ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

Title - After Rebirth, the Scum All Cry for Forgiveness

Description 💥

သူမ နိုးလာသောအခါ ကျုံးယို့ယို့က သမားရိုးကျ အချစ်ဇာတ်လမ်းဟောင်းတစ်ပုဒ်ထဲမှ ဆိုးရွားသော အမျိုးသမီးဇာတ်ပို့ဖြစ်လာခဲ့ပေသည်။

အမျိုးသမီးဇာတ်ပို့က စိတ်မချမ်းသာခဲ့ပေ။ သူမ၏ မိဘများ၊ အစ်ကိုနှင့် စေ့စပ်ထားသူတို့က နူးညံ့သိမ်မွေ့ပြီး သနားစရာကောင်းသော ဇာတ်လိုက်မင်းသမီးအပေါ် အမှန်တကယ်ကို ဘက်လိုက်ကြလေသည်။ ဇာတ်လိုက်မင်းသမီးကြောင့် အရာအားလုံး လုယက်ခံရပြီးနောက်တွင် အမျိုးသမီးဇာတ်ပို့၏ မနာလိုမှုက မုန်းတီးမှုအဖြစ်သို့ ပြောင်းလဲသွားပြီး သူမစိတ်သည်လည်း မူမမှန်ဖြစ်လာသည်။ နောက်ဆုံးတွင် သူမက  လမ်းပေါ်တွင်သာ ကြေကွဲဖွယ်အဆုံးသတ်ကို တွေ့ခဲ့ရလေသည်။

ကျုံးယို့ယို့ ၎င်းကိုဖတ်လိုက်ရသည့်အခါတွင်မူ အမျိုးသမီးဇာတ်ပို့၏ မိုက်မဲမှုနှင့်ပတ်သက်၍ ညည်းညူမိတော့သည်။

"သူ့မှာ ငွေကြေးနှင့်ရုပ်ရည်ရှိတာကို ဘာဖြစ်လို့ အဲဒီစေ့စပ်ထားတဲ့သူအပေါ် ပြင်းပြင်းထန်ထန် စိတ်ဆုံးဖြတ်ထားပြီး ဇာတ်လိုက်မင်းသမီးအပေါ် ခက်ခဲအောင် လုပ်ရမှာလဲ..."

ထို့နောက်တွင် သူမက ကူးပြောင်းလာပြီး အမျိုးသမီးဇာတ်ပို့ ဖြစ်လာခဲ့ရသည်။

သူမ၏ကတ်ထဲတွင် သန်း၉၀ရှိပြီး သူမ၏နာမည်အောက်တွင် မရေမတွက်နိုင်သောမြေကွက်များ ရှိကာ မှန်ထဲတွင် ပုံရိပ်ထင်နေသော လှပသည့်မျက်နှာလေးလည်း ရှိလေသည်။

“......"

သူမသည် ဆေးရုံကုတင်ပေါ်တွင် လှဲလျောင်းနေပြီး စောင်အောက်တွင် တိတ်တိတ်လေး အော်ဟစ်လိုက်သည်။

"အရမ်းချမ်းသာတာပဲ...စေ့စပ်ထားတဲ့သူ ၊ဆန်ကုန်မြေလေးအဖေနဲ့ ဆန်ကုန်မြေလေးအစ်ကိုကို ဘယ်သူက ဂရုစိုက်တော့မှာလဲ... ဇာတ်လိုက်မင်းသမီးနဲ့ တိုက်ခိုက်ဖို့ရော ဘယ်သူက ဂရုစိုက်လဲ..."

*

အဖေကျုံး ၊ အမေကျုံး ၊ အစ်ကိုကျုံးနှင့် ကျုံးယို့ယို့၏ စေ့စပ်ထားသူ ရှစ်ကျစ်ထန်းတို့ကလည်း ပြန်လည်မွေးဖွားလာခဲ့ကြပြီး သူတို့၏ လုပ်ရပ်အတွက် နက်နက်ရှိုင်းရှိုင်းကို နောင်တရခဲ့ကြသည်။

"ကျုံးယို့ယို့ကို အရင်ဘဝက အပြင်လူတစ်ယောက်အတွက် သူတို့ ဘာလို့ ကောင်းကောင်းမဆက်ဆံခဲ့ကြရတာလဲ... ကျုံးယို့ယို့က သူတို့ကြောင့် ကြေကွဲဖွယ်ရာကောင်းတဲ့ သေခြင်းမျိုးနဲ့ သေဆုံးသွားခဲ့ရရတာ..."

နောက်ဆုံးမှာလည်း ကျုံးယို့ယို့က အတိတ်က နာကျည်းမှုတွေကို လျစ်လျူရှုပြီး သူတို့တွေကိုကယ်ဖို့ သူမရဲ့အသက်ကို စတေးခဲ့ရသည်။ဤဘဝတွင် သူတို့က ကျုံးယို့ယို့ကို ကောင်းကောင်းဆက်ဆံပြီး သူမကို သူတို့၏ချစ်ခြင်းမေတ္တာတွေအားလုံး ပေးမယ်လို့ ကတိပြုခဲ့ကြသည်။

သို့သော်ငြားလည်း သူတို့က အပြစ်ရှိစိတ်များနှင့် နောင်တတို့ ပြည့်နှက်နေပြီး ကျုံးယို့ယို့အပေါ်  ပြုပြင်ဖို့ အသည်းအသန်စတင်ကြိုးစားနေစဉ်တွင် သူမ ...... ကျုံးယို့ယို့က ပျော်ပျော်ရွှင်ရွှင်ဖြင့် ရှော့ပင်ထွက်ကာ အိတ်တွေဝယ်ပြီး spa သွားကာ ဈေးကြီးသော ဒိုးနတ်များ၊ ပန်ကိတ်များကို ဇိမ်ကျကျဖြင့် စားသောက်နေခဲ့သည်။ ပေကျံနေသောလက်များနှင့် လင်းလက်နေသောမျက်၀န်းတို့နှင့်အတူ သူမ၏မျက်နှာသည် ပျော်ရွှင်မှုကြောင့် နီမြန်းတောက်ပနေခဲ့လေသည်။

"..."

" သူတို့ရဲ့အချစ်ကိုရဖို့အတွက် မူမမှန်ဖြစ်ပြီး ရူးသွပ်သွားခဲ့တဲ့ ကျုံးယို့ယို့က ဘယ်ကိုရောက်သွားတာလဲ..."

xxxxx