ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

chapter 70

Chapter 70 The Scum
December 13, 2023
Chapter 70

ကြီးကြပ်သူ နံပါတ်(၃) ၏ မျက်နှာသည် ပြင်းထန်စွာ နာကျင်နေသည့်ပုံရသည် ။သူမသည် ဖေးယွင်အား အလွန်ဒေါသထွက်နေခဲ့ပြီ ဖြစ်သည် ။ထိုရိုးသားပုံပေါ်သော နယ်မြို့မှ မိန်းကလေးအား ထိုသို့လုပ်လိမ့်မည်ဟု မမျှော်လင့်ထားခဲ့ပေ ။ သူမသည် ထိုကဲ့သို့ လှည့်စားမှုများအား တိတ်တဆိတ်လုပ်ရဲခဲ့ပြီး သူမအား ကျောင်းသားများရှေ့တွင် ဦးနှောက်မဖွံ့ဖြိုးသည့်သူကဲ့သို့ဖြစ်အောင် လုပ်သွားခဲ့သည် ။

  သူမသည် ချက်ချင်းပင် ဖေးယွင်အား ဒေါသတကြီး လက်ညှိုထားလိုက်ကာ " နံပါတ် ( ၁ ) ပါ၀င်ယှဥ်ပြိုင်သူ  ၊ ဖေးယွင် ။ ဟုတ်တယ်မလား ။ ဒီဗီဒီယိုထဲမှာ နင်ဘာလုပ်နေတာလဲဆိုတာကို ရှင်းပြပေးနိုင်မလား ။ ဒီလိုလုပ်ရင် ဘယ်လိုအကျိုးဆက်ဖြစ်လာမလဲဆိုတာကိုရော နင်သိရဲ့လား ။ အဲ့တာက လောင်မြိုက်သွားတာ ဒါမှမဟုတ် စမ်းသပ်ခန်းတစ်ခန်းလုံးကို လောင်ကျွမ်းသွားစေမယ်ဆိုရင် နင်ဘာလုပ်မှာလဲ ။ နင်က တော်တော် သတ္တိကောင်းနေတာပဲ ။ "

  ဖေးယွင်၏ မျက်နှာသည် ဖြူတစ်လှည့် နီတစ်လှည့်ဖြစ်နေခဲ့သည် ။သူမသည် အသက်အား မြန်မြန်ရှူနေခဲ့ကာ " ကျ..ကျွန်မ.."

    ကျုံးယို့ယို့သည် ထိုကဲ့သို့ အညှာအတာကင်းမဲ့သောပုံစံဖြစ်သည်ကို သူမမည်သို့သိမည်နည်း ။သူမ သည် ဘယ်သူမှမသိအောင်ပင် ဗီဒီယိုအား ခိုးရိုက်ခဲ့သည် ။ ထိုအရာအားတွေးမိသောအခါ သူမထိတ်ထိတ်လန့်လန့်ဖြင့်ပင် အော်ဟစ်လာခဲ့သည် ။

" ကျုံးယို့ယို့  နင်က ဖုန်းကိုမပိတ်ထားရုံတင် မဟုတ်ဘဲ ကင်မရာတောင် ဖွင့်ထားသေးတယ် ။ နင်ကခိုးချချင်နေတာလား "

" ဒီက အတန်းဖော်၊ နင့်ဦးနှောက်က ပျက်နေတာလား ။ ဖုန်းက ဗီဒီယိုကိုပဲ ဖွင့်ထားခဲ့တာ ။ သူမက ဘယ်လိုလုပ်ပြီး ခိုးချလို့ရမှာလဲ ။ ကျုံးယို့ယို့သာ အဲ့တာကို ပိတ်ဖို့ မေ့မသွားခဲ့ဘူးဆိုရင် အခုချိန်မှာ သူမက အမှုဆင်ခံရပြီး ကြိမ်းမောင်းခံနေရမှာတောင် ကြောက်ရတယ် ။ "

  သူမအား ပြန်လည်ချေပခဲ့သည့်သူမှာ ကျုံးယို့ယို့မဟုတ်ဘဲ မခံမရပ်နိုင်ဖြစ်ကာ ပြန်လည်ချေပလာသည့်သူမှာ အမှတ်ဆယ့်သုံးကျောင်းမှ ကျောင်းသူဖြစ်သည် ။