Malaya kang gawin
lahat ng ninanais mo.
Malaya kang lumipad
sa malawak na himpapawid.
Malaya kang mangarap
na singtayog ng bundok.
Malaya kang abutin lahat
ng yun sa sariling pagsisikap.
Malaya kang piliin ang
landas na nais mong tahakin.
Malaya kang lumigaya sa
taong nais mong makasama.
Malaya kang sumama sa
agos at alon ng buhay.
Malaya kang magpatangay
sa ihip at bugso ng hangin.
Malaya kang maniwala sa
mga nobelang iyong nababasa.
Malaya kang mag-imahinasyon
ng mga bagay na hindi magkakatotoo.
Mahal, malaya kang mahalin kung
sinong tinitibok ng iyong puso.
Malaya kang kumawala sa mga
rehas na labis ka ng nasasaktan.
Ngunit, kagaya ng aking tula,
malaya ka rin, Mahal—
Malaya kang tapusin ang 'tayo'
kung sa tingin mo'y 'di na nagtutugma.
BINABASA MO ANG
Isang Daang Tula Para sa Isang Estranghera
Poetry"If a poet loves you, you will never die." I'm just a mediocre poet who never believed I will cross path with love. But destiny really works in a mysterious way. The moon may wax and wane and ocean may ebb and flow, yet poetry will remain constant...
