ဆန်ကုန်မြေလေးတွေကခွင့်လွတ်ဖို့တောင်းခံနေကြတယ်

chapter 110

Chapter 110 The Scum
December 29, 2023

Chapter 110

ခဏအကြာတွင် ရဲဌာန၏ လက်ထောက်အသင်းခေါင်းဆောင် ရောက်လာခဲ့သည် ။သူသည် လောင်ကျောက်ကို တစ်ချက်ကြည့်လိုက်သည် ။ နှစ်ယောက်သည် အရင်ထဲက သိနေကြပြီး လောင်ကျောက်က အပြုံးဖြင့်တုံ့ပြန်လိုက်သည် ။

လက်ထောက်အသင်းခေါင်းဆောင်သည် ထိုင်လိုက်ပြီးနောက် မှတ်တမ်းကို ဖတ်ပြလိုက်သည် ။ ထို့နောက်တွင် ဤကိစ္စတွင် မည်သူက တာဝန်ရှိသလဲဆိုသည်ကို ပြောခဲ့သည် ။

" ဘာတွေဖြစ်နေလဲ ဆိုတာကို တစ်ချက်ကြည့်ပါရစေအုန်း "

ထိုအရာအား ကြည့်ပြီးနောက်မှသာ ဟယ်ချုန်ရှန်း နှင့် မုန့်ချန်သည် စိတ်သက်သာရာရသွားကြသည် ။

  လောင်ကျောက်သည် သူ့ထံတွင် အင်အားရှိနေသည်ဟု ခံစားလိုက်ရပြီး ထို့နောက်တွင် သူ့ဘေးမှ ခုံအား ယူကာ ဝင်ထိုင်လိုက်သည် ။ သူသည် ရဲစခန်းထဲတွင် ဆေးလိပ်မီးမညှိခင် ခေါင်းပင်အသာမော့လိုက်သေးသည် ။

သူသည် ဟယ်ချုန်ရှန်းအား တစ်စုံတစ်ရာ ဂုဏ်ယူနေသလို ထပ်၍ အသံနှိမ့်ကာ ပြောလိုက်သည် ။

" လောင်ဟယ် ၊ ဒီတစ်ကြိမ်လည်း မင်းငါ့အပေါ်မှာ ထပ်ပြီးမျက်နှာသာပေးဖို့ အကြွေးတင်သွားပြီ "

ဟယ်ချုန်ရှန်းသည် အလျင်အမြန်ပင် အနည်းငယ် ဦးညွှတ်လိုက်သည် ။ " ဟုတ်တယ် ၊ ဟုတ်တယ် လောင်ကျောက် ။ မင်းကိုငါဒီတစ်ခါ ကျေးဇူးတင်ပါတယ် ။ မနက်ဖြန်လာပြီး မင်းကို ကျေးဇူးဆပ်ပါ့မယ် "

လောင်ကျောက်သည် ပြုံးလိုက်ပြီး စီးကရက်ကို တောက်ချလိုက်သည် ။

ဟယ်ချုန်ရှန်းသည် တတွတ်တွတ်စကားပြောနေပြီး သူ၏ မိန်းမသည် အလွန်ဆူညံကာ ယခုထိ ငိုယိုနေဆဲဖြစ်သည် ။သူ၏ မျက်နှာသည် မကြည်မလင်ဖြစ်နေပြီး သူသည် သူ၏ သူငယ်ချင်းရှေ့၌ မျက်နှာပျက်ရသည်ဟု ခံစားနေမိသည် ။ သူ၏ မိန်းမသည် သူ၏ နာမည်ကို ဖျက်ခဲ့သည်ဟု မတွေးဘဲမနေနိုင်ခဲ့ချေ ။

ဤတစ်ကြိမ်သည် ဒုတိယအကြိမ်ပင် ဖြစ်သည် ။

သူ၏မိန်းမသည် ထူးဆန်းသောကိစ္စများတွင် ပို၍ ပါဝင်ပက်သက်လာသည်နှင့်အမျှ သူပို၍ ထူးဆန်းလာရသည် ။