ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

chapter 99

Chapter 99 The Scum
December 26, 2023

Chapter 99

  ရှစ်ယိမုန့်သည် အတန်းထဲတွင် ကျုံးယို့ယို့အား သိသာအောင်မကြည့်ခဲ့ပေ ။ နောက်ဆုံးအကြိမ်တွင် ကျောင်းဂိတ်၌ ချင်းယောင်ကိုမြင်လိုက်ချိန်မှစကာ ရည်ရွယ်သည်ဖြစ်စေ မရည်ရွယ်ပဲစေ သူမကို ရှောင်နေခဲ့သည် ။သူသည် အားကစားအသင်း၏ အဖွဲ့ဝင်ဖြစ်သည် ။အတန်းထဲတွင် အားကစားကိစ္စနှင့်ပက်သက်၍ ကျုံးယို့ယို့နှင့်အခြားသူများအား ပြောဆိုစရာရှိလာလျှင် ရွှီမင်ကိုသာ သွားပြောခိုင်းလေ့ရှိသည် ။သူသည် ထိုနေရာသို့ ထပ်သွားတော့မည် မဟုတ်ပေ ။

   အဘယ်ကြောင့်ဆိုလျှင် သူ့ထံတွင် ရှုံးနိမ့်ရသည့် ခံစားချက်အနည်းငယ်အား ရနေသောကြောင့်ပင် ။

  သူသည် ယခင်က ကျောင်းတွင် ဆိုးရွားသောအရာ ဘာမှမရှိဟုတွေးခဲ့သည် ။ပြီးနောက်သူသည် ဂူဏ်ယူစွာဖြင့်ပင် ပြောခဲ့သေးသည် " ငါ့အဆင့်တွေက လုံးဝမကောင်းဘူး " ။ သို့သော် ယခုတွင် သူသည် ရုတ်ချည်းနားလည်သွားခဲ့ရသည်  ။ အဲ့ဒီမကောင်းတဲ့အဆင့်တွေမှာ ဂုဏ်ယူစရာများရှိနေလို့လား ။ သူဟာ စာကောင်းကောင်းကြိုးစားလျှင် သူအနိုင်ရမည့်အရာမှာ အနာဂတ်အကျိုးအမြတ်တစ်ခုတည်းသာမဟုတ်ဘဲ  သူဇွဲ့လုံ့လရှိစွာ ကြိုးစားလေလေ သူ၏ ဗဟုသုတများသည် ပို၍ ကျယ်ပြောလာလေလေဖြစ်သည် ။ ထို့နောက်တွင် အဆင့်မြင့်မှ လူများအား ပို၍ သတိထားမိလာလေလေလည်း ဖြစ်သည် ။

   ထိုအရာသည် ကျုံးယို့ယို့ နိုင်ငံတော်အလံအောက်တွင် ရပ်နေသော နေ့ရက်ကဲ့သို့ပင်ဖြစ်သည် ။ ထောင်ပေါင်းများစွာသောအကြည့်တို့သည် သူမအပေါ်တွင် ကျရောက်နေပြီး သူမသည် အလွန်တောက်ပနေခဲ့သည် ။

     သူ၏ အကြီးမားဆုံးအမှားမှာ ထိုကဲ့သို့သော သူမျိုးကို အမြင်ကပ်ဖူးခြင်းသာဖြစ်သည် ။ပြောရမည်ဆိုလျှင် သူသည် စပျစ်သီးအား မစားနိုင်သောကြောင့် ထိုစပျစ်သီးကို ချဥ်သည်ဟု ပြောလိုက်သည့် အတိုင်းပင် ။

    ထို့ကြောင့်သူသည် ခေါင်းကုပ်နေရာမှ စတင်ခဲ့မည် ဆိုလျှင်တောင် သူသည် ကုန်လွန်ခဲ့ပြီးသော လနည်းငယ်အတွက် တိုက်ခိုက်ချင်ပါသေးသည် ။အဆုံးတွင် သူ့ဖခင်၏ စီးပွားရေးလုပ်ငန်းများ လုပ်ကိုင်ရန် သူသည် အထက်တန်းကျောင်းမပြီးမချင်း သူ၏ဦးနှောက်အား ဗလာမထားနိုင်တော့ပေ ။သူသည် ထိုတပ်သားဟောင်းများထံမှ လှောင်ရယ်ခံနေပြီ မဟုတ်လား ။