ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

Chapter 30

ရှစ်ကျစ်ထန် သူမအား သတိထားမိသွားခဲ့ပြီး ချက်ခြင်းပင် ရပ်တန့်လိုက်သည် ။

ထို့နောက် သူ့ဘေးရှိ သူငယ်ချင်းများအား စကားအနည်းငယ်ပြောခဲ့ပြီး သူမဘက်သို့လှည်ကာ တည့်တည့်ပင် လျှောက်လာခဲ့သည် ။ကျုံးယို့ယို့ ဘေးရှိ မိန်းကလေးသည် ယွမ်ယွမ် ဖြစ်ပြီး သူမသည် အနည်းငယ်ထိတ်လန့်သွားကာ ပြောလိုက်မိသည်

" အဲ့တာက ရှစ်ကျစ်ထန် မလား ။ ယို့ယို့ ကြည့်ပါဦး။ ခဏလေး သူကဘာလို့ငါတို့ဆီကို တည့်တည့်လာနေရတာလဲ "

  သူမ၏ စကားမဆုံးသေးခင်မှာပင် ရှစ်ကျစ်ထန်သည် သူတို့ထံသို့ ချဥ်းကပ်လာခဲ့သည် ။ အတန်း ၁၉ နှင့် ပြိုင်ဘက်အတန်းကြားတွင် အပြန်အလှန်ဆက်ဆံမှု သိပ်မရှိပါ ။ ယွမ်ယွမ် သည် ကျောင်း၏ နာမည်အကြီးဆုံးကောင်လေး ရှစ်ကျစ်ထန် အားယခင်က အနီးကပ်တစ်ခါမှ မမြင်ဖူးခဲ့ပေ။သူမသည် စိတ်လှုပ်ရှားလာကာ အော်မိလုမတက်ပင် ဖြစ်ခဲ့သည်။ ကျုံးယို့ယို့နှင့် သူမအားခြားထားသောဘောလီဘောခြင်းကြောင့်သာမဟုတ်လျှင် ကျုံးယို့ယို့၏ လက်မောင်းကိုပင် သူမဆွဲစိတ်မိလောက်သည် ။

ယွမ်ယွမ်တစ်ယောက်တည်း စိတ်လှုပ်ရှားကာ ရှက်သွေးဖြန်းနေခြင်းမဟုတ်ချေ ။ အတန်း ၁၉ရှိ သင်ထောက်ကူပစ္စည်းများသယ်နေသော မိန်းကလေးအများအပြားသည်လည်း ခံစားလွယ်လာကြသည် ။

ကျုံးယို့ယို့သည် ရှစ်ကျစ်ထန်အားတွေ့သောအခါ မျက်မှောင်ကြုတ်လိုက်မိသည် ။

သို့သော် ရှစ်ကျစ်ထန်သည် သူမ၏ အမူအရာအား လွယ်လွယ်ပင်လက်ခံလိုက်သည့်ပုံပေါ်သည် ။ သူသည် ဘောလီဘောခြင်းကိုသယ်ဆောင်ထားသော သူမ၏လက်များနီရဲနေသည်ကို တွေ့လိုက်ပြီး ညင်သာစွာပြုံးကာ သူမအားပြောလိုက်သည်

" ဖယ်လိုက် ငါသယ်ပေးမယ် "

ထိုအချိန်တွင် ကျယ်လောင်စွာအော်နေသံများနှင့် အတင်းအဖျင်းများသည် အတန်း ၁၉ ၏ မိန်းကလေးများကြားတွင် ပျံ့နှံ့သွားသည် ။

ဘယ်လိုဖြစ်ရတာလဲ ။ သူတို့အတန်းထဲက ကျုံးယို့ယို့က ရှစ်ကျစ်ထန်နဲ့ပါ ဘယ်လိုသိနေခဲ့ကြတာလဲ ။သူတို့ကို အရင်ကတစ်ခါမှ ကျောင်းမှာ အတူတွဲပြီး မမြင်ဘူးပါဘူး ။