This Heart Belongs to YOU (Completed)

This Heart Belongs To YOU - 60 (Boobear Who?)

💙 60

Chloe's POV

Nasa kalagitnaan kami ng pagkanta ng The Lord's Prayer sa simbahan nang bigla akong hilahin ni Ake palapit sa kanya, okay lang sana kaso, pati si Eos ay ganoon din ang ginagawa kaya inis kong hinila ang dalawang kamay ko at ibinaba iyon.

"Huwag niyo akong mahawakang dalawa! Nasa loob tayo ng simbahan! Umayos nga kayo!" Inis na bulong ko sa kanila.

Sa huli ng diskusyon namin kanina ay wala akong nagawa kundi ang isama silang dalawa. Pareho pa nilang dala ang kotse nila dahil si Ake ang may sakay sa akin papunta rito at mamayang paguwi naman ay si Eos din.

Kanina pa sila nagsasamaan ng tingin. Kulang nalang ay upakan nila ang isa't isa. Okay lang sana kung hindi ko napapansin, pero hello?! Lagi akong nasa gitna at ako iyong laging naiipit. Sila na matangkad di ba?!

Paglabas namin ng simbahan ay para akong may body guard. Tinalo pa nila si Papa at Marvin kung makadikit sa'kin. Iyong dalawang paa ko, naging anim!

"Kapag hindi kayo umayos na dalawa sasamain na kayo sa akin!" Asik ko saka ko sila inirapan.

Inilabas ko ang phone ko at isa isang tinext sina Macey, Riley, Aiden at Logan. Hindi ko na kayang makasama silang dalawa, iyong tatlo lang kami.

Lahat naman sila ay nag-reply ng, Okay. Nakahinga ako ng maluwag.

"Saan na tayo bae?" Tanong ni Eos.

"Iyan ka nanaman sa bae mo! Ang korny mo!" Natatawang sagot ko. "Tara doon sa Angels Cafe." Yaya ko.

"Chloe.." Tawag sa akin ni Ake kaya nilingon ko ito.

"Bakit?" Nagtatakang tanong ko.

"Ang pangit mo! Stupid!" Kunot noong sabi niya saka siya naunang maglakad. Naningkit naman ang mga mata ko ng sandaling iyon dahil sa inis.

Ano nanamang problema 'nun?! PMS nanaman! Eish!

"Huwag kang maniwala sa kanya bae, you're beautiful." Ani Eos. Nilingon ko siya at sinamaan ng tingin.

"Ewan ko sa inyong mga lalake! Eish! Nakaka-imbyerna kayo!" Asik ko sa kanya na ikinagulat niya.

"Bae naman.. Huwag mo akong sungitan.. Kahit si Blake nalang.." Nakangusong sabi niya.

Err-- cute. Tss!

Bumuntong hininga ako. "Sorry. Tara na." Yaya ko rito saka kami sumunod kay Ake.

Teka.. Yayain ko rin kaya si Faye?

Muli kong inilabas ang phone ko at dinayal ang number ni Faye. Nang mag-ring iyon ay agad din niyang sinagot.

"Hello baby babe?" Si Faye sa kabilang linya.

"Baby babe. Busy ka?" Tanong ko.

"No. Why?"

"Come with us. Nasa labas kami."

"Ha? With who?"

"Eos, Ake, susunod na rin sina Riley, Macey, Logan at Aiden."

"Ehh? Puro kayo matatanda!" Tumawa ito.

"Aw! Aray naman baby babe.." Napanguso ako.

"Haha. Sige sige. Saan kayo?"

"Angels Cafe."

"Got it baby babe. Maliligo na ako. Bye. Later." Paalam ni Faye saka nito binaba ang linya.

Pagkapasok ko ng Angels Cafe ay agad kong hinanap si Tita Mamsi. Remember? Iyong Manager dito na kakilala ng parents ko. Ngunit napanguso ako nang hindi ko siya nakita.