ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

chapter 114

Chapter 114 The Scum
December 29, 2023

Chapter 114

လီသုန်းဖျင်က တစ်နာရီခွဲလောက်ကြာအောင် စကားပြောနေခဲ့ပြီး ‌ရှေ့ဆုံးတန်းမှ အတန်းဖော်များသည် စင်လာသော သူ၏တံတွေးတို့ကို သည်းခံနေခဲ့ကြရသည်။ နောက်ဆုံးတွင် အဖြေလွှာများသည် ‌ကျောင်းသားများ၏ လက်တွင်းသို့ရောက်လာတော့မည်။ သူတို့က လီသုန်းဖျင်၏ စိတ်အားထက်သန်မှုတွင် သေလုမျောပါးဖြစ်နေကြသည်။ သူတို့က စာမေးပွဲရလဒ်တို့ကို သိရတော့မည်ဖြစ်ပြီး စိတ်လှုပ်ရှားစွာ အသက်အောင့်ထားမိကြသည်။

တစ်တန်းလုံးကတိတ်ဆိတ်နေပြီး ဘာသာရပ်ကိုယ်စားပြုကျောင်းသားတချို့၏ အဖြေလွှာများလိုက်ဝေနေသော အသံများကိုသာ ကြားနေရသည်။ လူတိုင်းက နှလုံးခုန်မြန်နေကြ၏။

ရှစ်ယိမုန့်သည်လည်းအတူတူပင်။ သူကခါးကိုင်းပြီး ခေါင်းငုံ့ထားကာ စားပွဲကိုသာစိုက်ကြည့်နေသည်။ လက်ဖဝါးတွင်တော့ ချွေးများစို့နေလျက်။

သူဘာကြောင့် စိတ်လှုပ်ရှားနေသည်မသိချေ။ ယခင်က သူသည် အဆင့်မကောင်းသည်ကို မရှက်ခဲ့ပေ။ ယခုတစ်လလုံးတွင် သူသည် သေချာလိုက်နားထောင်ပြီး အိမ်စာများပြီးအောင်လဲ ကြိုးစားခဲ့သည်။ သူကိုယ်တိုင်ပင် တိုးတက်လာသည်ကို သတိထားမိ၏။ သူ့ကိုယ်ထဲတွင် လစ်ဟာမနေတော့ဘဲ တဖြည်းဖြည်းနှင့် ပြည့်နှက်လာသည်ကိုသိသိသာသာခံစားရသည်။

အခုသူကကြိုးကြိုးစားစားလုပ်ခဲ့ပြီးပြီ။ ဘယ်လိုလုပ် လပတ်စာမေးပွဲရလဒ်တွေအတွက် စိတ်မလှုပ်ရှားဘဲ နေနိုင်မှာလဲ။

ဘေးတွင်ထိုင်နေသော သူငယ်ချင်းများက သူစိတ်လှုပ်ရှားနေသည်ကိုတွေ့သောအခါ အံ့သြသွားကြပြီး ဘော့ပင်ထိပ်လေးနှင့် တို့လိုက်ကာ “ အစ်ကိုရှစ်... အဆင်ပြေရဲ့လား။”

ရှစ်ယိမုန့်က သူ့ကိုလျစ်လျူရှုထားကာ စာရွက်ဝေနေသောကျောင်းသား၏ ခြေသံကိုနားထောင်ရင်း အသက်အောင့်ထားမိသည်။

“ရှစ်ယိမုန့် မင်းဒီတစ်ခေါက်...” ဘာသာရပ်ကိုယ်စားပြုကျောင်းသားက စာရွက်ကိုကမ်းလိုက်‌ရင်းတုံ့ဆိုင်းသွား၏။