خرجت من عندهم وركبت مع فهد باش يوصلني للدار
فهد: كنتي خدامة مع عمي فالشركة
انا: اه علاش
فهد: لا والو غير بغيت نعرف وصافي
انا: اوكي... شوية صونا تليفوني وانا نجاوب
الرئيس: نور من هنا ساعة خاصك تجي حيت عندنا اجتماع
انا: واخة ان شاء الله
فهد: شكون عيطليك
انا: غير صاحبتي
فهد: (شدني فيدي) مكرهتش تكون شي حاجة بيناتنا
انا: (درت راسي حشمانة) ان شاء الله
فهد: (شد يدي باسها) اوكي الحشومية... وصلني للدار نزلت ودعتو درت راسي طالعة غير مشا وانا نزل ركبت طموبيلتي ومشيت للمركز دخلت لقاعة الاجتماع كولشي بدا كيشوف فيا حتى من جاد منزلش عينو عليا
انا: موسيو سمحلي على التاخير
الرئيس: نو مكاين حتى مشكل عارف عندك خدمتك
انا: شكرا.. بديت كنقلب على كرسي خاوي ومن زهري العوج كان حدا جاد مشيت جلست حداه وgاع مشفت فيه... داز الاجتماع مزيان خرجت انا اللولة مشيت للبيرو ديالي شوية دخل عندي عصام
عصام: اميرتي تلاقتيه
انا: (بغضب) اه
عصام: وشنو وقع
انا: عرض عليا نخدم معاه
عصام: مزياان المهم خاصنا ناخدو احتياطتنا
انا: وي ضروري الخدمة ديال بالصح عاد غتبدا
عصام: انا والياس غنبقاو بجنبك وغنراقبو كولشي اوكي
انا: وااخة
عصام: مالك بنتيلي فشكل
انا: (بحزن) جاد
عصام: عوتاني نفس الموضوع ياك هو لي بغا يبعد عليك صافي خليه دبا يندم
انا: اووف صافي واخة المهم انا غنمشي دبا عييت
عصام: اوكيي.. وقفت هزيت صاكي وخرجت وانا نلقا جاد واقف مع ديك الصفريطة شافتني وهي تقربلو وعيطاتلي
ريم: نور سافا
انا: (ببرود) حمد الله ونتي
ريم: بيييخير الحمد الله
انا: مزيان.. جيت نمشي وهي توقفني
ريم: (كتحلون) حبيبة راكي معروضة لعيد ميلادي اليوم بالليل
انا: نو سمحيلي ممسالياش
ريم: نوو ضروووري تجي عفاك.. ياك احبيبي خاصها تجي
انا: (شفت فيه لقيتو كيشوف فيا) اوكي ان شاء الله حتى تصيفطيلي العنوان
ريم: (اليوم غادي يولي جاد ملكي) اوكي... مشيت للدار دوشت ومشيت وجدت كاسكروط عمرت كرشي بعدا عاد مشيت لبست كسيوة قصيرة فالكحل وبوكليت شعري درت مكياج دخاني هزيت صاكي ونزلت دزت للمول خديت ليها سنسلة ديال اليد زويونة وسامبل وشديت الطريق لدارها... وصلت مع الدخلة بانلي جاد كيركبليها سنسلة حسيت بموس تغرس فقلبي مي حاولت نتهدن شافتني وهي تشيرلي.. مشيت لعندها
انا: (بابتسامة) عيد ميلاد سعيد
ريم: (شادة يد جاد) ميرسي حبيبة
انا: العقبة نحضر لخطوبتك بجاد ان شاء الله.. بجوجهم تصدمو
ريم: (تصدمات) ا.. ان شاء الله ميرسي
انا: ياله نخليكوم تهضرو فخاطركم باي.. مشيت وخليتهم مصدومين جلست حدا عصام كنهضرو وكنحاول نبين راسي قوية شوية شفت وحدين داخلين عنقت عصام وشفت جاد معصب
عصام: شكون هادوك
انا: ماشي وقتو شد هادشي ونبقاو على اتصال
عصام: (بخوف) حضي راسك... واحد من هادوك ضرب القرطاس فالسما كلشي بدا كيغوت عاود وحدا اخرى
الرجل: (بالغوات) سكتووووو... كلشي سكت جا واحد ضربني لراسي وانا نغيب...
