Ilapit nang walang pag-aatubili ang iyong tainga sa aking dibdib, Giliw
Pakinggan ang pahiwatig ng mga hitik na pilantik na nababaliw.
Nauulinigan ba ang palahaw na simbuyong hatid nitong puso?
Animo'y pambihirang liriko ang pangalan mong tinutugtog ng silindro.
Ano kaya ang pakiwari sa bawat pantig na pinipintig na iyong naririnig?
Tumatagos kaya ang mala-sinsel na panudla ng Diyos ng Pag-ibig?
Marahil, isang kahibangang pithaya na malapnos ng aking pagsuyo
Bagkus damdamin mo'y nagtatampisaw sa hatid niyang init at rahuyo.
Ngunit kalabisan ba ang pagsusumamo ng kagyat na pagdama?
Nawa'y handugan kahit kapara'y bula na pagsinta, naglalaho kapagdaka.
BINABASA MO ANG
Isang Daang Tula Para sa Isang Estranghera
Poesía"If a poet loves you, you will never die." I'm just a mediocre poet who never believed I will cross path with love. But destiny really works in a mysterious way. The moon may wax and wane and ocean may ebb and flow, yet poetry will remain constant...
