Agent of Joy

Part 41 [ Unicode ]

မထင်မှတ်ထားပဲ အလောတကြီးစီစဉ်လိုက်ရတာမို့ US သွားမဲ့အကြောင်း မာမီ့ကိုသာပြောခဲ့ရသည်။ မိုးသားစီစဉ်ပေးတဲ့လက်မှတ်နဲ့ ရရာလေယာဉ်နဲ့လိုက်လာခဲ့ရတာကြောင့် အလောတကြီးတော့နိုင်သည်။ သို့ပေမဲ့ စိတ်ကအပူဇောကပ်နေတော့ ဘာမှသိပ်မစဉ်းစားနိုင်ခဲ့ခြင်းပင်။

'' သားလေးတစ်ယောက်မွေးထားပါတယ် လမ်းထိပ်ခဏဆိုပြီးထွက်သွားတာ အမေရီကန် ထိရောက်သွားတယ်တဲ့ ကြားမကြားဖူးပေါင်ဗျာ ''

အိမ်ထဲဝင်လာတဲ့ မြူးတို့ကိုတွေ့တော့ ရေရွတ်လိုက်တဲ့ ဒယ်ဒီ့စကားကြောင့် သွားဖြီးပြီးမျက်နှာချိုသွေးပြလိုက်ရသည်။ ဒယ်ဒီ့ဘေးနားထိုင်နေတဲ့ မာမီကတော့ ပြုံးစိစိနဲ့ မြူးတို့ကိုထိုင်ခိုင်းသည်။

'' ရှင် အဲ့ဒါပြောနေတာ ဘယ်နှစ်ခါရှိပြီလဲ အခုမှ ခရီးပြန်လာတဲ့ ကလေးကို ပင်ပန်းအောင်လုပ်မနေစမ်းပါနဲ့ ''

'' ဟ ငါပြောတာမှားလို့လား မင်းသားလုပ်ပုံလည်းကြည့်ဦး ''

'' ဒယ်ဒယ် သားမှားပါတယ် ''

ဒယ်ဒီထိုင်နေတဲ့နားသွားလိုက်ကာ လက်မောင်းတဖက်ကိုပါးကပ်ပြီး ချွဲလိုက်တော့ ဒယ်ဒီ့ရဲ့ တင်းနေတဲ့မျက်နှာကြောအနည်းငယ်ပြေသွားသည်။ ကိုကိုက ဒယ်ဒီတို့ရဲ့ မျက်နှာချင်းဆိုင်ခုံမှာဝင်ထိုင်ကာ နှုတ်ဆက်စကားပြော၏ ။

'' မတွေ့ရတာကြာပြီနော် အန်ကယ်နဲ့အန်တီ ''

'' အေးအေး မောင်ခက်ထည် US က လုပ်ငန်းခွဲအသစ်ကအဆင်ပြေရဲ့လား ''

'' ပြေပါတယ်အန်ကယ် အန်ကယ်ရော စိတ်တိုင်းကျရဲ့လား မသိဘူး ''

လက်ရှိမှာ KSquare နဲ့ MoonLight က အကျိုးတူပူးပေါင်းထားတာကြောင့် project အသစ်တွေကိုတွဲပြီးလုပ်ကိုင်နေတာဖြစ်သည်။ လုပ်ငန်းကိစ္စအကြောင်းတွေ ပြောနေတဲ့ ကိုကိုတို့ကိုထားခဲ့ကာ မာမီနဲ့အတူအိပ်ခန်းဆီကိုတတ်လာခဲ့သည်။

'' US မှာပျော်ခဲ့လား သား ''

'' ပျော်ခဲ့တယ် မာမီ ကိစ္စလေးတွေရှိလိုက်တော့ အရမ်းတော့မလည်ခဲ့ရဘူး ဒါမဲ့ ပျော်စရာကောင်းပါတယ် ''

'' ဟုတ်ပါပြီရှင် မာမီတို့က ဒီညနေတရားစခန်းစဝင်တော့မှာ သားပါ ဝင်မှာလား မာမီက သားလိုက်မလိုက် မသေချာဘူးပြောထားတော့ ဘုန်းဘုန်းကရတယ် သားလိုက်မယ်ဆို တစ်နာရီလောက်တော့ဖုန်းကြိုဆက်ပေးတဲ့ အဲ့ဒါ အခုချိန်လောက်ဆက်ထားချင်လို့ သားကဘယ်လိုလဲ ''