ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

chapter 103

Chapter 103 The Scum
December 27, 2023
Chapter 103

ရလဒ်အနေဖြင့် လူအများသည် သူတို့၏ နှလုံးသားထဲတွင် စိုးရိမ်မှုကို စတင်ခံစားမိနေကြပြီဖြစ်သည် ။

သူတို့သည် သူတို့၏ ဘဝကိုထိုကဲ့သို့ ဖြုန်းတီးပစ်နေပြီး အနာဂတ်တွင် သူတို့ နောင်တမရဘဲ နေမည်လား ။

အင်္ဂလိပ်စာကိုပဲ ဥပမာယူကြည့်သင့်သည် ။အကယ်၍ သူတို့သာ မိသားစုနောက်ခံအကြောင်းမပြောလျှင် သူတို့၏ အရှေ့တွင်ရပ်နေသာ အင်္ဂလိပ်လိုပြေပြစ်စွာပြောသွားသည့် မိန်းကလေး၏ အနာဂတ်သည် သူတို့ထက်ပင်ပို၍ အဆင်ပြေချောမွေ့နေသည် မဟုတ်လား ။

အဘယ်ကြောင့်ဆိုလျှင် သူမထံတွင် စွမ်းဆောင်ရည် နှင့် ထူးချွန်မှုများရှိခြင်းကြောင့် သူမ၏လမ်းကြောင်းအား ကောင်းကောင်းရွက်လွှင့်နိုင်လိမ့်မည်ဖြစ်သည် ။ ပြီးတော့ သူတို့သည် မိမိကိုယ်ကို နှိမ့်ချကာ မျက်နှာချင်းဆိုင်ကျောင်းရှိသူများအတွက် ပန်းကန်ဆေးပေးရမည်မှာ အမှန်ပင်ဖြစ်နေမည်လား ။

  အကယ်၍ သူတို့သာ အနည်းငယ်ရုန်းကန်ပြီး အပေါ်သို့လှမ်းတက်ခဲ့မည်ဆိုလျှင် ထိုအရာသည် အဆင်ပြေပြီး သူတို့သည် အနာဂတ်တွင် နောင်တရမည်မဟုတ်ပေ ။

မာကျန့်သည် မတတ်သာစွာဖြင့် အနောက်ဘက်မှ အတန်းအရှေ့သို့ လျှောက်လာခဲ့ပြီး သူ၏ အတန်းထဲမှ ကျောင်းသားများအား တိတ်တဆိတ်ကြည့်နေလိုက်သည် ။ ကျောင်းသားအများစု၏ မျက်နှာတွင် ရှုပ်ထွေးကာ စဥ်းစားနေကြသော အမူအရာကို ကြည့်ရသည်မှာ ဤခရီးအတွက် ထိုကျောင်းသူကို ဖိတ်ခေါ်ခဲ့သည်မှာ ကောင်းမွန်သောအရာဖြစ်ကို သူသိခဲ့သည် ။

ကောင်းမွန်သော ပညာရေးလဒ်များသည် ဒုတိယဖြစ်ပြီး အရေးကြီးဆုံးအချက်မှာ ရေဆန်ဖြစ်စေ ရေစုန်ဖြစ်စေ ကိစ္စမရှိဘဲ အပေါ်သို့တက်လိုသော နှလုံးသားရှိခြင်းမျိုးပင် ဖြစ်သည် ။

သို့သော် မကြာမီတွင် အတန်းထဲ၌ အနည်းငယ် ဆူညံပွက်လောရိုက်လာမှုများရှိလာသည် ။

" နင်အခုလေးတင် ရေးသွားတဲ့ စာစီစာကုံးစာကြောင်းက စီရင်စုတစ်ခုလုံးရဲ့ ပြိုင်ပွဲပရိုဂရမ်မှာနံပါတ်တစ်ရတဲ့ မဟာနတ်ဘုရားရဲ့ အကြံဉာဏ်ကို ခိုးချထားမဟုတ်ဘူးလား "