Unicode.
အညှီနံ့က ငယ်ထိပ်အထိ ပျံ့နှံ့လာသလို လင်းကျစ်ရန်ခံစားလိုက်ရသည်။ ဒါဟာ သွေးနံ့က ရွံရှာဖွယ်ကောင်းသောကြောင့်ဖြစ်နိုင်သလို သူ့ခန္ဓာကိုယ်က များပြားလှတဲ့ မိစ္ဆာစွမ်းအင်တွေကိုခံနိုင်ရည်မရှိသောကြောင့်လည်းဖြစ်နိုင်၏။ နောက်ဆုံးတွင် မိစ္ဆာမလည်းထွက်သွားခဲ့ပြီဖြစ်သောကြောင့် သူဟာထိန်းမထားနိုင်တော့ဘဲ လဲကျသွားခဲ့ပါတော့သည်။
မူယန်က လင်းကျစ်ရန်ကို အလျင်အမြန်ပွေ့ဖက်လိုက်သည်။ အစောပိုင်းက မြင်ကွင်းကြောင့် သူလည်း ထိတ်လန့်သွားခဲ့ပေမယ့် လင်းကျစ်ရန်မေ့မျောသွားတာကိုတွေ့လိုက်ရသော် သူဘာမှမတွေးနိုင်တော့ပေ။ အခြားတပည့်များကမူ ကြောင်အမ်းနေကြသည်။
တပည့်တစ်ဦးက အရှေ့သို့လျှောက်လာကာ ကြောက်လန့်ပြီး ရွံရှာနေသောအကြည့်ဖြင့် လင်းကျစ်ရန်ကိုကြည့်လိုက်လျက် ခဏအကြာမှ လေးနက်သောအသံဖြင့်စကားဆိုလာခဲ့သည်။ " ဂိုဏ်းတူအစ်ကိုမူ။ သူက မိစ္ဆာကျင့်ကြံသူ ဖြစ်နိုင်တယ်။ "
" ဟုတ်တယ်။ သူအခု သုံးလိုက်တဲ့ သွေးစုပ်တဲ့ကျင့်စဉ်က မှန်ကန်တဲ့ လမ်းစဉ်မဟုတ်တာသေချာတယ်။ " အခြားတပည့်များက ဆက်ပြောလာကြသည်။
" သူ အရင်ကမကျင့်ကြံနိုင်ချင်ယောင်ဆောင်နေခဲ့တာ။ သူရဲ့ ရည်ရွယ်ချက်အမှန်က ဘာလဲ။ "
" စွမ်းအားမြင့်တဲ့ မိစ္ဆာကိုတောင် ထွက်ပြေးသွားအောင်လုပ်နိုင်တာဆိုတော့ သူက သာမန်မိစ္ဆာကျင့်ကြံသူ မဟုတ်လောက်ဘူး။ "
" ဒါက ပိုပြီးတောင် မခန့်မှန်းနိုင်တော့ဘူး။ "
" ဂိုဏ်းတူအစ်ကိုမူ။ သူက မင်းရဲ့ ယုံကြည်မှုအပေါ်အခွင့်ကောင်းယူခဲ့ပြီး သူ့ရဲ့စွမ်းရည်တွေကိုဖုံးကွယ်ထားပြီး မင်း ဘေးမှာပုန်းအောင်းနေခဲ့တာ။ မင်းသတိထားရမယ်။ "
" ဒါဆို နန်းတော်ထဲမှာ နောက်ထပ်ပုန်းအောင်းနေတဲ့မိစ္ဆာတွေ ရှိနေဦးမလား။ "
" ဒီကိစ္စကိုအကြီးအကဲတွေဆီတင်ပြရမယ်။ အကြီးအကဲတွေ ဆုံးဖြတ်ပေးလိမ့်မယ်။ "
သူတို့ဟာ တစ်ယောက်တစ်ခွန်းစီဝင်ပြောလာခဲ့ကြပေမယ့် သူတို့ရဲ့ရည်ရွယ်ချက်ကတော့တစ်ခုတည်းပင်။ မူယန် လင်းကျစ်ရန်အား အဝေးသို့ခေါ်သွားမှာကိုတားမြစ်နေကြခြင်းဖြစ်သည်။မူယန်က ဘာမှပြန်မပြောဘဲ တိတ်ဆိတ်နေသည်။ သူဟာ နားထောင်နေရင်း ရင်ထဲရှိဒေါသများမှာ တဖြည်းဖြည်း ပေါက်ကွဲလာခဲ့တော့သည်။
VOUS LISEZ
ဒီတစ်ခါလည်းဇာတ်လမ်းသွေဖည်သွားပြန်ပြီလား?(MyanmarTranslation)
FantasyJust a fan translation. Eng name- Did the affectionate love interest collapse today. cover pic from pinterest.credit to artist. Author- 即墨遥 စိတ်ကူးယဥ်ဝတ္တုတိုင်းတွင်shouဇာတ်ကောင်အားနှစ်သက်သဘောကျသည့်အရန်ဇာတ်ပို့Gongဆိုတာပါစမြဲ။Shouလေးကိုဇာတ်လိုက်Go...
