[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

100[U&Z]

[Unicode]

စုထျန်းထျန်းကို အားရပါးရ စော်ကားပြီးတာတောင်မှ နင်မုန့်က အခုထိ သူ့ဒေါသကို အကုန်မဖွင့်ချလိုက်ရလို့ ဆိုပြီး ပြောနေသေးတယ်? စုထျန်းထျန်းကို သူ့ဒေါသနဲ့သူ သေသွားအောင်ထိ လုပ်ဖို့ ကြံစည်နေတာလား?

နင်ဝမ့်ထောင်ကတော့ သူ့သမီးကြောင့် မျက်လုံးသာ လှိမ့်လိုက်သည်။

"ဟ!"

တဖက်မှ ဟော်ပေ့ချန်က ရယ်ချင်စိတ်ကို မထိန်းနိုင်တော့တာမို့ ခပ်တိုးတိုး ရယ်သံ ထွက်လာလေ၏။

သားမက်ဖြစ်သူ စိတ်အခြေအနေ ကောင်းသွားတာကို မြင်လိုက်ရတော့မှ နင်ဝမ့်ထောင် စိတ်သက်သာရာ ရစွာပဲ သက်ပြင်းချလိုက်သည်။

"ချစ်သားမက်လေး chessကစား ရအောင်လေ"

၅မိနစ် ကြာပြီးနောက်

နင်ဝမ့်ထောင်က chessဘုတ်ပြားကို တခုခုလွဲနေသည့် အပြုံးနဲ့ ကြည့်လိုက်သည်။ "သားမက်လေး အရင်က chessလုံး၀ မကစားဖူးတာ သေချာရဲ့လား"

"သေချာပါတယ်။ ဒါပထမဆုံး ကစားဖူးတာ"

“…”

ဒါဆို ဘယ်လိုဖြစ်ပြီး သူ့ကို အသာလေး အနိုင်ယူသွားနိုင် နေရတာလဲ။

တကယ်လို့ သူသာ ရှုံးသွားခဲ့ရင် ဒီလူရဲ့ ယောက္ခထီး‌ဆိုတဲ့ ဂုဏ်ပုဒ်ကို ဘယ်လို ဆက်ထိန်းနိုင်တော့မှာလဲ။

Chessဘုတ်ပြားကို ကြည့်နေရင်းပဲ ဟော်ပေ့ချန်ကို တချက်ကြည့်လိုက်ပြီး နင်ဝမ့်ထောင် ပါးစပ်ကို လှုပ်ရှားလိုက်သည်။

"အာ ချစ်သားမက်လေး...အစောက ငါမှားချလိုက်မိပြီ ထင်တယ်။ ဒါက စစ်တုရင် ရွှေ့တဲ့အကွက် မဟုတ်သေးဘူး။ Lပုံစံ ရွှေ့ရမှာ မဟုတ်ဘူး"

"ဒါဆို ဘယ်လို ရွှေ့ရမှာလဲ"

"ထောင့်ဖြတ်အတိုင်း ရွှေ့ရမှာ"

"အော် အဲ့လိုကိုး"

ထိုအခါမှ နင်ဝမ့်ထောင် သက်ပြင်းချလိုက်သည်။

တစ်ချိန်လုံး ကစားတာကို ကြည့်ပဲကြည့်နေတဲ့ နင်မုန့်ကလည်း စတင် စကားပြောလာ၏။

"အဖေ....သေချာလို့လား"

ခေါင်းထောင်ကြည့်လိုက်တော့ သမီးဖြစ်သူရဲ့ မျက်ဝန်းတွေထဲမှ စူးစမ်းနေတဲ့ အကြည့်တို့ကို နင်ဝမ့်ထောင် မြင်လိုက်ရသည်။