ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)

အပိုင်း(၃၉.၃)

ရွှမ်းရန်ရဲ့အတွင်းစိတ်ရှိမကောင်းဆိုးဝါးသာဆို ဒါမျိုးအရာအတွက်တန်ရာတန်ကြေးတောင်းလိမ့်မည်။ ဒါပေမယ့်ရွှမ်းရန်ကတော့မတူ။ ရွှမ်းရန်က ဘာလို့ဒီလိုလုပ်ပေးတာလဲ။

ရွှမ်းရန်ဟာ လင်းကျစ်ရန်ရဲ့ သံသရတွေကို မြင်ပေမယ့် ရှင်းပြဖို့စိတ်ကူးမရှိ။ ထို့နောက် ချက်ချင်းပင် အလောတကြီးလှည့်ထွက်သွားခဲ့သည်။ သူက တံခါးဝကို ကျော်လာခဲ့သည်အထိ ခြေလှမ်းကို မရပ်တန့်ခဲ့။

' တကယ်တော့ ငါလည်း အဲ့မိန်းကလေးကို ကယ်ပေးလို့ရပါတယ်။ မင်းဒီလို အခွင့်အရေးယူဖို့မလိုဘူး။ မင်းသတိထားမိလား။ မင်းနဲ့ငါက တဖြည်းဖြည်း တူလာတယ်ဆိုတာ။ ငါအဲ့ အရာတွေလုပ်နေတုန်းက မင်းလည်းသဘောကျတယ်မို့လား။ '

အတွင်းစိတ်ရှိမကောင်းဆိုးဝါးရဲ့ ရယ်သံက ထူးဆန်းနေသည်။ ရွှမ်းရန်က ပါးစပ်ကို တင်းတင်းစေ့ လိုက်ပြီး အေးစက်စွာဆိုသည်

" ပါးစပ်ပိတ်ထား! "

' ဟားဟား! မင်းက ကြောင်သူတော်ပဲ။ သဘောကျတာကို ဝန်မခံချင်တာလား '

ရွှမ်းရန်ရဲ့ အမူအရာက အလွန်အေးစက်နေလျက် မျက်လုံးများက ရှုပ်ထွေးနေသည်။လင်းကျစ်ရန်ကို ချစ်မိတာက အတွင်းစိတ်ရှိမကောင်းဆိုးဝါးကို အားပေးသလိုဖြစ်ပြီး ပြန်လည်၍ ဖိနှိပ်နိုင်ဖို့ ခဲယဉ်းစေသည်။ အတွင်းစိတ်ရှိမကောင်းဆိုးဝါးက ဘာကိုမှဂရုမစိုက်ဘဲ ထင်ရာစိုင်းတတ်သည်။စိတ်အလိုနောက် လိုက်ကာ ရူးနှမ်းတတ်သည်။ သူဟာ ဒီအလောင်းအစားမှာ ရှုံးနိမ့်ခဲ့တာကြောင့် သူ့ခန္ဓာကိုယ်ကို ဆုံးရှုံးလိုက်ရရုံတင် မကဘဲ မကောင်းဆိုးဝါးကို ဖိနှိပ်ထားတဲ့ စိတ်စွမ်းအင်များကိုပင် ထိခိုက်သွားခဲ့သည်။

လင်းကျစ်ရန်ဟာ ကုတင်ပေါ်တွင် လူသေလိုကောင်လို စိတ်ပျက်လက်ပျက်လှဲလျောင်းနေသည်။နေ့တိုင်း အသားတိုးဝက်လို စားလိုက်သောက်လိုက် အိပ်လိုက်နှင့်ကိုယ်အလေးချိန်တက်ရုံကလွဲလို့ ဘာမှ အဖက်မတင်တဲ့ အခြေအနေကို စိတ်ပျက်မိသည်။တကယ်လို့သူသာ ကိုယ်အလေးချိန်တက်ပြီး ဝလာရင် စကားလုံးနှင့်ဖော်ပြဖို့တောင်ရှက်စရာကောင်းလိမ့်မည်။ ဒီလိုသက်တောင့်သက်သာ ဘဝမှာနေရတာကိုတောင်ကြောက်လာသလိုပင်။ဒါပေမယ့် အရသာရှိတဲ့အစားအသောက်တွေနဲ့ လောကီစည်းစိမ်တွေကနေ ရုန်းထွက်ဖို့လည်းမလွယ်ပြန်။ သူ့ရဲ့ တာဝန်ကလည်း ရှိသေးတယ်... ဝူးဝူးဝူး!!