ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

chapter 87

Chapter 87 The Scum
December 21, 2023
Chapter 87

ကျုံးယို့ယို့နှင့် ချင်းယောင်တို့ နေ့လည်စာစားရန် ထွက်သွားကြသည့်အခါ ယွီစစ်ရွှယ်သည် ဖြူဖျော့စွာဖြင့် မတ်တပ်ရပ်ကျန်နေခဲ့သည်။

လမ်းမကိုဖြတ်ပြီး စားသောက်ဆိုင်သို့သွားရာလမ်းတွင် ကျုံးယို့ယို့သည် ပြုံးနေခဲ့ပြီး သူမမျက်လုံးကိုပင့်ကာ ချင်းယောင်ကိုကြည့်နေခဲ့၏။ ထိုသို့လုပ်ခြင်းကြောင့် ချင်းယောင်သည်  နားရွက်များ နီရဲ‌နေသော်လည်း  တည်ငြိမ်သယောင်ပြုမူနေခဲ့သည်။

စားသောက်ဆိုင်၏ ပြတင်းပေါက်နားက ခုံနေရာအလွတ်၌ သူတို့နှစ်ယောက်၀င်ထိုင်လိုက်ကြသည်။ ချင်းယောင်က မီနူးစာအုပ်ကို ကောက်ယူလိုက်ပြီး

" ဘာတွေကြည့်နေတာလဲ ကိုယ့်မျက်နှာမှာ တခုခုရှိနေလို့လား "

ကျုံးယို့ယို့သည် သူမလက်တစ်ဖက်ကို သူ၏ညာဘက်ပါးပေါ်တင်ပြီး သူမလက်ချောင်းလေးများဖြင့် သူ၏မေးစိကိုထိတွေ့ခဲ့ပြီး အပြုံးလေးဖြင့် ပြောသည်။

" မဟုတ်ပါဘူး ရှင်က ခါတိုင်းထက် ဒီနေ့ပိုပြီး ခန့်ညားနေတယ်လို့ တွေးမိရုံလေးပါ "

ချင်းယောင်သည် ထိတ်လန့်သွားပေမဲ့ ၎င်းကိုမပြသခဲ့ပါ။ သူသည် သူ၏လက်ကို စားပွဲ‌ခုံအောက်၌ထားကာ ထိန်းမရနိုင်သည့်ပျော်ရွှင်မှုတွေ ထွက်ပေါ်မလာအောင် အတတ်နိုင်ဆုံးကြိုးစားနေလေသည်။

သူကတည်ငြိမ်စွာဖြင့်မေး၏ ။

" မင်းဘာစားချင်လဲ "

ဤစားသောက်ဆိုင်မှ အမှာအားလုံးသည် အခွံ‌ပျော့ပင်လယ်လိပ်၊ဘဲစသည့် သက်ရှိတိရစ္ဆာန်များကို  ကိုယ်တိုင်ကိုယ်ကျ ရွေးချယ်လို့ရ၏။ ဤအရာသည် စားသောက်ဆိုင်၏ ထူးခြားချက်ဖြစ်ပြီး ပိုလတ်ဆတ်သည့်အရာက အရသာပိုရှိသည့် သဘောဖြစ်သည်။

ကျုံးယို့ယို့ ပြုံးပြီး မီနူးကို ငုံကြည့်လိုက်ကာ ဟင်းပွဲအချို့ကို ရွေးချယ်လိုက်သည်။ ချင်းယောင်သည် မီနူးစာအုပ်ကို သူမဆီမှယူ၍ စားသောက်ဆိုင်၏ ကောင်တာသို့ လျှောက်လှမ်းသွားခဲ့သည်။