[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

80[U&Z]

[Unicode]

နင်မုန့်ကတော့ အလွန်ထိတ်လန့်သွားပြီ ဖြစ်သည်။ မေလင်းရဲ့ လူသတ်ချင်နေတဲ့ အငွေ့အသက်တို့က သူမ ခန္ဓာကိုယ် တစ်ခုလုံးကို တုန်ခါသွားစေ၏။

သူမ အလျင်အမြန်ပဲ ဟန်မေလင်းကို စာပြန်လိုက်သည်။
[အဆင်ပြေပါတယ် အန်တီမေလင်းရဲ့။ စုံစမ်းနေဖို့ မလိုအပ်ပါဘူး]

ဟန်မေလင်း : [ဘာလို့လဲ။ သူက နတ်ဘုရားလေးကို စိတ်ဓာတ်ကျအောင် လုပ်ထားခဲ့တာတောင် ငါတို့က အလွတ်ပေးရမှာတဲ့လား။ မရပါဘူး ငါကိုယ်တိုင် သူမကို အဆုံးသတ် ပစ်မယ်! အဲ့လိုမလုပ်နိုင်ခဲ့ရင် ငါဟန်မျိုးရိုး မဟုတ်တော့ဘူး!]

သူမ လည်ပင်းကို အနောက်ဘက်မှ အေးစက်စက် လေတွေက ဖြတ်တိုက်သွားသလို ခံစားလိုက်ရသည်။ ငိုချလိုက်ရုံနဲ့ ပြဿနာကို မဖြေရှင်းနိုင်ဘူး ဆိုတာ သိသော်ငြား နင်မုန့် ကြောက်လွန်း၍ ငိုချလိုက်ချင်လာသည်။

နင်မုန့် : [ခုနက ကျွန်မ နတ်ဘုရားနဲ့ အဆက်အသွယ် ရလိုက်တယ်။ သူအခု အဆောင်ကို ပြန်နေပြီဆိုတော့ အဆင်ပြေသွားမှာပါ]

ဟန်မေလင်း : [တကယ်လား]

နင်မုန့် : [တကယ်ပါ]

ဟန်မေလင်း : [ကျေးဇူး အများကြီးတင်တယ်နော် မုန့်မုန့်ရေ။ ငါ့အစားသူနဲ့ အချိန်နည်းနည်းလောက် ဖြုန်းပေးပါဦး။ သမီးတို့ နှစ်ယောက်ရဲ့ အသက်ကလည်း မတိမ်းမယိမ်းဆိုတော့ သူလည်း စကားနားထောင်လောက်မှာ။ သူ့အမေ ဆုံးသွားပြီးတဲ့ အသက်ငယ်ငယ်လေးတည်းက ငါနဲ့ အတူနေခဲ့တာဆိုတော့ ငယ်ငယ်လေးတည်းက အချစ်ငတ်ခဲ့တာ အဲ့ဒါကြောင့်လည်း onlineပေါ်မှာ တွေ့ခဲ့တဲ့ မိန်းမရဲ့ လှည့်စားတာ ခံလိုက်ရတာ‌လေ။ နတ်ဘုရားလေးကသာ အတိတ်က ရုန်းမထွက်နိုင်သေးရင် သေချာပေါက် ငါ့လက်နဲ့ အဲ့မိန်းမကို သတ်ပစ်မယ်!]

"..."

နင်မုန့် အလျင်အမြန် စာပြန်လိုက်သည်။ [အန်တီ မေလင်း စိတ်မပူပါနဲ့။ သူသေချာပေါက် ရုန်းထွက်နိုင်မှာပါ!]

စာပို့ပြီးတဲ့အခါ နှဖူးပေါ်မှ ကျဆင်းလာတဲ့ ချွေးအေးတို့ကို လက်ဖြင့် သုတ်လိုက်သည်။