Unicode.
ကျောက်မင်ဇယ်သည်ကား အစည်းအဝေးတစ်ခုတွင်ရောက်နေလေသည်။ သူက ခေါင်းငုံ့ပြီး ဖုန်းကိုကြည့်လိုက်ပါသော် သူ၏မျက်ဝန်းများက ရုတ်တရတ်ကျဥ်းမြောင်းသွားလျက် နှုတ်ခမ်းထက်တွင် အပြုံးတစ်ပွင့်က ပေါ်ထွက်လာလျက်သား။
ဒုဥက္ကဌက သူ့အားမေးလာလေ၏။
" မစ္စတာကျောက်..ဒီအစီအစဥ်နဲ့ပတ်သတ်ပြီး ဘယ်လိုသဘောရလဲ "
ကျောက်မင်ဇယ်မှာ စိတ်အခြေအနေကောင်းမွန်နေပါသဖြင့် မျက်စိရှေ့တွင် မြင်သမျှအရာအားလုံးမှာလည်း အဆင်ပြေ ချောမွေ့နေပါ၏။ သူက ပြုံးလိုက်ပြီး။
" မဆိုးပါဘူး "
အစည်းအဝေးပြီးသော် ဒုဥက္ကဌက ကျောက်မင်ဇယ်အား နှုတ်ဆက်လာပြီးနောက် ပြုံးကာ ပြောလာပါ၏။
" ဒီနေ့ အရမ်းပျော်နေသလိုပဲ..သတင်းကောင်းတစ်ခုခုရှိရင် ကျွန်တော့်ကိုလည်း ဝေမျှပါဦးလား "
ကျောက်မင်ဇယ်က မျက်ခုံးပင့်ပြီး။
" ဘာသတင်းကောင်းမှမရှိဘူး..ဒီနေ့က တော်တော်လေး ကောင်းတယ်လို့တွေးလိုက်ရုံနဲ့ အကုန်လုံးကောင်းသွားတယ် "
ဒုဥက္ကဌ: "....."
..................
လင်းကျစ်ရန်မှာ ယခုရက်ပိုင်းအတွင်း ဝမ်းယွီအား မတွေ့ရလေသဖြင့် သရုပ်ဆောင်စရာမလိုသည့် ရှားရှားပါးပါး ကောင်းမွန်သောဘဝလေးတစ်ခုကို ရရှိနေသည်။ လုဆွေ့သည်ကား သူ၏အရှေ့သို့ ရံဖန်ရံခါမျှ ပေါ်လာတတ်သော်လည်း ၄င်းအချိန်တိုင်းက အလုပ်ကိစ္စနှင့်ဆက်နွှယ်လျက်ပါပင်။ သူက ဝမ်းယွီနှင့်ပတ်သတ်ပြီး စကားတစ်ခွန်းမျှမဆိုပါသဖြင့် လင်းကျစ်ရန်အား မသက်မသာဖြစ်စေ၏။ သူအောင်သွယ်လုပ်ပေးသော ' အရိပ်တကြည့်ကြည့်နှင့် နံမည်ကြီး ' အတွဲမှာတဖြည်းဖြည်းနှင့် သူစိမ်းများ ဖြစ်လာကြသည်မို့ လင်းကျစ်ရန်အနေဖြင့် ဒရမ်မာများကိုပင် ပျော်ပျော်ကြီး ကြည့်မနေနိုင်တော့ပါချေ။
[လင်းကျစ်ရန်: ပါပါးရေ...ကျွန်တော်ကသူတို့အတွက် တကယ်စိတ်ပူတာပါ..ဒါပေမယ့်ဘယ်သူမှ ကျွန်တော့်စေတနာကို နားမလည်ဘူးဗျာ ]
أنت تقرأ
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
خيال (فانتازيا)Just a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...
