خرج من بيتي حسيت بقلبي غادي يخرج من بلاصتو بقوة مكيضرب حطيت يدي على قلبي وتكيت كنفكر علاش دار هكاك زعما نكون عجبتو لا ميمكنش اش غادي يعجبو فيا حماقيت حتى انا هو كيبقا رجل وغريزتو تحكمات فيه بقيت هكاك حتى نعست... صبح الصباح فقت مع 7 بدلت حوايجي وجمعت كتوباتي وانا نزل
بابا: بنتي فين غادية
انا: غانمشي نقرا
بابا: راك مزال مريضة جلسي رتاحي شوية
انا: لا متخافش انا مزيان
جاد: متخافش اعمي انا غادي نوصلها ونرجعها
بابا: واخة الله يرضي عليك اولدي
انا: بلاش انا غانمشي بوحدي
جاد: (خنزر فيا) ياله زيدي قدامي باش منتعطلوش
انا: (اففف) اوكي.. مشيت ركبت معاه وبقيت واحلة مع السمطة وهو يقربلي قادلي السمطة بقا قلبي كيضرب
جاد: متخافيش مغنديرليك حتى حاجة اصلا نتي ماشي نوعي المفضل
انا: (مصدومة مي مبينتش) وشكون قاليك شي حاجة كتنقز غير بوحدك
جاد: (تصدم سحابلو بحال البنات غادي تقلق ساعة شافها مهدنة) احم انا غير قتليك... مجاوبتوش ودرت راسي على الشرجم سديت عيني تفكرت ماما فاش كانت كتلعب معايا وكضحك محسيت حتى نزلت دمعة من عيني مسحتها بالزربة ودرت نظاظري.. قلبي هو اكثر واحد مجروح.. جاد بقا كيشوف فيها بقات فيه وندم حيت قاليها هكاك (اودي شكون داها فيك راه هدرتك دخلاتليها من ودن وخرجات من الودن التانية) وصلنا جيت نعتادر منها مي مقديتش كرامتي متسمحليش نزلات بقيت متبعها بعيني كدابز مع صاكها بيد وحدة بقيت كنبتاسم حتى مبقاتش كتبانلي عاد نزلت...
مشيت قريت الحصص ديالي جيت خارجة حتى لقيت جاد واقف حدا الطموبيل ومعاه شي بنت دايرة كيلو دالماكياج شافني وهو يشيرلي
جاد: نور ياله مشيناا
انا: اوكي
البنت: (كطلع وتهبط فيا) هادي بنت عمك نور
جاد: وي نور هادي بنت خالتي نسرين
انا: (ببرود) متشرفين
نسرين: (بنفخة) حتا انا.. حياتي بغيت نمشي معاك نشوف خالتي
جاد: (افف) اوكي زيدي.. انا مشيت ركبت اللور وتكيت على الشرجم وهاديك بقات بلا بلا فرعاتلي راسي شوية نوض نضريها.. جاد كان كيشوف فييها مي كيبانلو غير الغموض وصلو الدار نزلات نور من الطموبيل حتى جات رؤيا كتجري عنقاتها وهي كتبكي
رؤيا: هئ هئ خفت تكون وقعاتليك شي حاجة
انا: رؤيا متبكيييش هانا قدامك مزيانة صافي سكتي
رؤيا: (مسحات دموعها ودارت يديها على فمها وكتشهق بالبكا) ص..افي هانا س..كت
انا: (ضربت راسي بيدي خليتها ومشيت) حمقة حتا انا لي كنهدر معاك.. جاد بقا غير كيشوف هو ونسرين حتى خرج الاب ديال نور وعنق رؤيا لي بدورها عنقاتو وبقات كتبكي
رؤيا: هئ هئ بغيت صاحبتي ترجعلي
بابا: (تأثر) نصبرو ابنتي معندنا منديرو زيدي دخلي رتاحي شوية ونتي ياله وصلتي... جرها ودخلها طلعوها البنات لواحد البيت ترتاح فيه.. انا طلعت لبيتي وسديت عليا دخلت نيشان للحمام حيدت حوايجي درت ميكة ليدي وتحشيت فالبانيو مقستش شعري حيت مزال فيه الفاصمة بقيت مغمضة عيني حتى نزلت دمعة وتبعوها خوتها لدرجة رجعت كنبكي بالغوات حتى ارتاحيت عاد سكت خرجت من الدوش لبست حوايجي ونزلت لتحت مشيت للجردة ركبت فوق الارجوحة بقيت جالسة كنفكر حتى جات رؤيا
رؤيا: كيف بقيتي
انا: (حليتليها يدي جات كتجري عنقاتني) توحشتك البكاية
رؤيا: (فرحاات حيت قليل نور فاش كتقوليها توحشتك) حتى انا توحشتك بزاف وخفت عليك فاش اختافيتي
انا: متخافيش عليا انا قاادا بشغلي
رؤيا: عارفة مي واخة هكاك راك نتي ختي ماشي غير صاحبتي
انا: حتى انا كنعتبرك ختي.. جات الخدامة عيطاتلينا نتغداو مشينا دخلنا جلست حدا بابا ورؤيا حدايا بدينا كنتغداو وهوما كيهدرو الا انا ورؤيا لي ساكتين
نسرين: بااز ليك اختي (كتهدر مع رؤيا) مزال قادا تجلسي فهاد الدار واخة عاملاتك بديك الطريقة.. رؤيا مداتهاش فيها خافت من ردة فعل نور لي كانت كتاكل سمعاتها وهي تحبس الماكلة وشافت فيها...
#يتبع
