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...