ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

Chapter 42 The Scum
December 06, 2023
Chapter 42

ကျုံးယို့ယို့ တစ်ယောက် အတန်းဖော်တွေ၏ မျက်နှာ‌တွေကိုကြည့်ရင်း သူမ‌ မေးခွန်းတွေ မေးခံရတော့မည်ကို ခံစားမိသည်။ သူမကြောက်တာက သူတို့ ဒီယနေ့ နေ့လည် သူမကိုအိပ်ခွင့်မပြုမှာကိုပင်။

သို့သော်ငြား သူမ စာသင်ခန်းထဲသို့ မ၀င်မီ မဖိတ်ခေါ်ထားသည့် ဒုတိယဧည့်သည်နှင့် တွေ့ရမည် မထင်ထားခဲ့ပေ။

မုန့်ရှစ်ရွမ်သည် ရောဂါကြီးကြီးမားမားဖြစ်နေသကဲ့သို့ သူမမျက်နှာသည် စာရွက်တစ်ရွက်လိုမျိုး ‌ဖြူဖျော့နေသည်။ သူမမျက်နှာအမူအရာက ပျော့ပျောင်းနေပြီး သူမကို ရပ်တန့်စေရန် အော်ခေါ်လိုက်၏။

"ယို့ယို့  စကားပြောရအောင်လား "

ကျုံးယို့ယို့ သူမနားလည်ရခက်စွာဖြင့် ခေါင်းကို လှည့်လိုက်ပြီး သူမကို စိုက်ကြည့်နေလိုက်သည်။

"နင် ငါ့ကို ရှာနေတာသေချာရဲ့လား "

လီသုန်းဖျင်သည် အနည်းငယ်အံ့ဩသွား၏။ ကျုံးယို့ယို့သည် ဘာကြောင့် ပြိုင်ပွဲဆိုင်ရာအတန်းက ကျောင်းသူကို သိနေရသနည်း။ မုန့်ရှစ်ရွှမ်က သူမရဲ့ အမှတ်တွေကြောင့် တတိယနှစ်အတန်းအားလုံးမှာ နာမည်ကြီးသည့် ထိပ်တန်းကျောင်းသူတစ်ယောက်ဖြစ်၏။

ဤမတိုင်ခင်ကဆိုလျှင် လီသုန်းဖျင်သည် ကျုံးယို့ယို့က ပြိုင်ပွဲဆိုင်ရာတန်းမှ မုန့်ရှစ်ရွှမ်ကဲ့သို့ ကျောင်းသားတွေနှင့် စာလေ့လာသည့်အတွက်ကြောင့် သူမအဆင့်တွေ ကောင်းလာသည်ဟုထင်မိ၏။သို့သော် ဤတစ်ခေါက်စာမေးပွဲအပြီး သူသည် ထိုသို့ မတွေးတော့ချေ။

ကျုံးယို့ယို့ဆီမှာ မထုတ်ဖော်ရသေးသည့် ကြီးမားသည့်စွမ်းအင်တွေ ရှိနေသေးသည်ဟု သူခံစားမိနေသည်။ ဖြစ်နိုင်တာက ထိုအရာများ ဖော်ထုတ်လိုက်သည်နှင့် အဖျက်စွမ်းအားကြီးသည့် ဗုံးတစ်လုံးဖြစ်ပြီး မုန့်ရှစ်ရွှမ်ထက်ပင် အားကောင်းလိမ့်မည်ဖြစ်သည်။ ဘာပဲဖြစ်ဖြစ် သူ၏အတန်းထဲမှ ကျောင်းသားများသည် အထူးတန်းမှသူများကို ရှုံးလိမ့်မည်ဟု မတွေးမိချေ။