[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

185[U&Z]

[Unicode]

နင်မုန့် အသံကို ကြားလိုက်ရတယ် ထင်တာကြောင့် လီရိချန်က ပြန်လှည့်လာခဲ့တာ ဖြစ်သည်။ သူမကို တွေ့လိမ့်မယ်လို့ သူ မထင်ထား။ သူမ ပုံစံက နူးညံ့ သိမ်မွေ့လွန်းပြီး အသားအရည်က ပြစ်မျိုးမှဲ့မထင် ရှိနေပုံမှာ ဘ၀တွင် ဘာအခက်အခဲမှ မရင်ဆိုင်ခဲ့ရသည့်အလား။ သူမပုံစံကို ကြည့်ရုံနှင့် ချမ်းသာသော မိသားစုမှ ပေါက်ဖွားလာသည်ဆိုတာ တပ်အပ်ပြောနိုင်ပေသည်။

သူမရဲ့ ပါးစပ်သေးသေးလေးနှင့် စုထျန်းထျန်း တစ်ယောက် ဒေါသတို့နှင့် တုန်ယင်လာရသည်အထိ အဆိပ်ပြင်းစွာ ထိုးနှက်နေတာ ဖြစ်သည်။ ထို့တိုင်အောင် နင်မုန့် ပုံစံက မနှစ်မြို့စရာ ကောင်းသည့်ပုံ ပေါ်မနေ။ ထို့အစား ထူးထူးခြားခြား သူမပုံစံက....ချစ်ဖို့ ကောင်းနေသလို ဖြစ်နေ၏။

သန်း၈၀ မရင်းနှီးလိုက်ဖို့ သတိပေးခဲ့သူက သူမ ဖြစ်ပြီး သူ့ အနေနဲ့ သူမကို ကျေးဇူးတင်ဖို့ အခွင့်အရေး မရခဲ့ပေ။ ထိုသို့ တွေးလိုက်ပြီး သူ့ခြေလှမ်းတွေကို အရှေ့ဘက်သို့ ရွေ့လျားလိုက်တာ ဖြစ်၏။

သူမဆီကို တန်းတန်းလျှောက်လာတဲ့ သူ့ကို မြင်တဲ့အခါ နင်မုန့် မျက်လုံးတွေက အကြောက်တရားကြောင့် ဝိုင်းစက်လာသည်။ သူမ ဘာတစ်ခွန်းမှ မပြောနိုင်ခင်မှာပဲ အသံတစ်သံ ထွက်ပေါ်လာ၏။

"ဒီကိုလာ"

ဟော်ပေ့ချန်က ကြီးမားတဲ့ ‌ခြေလှမ်းတွေနဲ့ လျှောက်လာတာ ဖြစ်သည်။ နင်မုန့် မျက်နှာက ပျော်ရွှင်မှုနှင့်အတူ တောက်ပလို့ သွားပြီးနောက် အလျင်အမြန်ပဲ ဟော်ပေ့ချန်ရဲ့ လက်မောင်းကို ဆုပ်ကိုင်လိုက်ရင်း အနောက်တွင် ၀င်ပုန်းလိုက်လေ၏။ စုထျန်းထျန်းကို ကြည့်နေတဲ့ သူမရဲ့ မျက်ဝန်းတွေက ထေ့ငေါ့စွာ လှောင်ရယ်သည့်ပုံ ပေါ်နေသည်။

'နင့်မှာ နင့်ရဲ့ လီရိချန်ရှိသလို ငါ့မှာလည်း ငါ့ ယောက်ျားရှိတယ် ဟမ့်'

ထိုမြင်ကွင်းကို မြင်လိုက်ရတဲ့ လီရိချန်က ပြန်ထိန်းလိုက်ပြီး ယဉ်ကျေးစွာ နှုတ်ဆက်လိုက်လေသည် " တွေ့ရတာ ၀မ်းသာပါတယ် CEOဟော်"

ဟော်ပေ့ချန်က နင်မုန့်ကို ကာကွယ်ပေးထားသည့်ပုံနှင့် သူမ အရှေ့မှာ မားမားမတ်မတ် ရပ်နေတာဖြစ်သည်။ တောက်လောက်နေတဲ့ သူ့မျက်ဝန်းတွေကို ဖိနှိပ်ပြီးနောက်မှာ လီရိချန်ကို မဲမှောင်စွာကြည့်ရင်း အေးစက်စွာ ပြန်‌ပြောလိုက်သည် "တွေ့ရတာ ၀မ်းသာပါတယ်"