*عند نور*
انا: ممممم
الشخص: (كيهضر فودني) ششش متخافيش مغاديش نأذيك انا جيت حيت كنبغيك هانا انحيد يدي مي متغوتيش
انا: (كنترعد) ش..شكون نتا
الشخص: (طلق منها وردها قدامو) نسيتيني... حيد اللتام والنضاضر وانا نتصدم... متخافيش مني انا كنبغيك وجيت نديك معايا
انا: (كنرجع باللور) عفاك بعد مني وخليني عليك
الشخص: (كيشوف فكرشها) متخافيش غادي نعتابر ولدك بحال ولدي غير ياله معايا.... دموعي شلال وانا غادي نموت بالخلعة بقيت راجعة باللور حتى طحت فلابيسين.... جا داك الشخص يجبدها وهو يسمع شي حد كيعيطليها وخرج كيجري... جاد لمح شي حد غادي كيجري وهو يمشي بالزربة وصل لقا نور فلابيسين سخفانة تلاح بالزربة هزها خرجها
جاد: (كيحاول يفيقها) نور فيقي... بقا كيبرك فصدرها خوات شوية دالما شرباتو وهي تفيق مي فيها السخفة وكترعد... هزها جاد وغادي كيجري دخل شافوهم كيقطرو ناضو تخلعو
خ. حورية: اويلي مالكم فازكين ومال نور شنو وقعليها
جاد: معرفتش انا مشيت لقيتها طايحة
ماما: اويلي مال بنتي
جاد: ياله نطلعوها وبدلوليها دبا تمرض... طلعها وتبعاتو ماما وخ. حورية وصفاء حطها فوق الفوتوي ومشا هو بدل حوايجو بالخف ورجع كيتسناهم حدا الباب... شدوها هوما دخلوها للدوش طلقو الما السخون باش يرجعوليها حرارة جسمها معتدلة.. عاد خرجوها ولبسوها بيجامة سخونة نشفوليها الشعر وقادوها فبلاصتها وهي هاد الوقت كامل كتحل عينيها وتسدهوم سلاو وعيطو لجاد دخل جلس حداها فالناموسية
جاد: (كيبوس يديها) حياتي حلي عينيك وركزي معايا عفاك
انا: (بغيت نهضر مي لساني تقال) الصمت
ماما: ولدي خليها تنعس حتى الغدا
جاد: وخا مي انا غانبقا حداها
ماما: واخة تصبح على خير.. خرجو وتحشا جاد حداها عنقها عاد نعس... صبح الصباح فقت لقيت راسي معنقة جاد فرحت مي غير تفكرت البارح بديت كنبكي... جاد فاق على صوت الشهقات حل عينيه لقا نور دايرة يديها على فمها وكتبكي
جاد: (جلس) ماالك
انا: (عنقتو) هئ هئ جاد البارح فاش كنت فالجردة جا عندي نفس الشخص لي كان كيقيس فيا.. فاش حيد اللتام من على وجهو تخلعت كان وجهو فشكل وفيه الندبات بزاف... قالي بلي كيبغيني وغادي يديني معاه وبلي ولدي غادي يعتابرو ولدو هئ هئ.. جاد انا خايفة مبغيتش نمشي معاه
جاد: (تعصب وفنفس الوقت خاف) تهدني حتى واحد مغيقدر يديك لشي بلاصة رتاحي دبا انا شوية ونرجع
انا: واخة... خرج وانا دخلت غسلت وجهي وتوضيت.. صليت صلاتي ورجعت لبلاصتي..... جاد خرج وفعقلو 100 سؤال.. مشا عند الرجال جرا عليهم كاملين بحجة مكيديروش خدمتهم وعيط على رجال جداد... بانولو الدراري جالسين وهو يوقف عليهم مخنزر
جاد: فهد باقي حي؟؟.........يتبع
