This Heart Belongs to YOU (Completed)

Season 2 - 92 (Trauma)

Chloe's POV

Ilang araw ko ng sinusungitan si Ake pero bilib din naman akong hindi talaga siya papatinag na ikinatuwa ko. Lakas din kasi ng tama nun! Mapanakit ng babae ang loko! Hindi niya talaga pinalampas si Janeen!

Nasa bahay ako ngayon at nagliligpit sa kwarto nang mahagip ng mga mata ko ang box kung saan nakalagay ang wish list ni Tammy. Napangiti ako at kinuha iyon. Iisa pa lang pala ang natutupad ko roon kung susumahin, at meron pang siyam na natira.

"Sorry na. . . Kung nagalit ka, 'di naman sinasadya. Kung may nasabi man ako, init lang ng ulo. Pipilitin kong magbago. Pangako sa iyo. Sorry na. . . Nakikinig ka ba? Malamang sawa ka na. Sa ugali kong ito, na ayaw magpatalo. At parang sirang tambutso na hindi humihinto. Sorry na talaga kung ako'y medyo tanga. Hindi ako nagiisip, nauuna ang galit. Sorry na talaga, sa aking nagawa. Tanggap ko na'ang mali ako, huwag sanang magtampo, sorry na. . ."

Mangiti ngiti ako ngayong pinapanood si Ake na naggigitara sa may bungad ng pinto ng kwarto ko. Nagulat na lang ako nang may biglang kumanta mula roon kaya kanina ay agad ang lingon ko. Naka-V neck shirt ito ng kulay red kaya naman litaw na litaw ang matipunong dibdib at balikat niya. Idagdag pang parang style na bahagyang nakataas ang laylayan ng manggas ng shirt niya kaya pati muscles nito sa braso ay nakalabas. Ako na may model na boyfriend! Ang sarap niya lang titigan. Maging ang puting pants niya ay naka-taas ang laylayan kaya naman kita mo ang medyo hairy na legs nito.

"Sorry na. . . 'Wag kang madadala, alam kong medyo nahihirapan ka. Ang ibigin ang ang isang katulad kong parang timang na paulit-ulit kang hindi sadyang nasasaktan," pagpapatuloy niya sa kanta niya na ngayon ay unti unti na siyang lumalapit sa akin.

Napangiti ako habang patuloy pa rin itong kumakanta. Talaga namang saktong sakto ang bawat ng lyrics ng kanta sa paghingi niya ng tawad! Naptakip ako ng labi ko gamit ang ilang daliri ko saka ko pinag-krus ang mga hita ko ay pinakatitigan lang siya hanggang sa makalapit ito ng husto saka tumalikod. Pagtingin ko roon ay may nakita akong maliit na bugkos ng rosas na kulay blue sa may bulsa ng pants niya sa likod. Sa likuran naman ng damit niya at may maliit na poster na nakasabit.

Sorry na po Babebear. I miss cuddling with you. Mahal pa rin kita kahit napaka-sungit mo. (╯︵╰,)

Bahagya akong natawa nang mabasa iyon. Bahagya niya pang iginalaw galaw ang butt niya na para bang sumesenyas na kunin ko ang blue roses doon. Nang kunin ko iyon, ay agad siyang humarap na sakto namang tapos na ang kanta.

"Sorry na?" Nakalabi niyang sabi sabay papikit pikit pa ng mga mata niya na para bang bata na nanghihingi ng candy.

I crinkled my nose as I pursed my lips. Pinaningkitan ko pa siya ng mata saka siya dinilaan. Napailing naman ito at napangiti na para bang nag-e-enjoy akong panoorin.

Lokong 'to!

"Sa isang kondisyon," sabi ko rito saka ako umayos ng upo.

"Anything you want," aniya.

Kinuha ko ang wish list ni Tammy at iwinagayway iyon sa ere. "Let's do these."

"What's that?" Nagtatakang tanong niya saka siya umupo sa tabi ko.

"Tammy's wish list," sagot ko sa kanya. Nang lingunin ko siya ay malaking pagbabago ng ekspresyon ng mukha niya ang nakita ko. Bahagya itong lumungkot.

Siguro ay namimiss niyang talaga si Tammy.

Hinagod ko ang likuran niya kaya naman napalingon siya sa akin. Nginitian ko naman siya saka ako bumaling sa papel na hawak niya.

"Let's do it for Tammy actually. Matagal na dapat iyan pero laging nawawala sa utak ko. Masyado mo kasing okupado ang isip ko," biro ko pa saka ako lumingon sa kanya.