[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

149[U&Z]

[Unicode]

ကျန်းရှန့်မေက ပဟေဠိ ဖြစ်သွားကာ "ရှင် ရူးနေတာလား"

လီဟောက်ကျယ်က ဒေါသတကြီး ပြောလိုက်သည်။ "ရူးနေတဲ့လူက မင်းမှ အစစ်! မင်း စည်းကျော်လွန်းနေပြီ။ ငါ မင်းကို အခုပြောလိုက်မယ် ငါ ဘယ်တော့မှ မင်းနဲ့ ပြန်တွဲမှာ မဟုတ်ဘူး!"

ကျန်းရှန့်မေက ပဟေဠိဖြစ်လို့သာ နေသေး၏။

သူမ မျက်မှောင်ကြုပ်လိုက်ပြီး ရင်းနှီးသည့်တိုင် အရမ်းထူးဆန်းနေတဲ့ ထိုလူကို စိုက်ကြည့်လိုက်သည်။

သူမ သူ့ကိုလက်လျော့ လိုက်ပြီးတဲ့နောက် သူမ ရှေ့က ထိုလူက အရမ်း အကျည်းတန်ပြီး စိတ်ပျက်ဖို့ကောင်းတဲ့လူ ဖြစ်လာလိမ့်မယ်လို့ သူမ တခါမှ မထင်ထားခဲ့ပေ။

သူမ သူ့ကို အော်လိုက်ချင်ပေမယ့် ဘယ်လိုအော်ရမှန်း မသိတာမို့ နင်မုန့်ကို အသနားခံတဲ့ မျက်နှာနှင့် ကြည့်လိုက်သည်။

နင်မုန့်က ရှေ့ကို တလှမ်းတိုးလာသည်။ မျှော်လင့်ထားတဲ့အတိုင်း သူမက ကျန်းရှန့်မေရဲ့ အရှေ့မှာ ရပ်လိုက်ကာ ထေ့ငေါ့ရယ်သွမ်းလိုက်၏။ "လီဟောက်ကျယ် ရှင်ကတော်တော် မျက်နှာပြောင် တိုက်တတ်တာပဲလား? ဘာလို့များ ကိုယ့်ကိုကိုယ် အဲ့လောက် အထင်ကြီးနေတာလဲ? ဒါမှမဟုတ် နေ နဲ့ ကမ္ဘာက ရှင့်ကို ‌ဗဟိုပြုပြီးများ လည်နေတယ်လို့ ထင်နေတာလား? ကျွန်မ ရှင့်ကို ပြောလိုက်မယ် ကိုယ့်ကိုကိုယ် အဲ့လောက် အထင်ကြီး မ‌နေနဲ့။ ရှင်က လတ်လတ်ဆတ်ဆတ် ပန်းတစ်ပွင့်ဆိုရင်တောင် လူတွေက ရှင့်အနားလာမှာ မဟုတ်ဘူး!"

သူမ ပါးစပ်သေးသေးလေးနဲ့ ဂရုမစိုက်စွာပဲ လီဟောက်ကျယ်ကို အနာပေါ်တုတ်ကျအောင်ထိ ဖြစ်အောင် အော်ငေါက် ဆူပူနေတာ ဖြစ်၏။

ကျန်းရှန့်မေကလည်း စက်ဆုပ်ရွံရှာဖွယ် ကောင်းတဲ့ အကြည့်တို့နဲ့ ကြည့်နေတဲ့အခါ သူ့မာနကို ပိုထိခိုက်စေ၏။

ဒီတခေါက်ကျ သူမက သူ့အတွက် မကာကွယ်တော့ဘူးလား?

လီဟောက်ကျယ် ဒေါသထွက်လာ၏။ သို့ပေမယ့်လည်း သူ့အနေနဲ့ လင်းချင်ပေ့ကိုသာ အော်ငေါက်လိုက်သည်။ "မင်းက အဆိုတော်တစ်ယောက် အနေနဲ့ တကယ်ကို ရှက်ဖို့ကောင်းတဲ့ လူပဲ! ဂီတအကြောင်း ဘာမှမသိတဲ့ အရူးတစ်ယောက်နဲ့များ ပူးပေါင်းနိုင်ရတာလဲ? မင်း ဒီကိစ္စနဲ့ ပတ်သက်ပြီး သေချာတယ်လား?"