ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

Chapter 34

၎င်းသည် ယွီစစ်ရွှယ်၏ မေးရိုးကိုပြန်ပင့်တင်ရန်ပင် အချိန်အတော်အတန်ယူလိုက်ရသည် ။သူမကိုယ်သူမ တည်ငြိမ်အောင် အကောင်ဆုံးလုပ်သော်လည်း သူမ၏ မျက်နှာသည် အပြာရောင်ပင်ပြောင်းနေပြီဖြစ်သည် ။သူမသည် ကျုံးယို့ယို့ကို ခေါင်းအစခြေအဆုံးနောက်တစ်ကြိမ်ကြည့်လိုက်ပြီး ကျုံးယို့ယို့သည် ယခင်ကနှင့်လုံးဝမတူတော့သည်ကို သတိထားမိခဲ့သည် ။သူမအနည်းငယ်မနာလိုဖြစ်လာမိသည်

" နင်ဘာလို့ရုတ်တရက်ကြီး အိမ်တစ်လုံးဝယ်ပြီး အပြင်ထွက်နေတာလဲ "

 

"ဟုတ်တယ်လေ တစ်ယောက်ထဲနေတာက ဘယ်လောက်မိုက်လိုက်သလဲ "

ယွီစစ်ရွှယ်သည် မျက်လုံးအားလှည့်လိုက်ကာ

" အဲ့ဒါက ဘာလို့လဲဆိုတော့ ကျုံးမိသားစုက နင့်ကို သဘောမကျလို့မဟုတ်လား "

ကျုံးမိသားစုလား ။ ယွမ်ယွမ် ကြားသောအခါ အနည်းငယ်ရှုပ်ထွေးသွားခဲ့ရသည် ။

အဲ့ဒါက သူမတွေးနေတဲ့ ကျုံးမိသားစုများလား ။သူတို့က ယို့ယို့ကို မကြိုက်ကြဘူးလား ။

  

ကျုံးယို့ယို့သည် မတူညီစွာပြုံးလိုက်ပြီး သူမရဲ့ မျက်လုံးများအားပင့်ကာ

" ငါဘာအတွက်ထွက်သွားတာလို့ နင်ပြောလိုက်တာလဲ ... အဲ့ဒါက သေချာပေါက် ချင်းယောင် ငါ့ကို လာတွေ့ရလွယ်အောင်လို့လေ "

  ထိုစကားများသည် ယွီစစ်ရွှယ်အား ဒေါသထွက်စေခဲ့သည် ။ သူမသည် ရုတ်တရက်ပေါက်ကွဲထွက်လာသော မီးပန်းများကဲ့သို့ပင် သူမ၏ မျက်နှာသည် ခရမ်းရောင်ပင်ပြောင်းသွားခဲ့ရပြီး ပုခုံးများသည်ပင် မြင့်လိုက်နိမ့်လိုက်ဖြစ်နေခဲ့သည် ။

" ကျုံးယို့ယို့ နင်တစ်ကယ်အရှက်မရှိတာပဲ "

သူမသည် ဒေါသကြောင့် ဆွေ့ဆွေ့ခုန်နေခဲ့သည် ။ သို့သော် ကျုံးယို့ယို့သည် ယွမ်ယွမ်ကို အနားသို့ဆွဲလိုက်ပြီး ရိုးသားဖြူစင်သည့်သူတစ်ယောက်ကဲ့သို့ပင် ထွက်သွားချင်နေသည် ။