Agent of Joy

Part 37 [ Unicode ]

'' ဆရာ ကျွန်တော်တို့ အလစ်ဝင်တိုက်ခံရပြီ!!! ''

'' ဘာ! ''

အပြင်ဘက်မှာ ဆူညံပွက်လောရိုက်နေတဲ့အသံကြောင့် ခေါင်းဆောင်ဖြစ်သူ ပြာတောက်သွားပြီး မတ်တပ်ထရပ်လိုက်သည်။ ပျက်စီးနေတဲ့ မြို့ပြင်ဂိုထောင်မှာ လာစခန်းချနေတဲ့ အတွက် ဘယ်သူမှ တော်ရုံ မသိနိုင်တဲ့နေရာကို ဘယ်လိုလူက လာတိုက်ခိုက်ရတာလဲ!

'' အခုဘယ်လိုအခြေအနေလဲ ''

'' ကျွန်တော်တို့ဘက်က တော်တော်များများကျနေပြီဆရာ ဟိုဘက်က ၇ယောက်ထဲနဲ့-  ''

- ဒိုင်း

ပြောနေတဲ့ စကားမဆုံးသေးခင် ကျည်ဆန်မှန်သွားတဲ့ တပည့်ဖြစ်သူရဲ့ခေါင်းကနေ ထွက်လာတဲ့သွေးတွေက ခေါင်းဆောင်ဖြစ်သူရဲ့ မျက်နှာတခုလုံးစိုရွှဲသွားစေသည်။ သူ့လက်မှာ ကပ်ပါလာတဲ့ သွေးတွေကိုကြည့်ပြီး ခေါင်းဆောင်ဖြစ်သူ တုန်ရီသွားသည်။ အမြဲတမ်းတပည့်တွေကိုပဲ ခိုင်းလာတာကြောင့် အခုချိန်မှာ သူရဲဘောကြောင်နေသည်။

'' မင်း မင်းတို့ ငါ့နားမလာနဲ့နော် ငါပစ်လိုက်မှာ! ''

ခါးကြားမှာထိုးထားတဲ့ သေနတ်ကိုယူကာ အခန်းထဲဝင်လာတဲ့ မျက်နှာဖုံးနဲ့ လူတွေကို ချိန်လိုက်သည်။ သေချာပေါက် သေနတ်ကိုင်ထားတဲ့ ထိုသူ့လက်တွေက တုန်ခိုက်နေ၏ ။

'' မိတ်ဆွေကြီးက ဒီကောင့်ကိုမမှတ်မိတော့ဘူးလား ကျွတ် ကျွတ် စိတ်မကောင်းလိုက်တာ ''

ပြောပြီး မျက်နှာဖုံးကို ဆွဲချွတ်လိုက်တဲ့ လူကြောင့် မျက်လုံးတွေ ပြာဝေသွားသည်။

'' LEX!! ''

'' အား မှတ်မိလို့တော်သေးတာပေါ့ဗျာ ''

'' အား ငါ့ကို မထိနဲ့ လွှတ်! လွှတ်ကြစမ်း!  ''

- ဖြောင်း

'' နားညီးတယ် ''

လက်ရွေးစင်တွေရဲ့ လက်ထဲကနေ ငယ်သံပါအောင် အော်ပြီးရုန်းနေတဲ့ကောင်ကို မင်းမြတ်ဇာတ်ပိုးတချက် အုပ်ပေးလိုက်သည်။ နားကိုညီးတယ် ။ သူ့အသားနာတော့မှ တအီအီနဲ့ ငြိမ်ကျသွားတဲ့ ရွံစရာသတ္တဝါကောင်။

ခက်ထည်မာန်ဝင့်က အချုပ်ခံထားရတဲ့လူနဲ့မျက်နှာချင်းဆိုင်လိုက်ကာ ဒူးခေါင်းကိုဖြတ်ကန်လိုက်သည်။ ထိုနောက် Leather လက်အိတ်ဝတ်ထားတဲ့ လက်နဲ့ ထိုသူ့မေးကို ဆွဲမော့လိုက်သည်။ ထိတ်လန့်တုန်လှုပ်နေတဲ့ အကြည့်တွေနဲ့ ထိုလူကအသနားခံနေသယောင်။