Sakaling ito na ang
kahuli-hulihang patak
ng aking tinta,
walang pag-aalinlangang
ibubuhos ang huling dugo
at luha sa pagkatha ng
magandang tula.
Sa gayon, kahit pa
tangayin ito ng
rumaragasang alon,
uukit ang kariktan sa
kapusuran ng karagatan
kung saan aking pag-ibig
nananatiling nakabaon.
Susulatan kita sa gitna
ng harding may sanlibong
nag-iilawang alitaptap
upang ang bawat letra at
mga talinghagang salita
na nababasa ng iyong
mga mata ay kumukutitap.
Sisikaping maisulat ng
pluma at papel ang
panghuling akda
na puno ng ligaya at
pagsinta upang iyong
maalala na may isang
makata na aalayan ka
ng tula hanggang sa
kaniyang huling hininga.
BINABASA MO ANG
Isang Daang Tula Para sa Isang Estranghera
Poetry"If a poet loves you, you will never die." I'm just a mediocre poet who never believed I will cross path with love. But destiny really works in a mysterious way. The moon may wax and wane and ocean may ebb and flow, yet poetry will remain constant...
