انا: (شادة يديها) سمعيني اخالتي من نهار شفتكم حسبتكم عائلتي وحسبتك ماما لي مشاتلي
خ. فاطمة: الله يرحمها ابنتي.. عنقاتها ولكن نور مبكاتش وعينيها كلها غضب وحقد
انا: ياله اخالتي نخليك ترتاحي حتى نطل عليك من بعد
خ. فاطمة: واخة ابنتي الله يستر عليك
انا: امين.. خرجت لقيت عمر جالس.. عمر نخرجو انا وياك شوية
عمر: (باستغراب) اه واخة... خرجنا وركبنا فطموبيلتي.. ختي فين غاديين
انا: مع 2 عندك مقابلة عمل
عمر: (تصدم) ك.. كيفاش
انا: شنو لي كيفاش دبا زيد راه مابقاش بزاف دالوقت مزال خاصنا نقادو سيvي وتشري ماتلبس
عمر: ولكن..
انا: (قاطعتو) مكاين ما ولكن صافي.. وصلنا للمحل خدينا كوستار كحل مع قميجة فالبيض وكرافاطة فالكحل صباط فالكحل دزنا لسيبير قادينا سيvي.. مشيت خديت الغدا ورجعنا للدار
انا: ياله سربي دخل دوش على مانحط الغدا
عمر: واخة
خ. فاطمة: شنو واقع ابنتي وعلاش عدبتي راسك كون طيبت انا الغدا
انا: مكاين حتى عداب ونتي ياله خرجتي من الكلينيك خاصك ترتاحي وراه عمر عندو مقابلة عمل مع 2
خ. فاطمة: (كتبكي) الله يستر عليك ابنتي
انا: امين وباركة من البكا.. خرج عمر جا بوكوص حطينا الغدا تغدينا ونضت كنقاد الكرافطة لعمر
خ. فاطمة: الله يرضي عليكم
انا وعمر: امين
ملاك: حتى انا بغيت نخرج معاكم
انا: (حدرت لعندها) دبا حنا غاديين للخدمة مي فالعشية نخرجو اش بانليك
ملاك: (بفرحة) اه واخة.. ركبنا فطموبيل وغاديين للشركة ديال عمي
عمر: دبا حنا فين غاديين
انا: شركة ديال عمي كنت بغيت نديك للشركة دبابا مي مكاينا حتى بلاصة وعمي كان عوال يدير اعلان مي فاش قلتهالو قالي نجيبك غادي دوز المقابلة ويلا قبلوك غادي تبدا الخدمة
عمر: (متوتر) اوكي.. وصلنا مشينا نيشان لمكتب ديال عمي وكانت حتى مروى تما
انا: سلام عمي
عمي احمد: اهلا بنتي مرحبا بيك
مروى: (كتشوف فعمر) اهلا دوزو تجلسو
انا: احم عمي هادا عمر لي هدرتليك عليه
ع. احمد: مرحبا اولدي.. اجي معايا لقاعة الاجتماع باش نهدرو على خاطرنا
عمر: (متوتر) اه واخة
انا: (هدرت بشوية) متوترش وانا تايقة فيك ياله بالتوفيق هانا كنتسناك.. بقيت مع مروى حتى شفتو خارج وباينة عليه الفرحة ارتاحيت نوعا ما
ع. احمد: ولدي عمر كيفما تافقنا نهار الاثنين تبدا
عمر: شكرا موسيو احمد
انا: شكرا اعمي.. عمر مشينا
عمر: وي.. هبطنا وصلنا للطموبيل وهو يعنقني عمر.. شكرا اختي بزااف معمري منسا خيرك
انا: اي واحد كان بلاصتي غادي يدير هادشي ياله زيد نوصلك للدار انا عندي كوغ مع 4 حتى نخرج وندوز عندكم
عمر: اوكي.. فهاد اللحظة جاد كان دايز غادي للكلية وهو يشوفهوم معانقين تعصب كان غادي يوقف مي تراجع... وصلت عمر ومشيت عندي حصة عند جاد غادية وكنفكر علاش تعاملت مع هاد الناس مزيان علاش كنحس بالراحة فاش كنشوف خالتي فاطمة وهادشي معمري محسيتو منين مشات ماما... وصلت ودخلت لونفي كنحس بكلشي كيشوف فيا بنظرات استغراب وتساؤل جلست وهو يدخل جاد شافني وخنزر الله يستر قريت.. جيت خارجة حتى عيطلي
جاد: نور اجي
انا: وي موسيو جاد
جاد: فين كنتي هاد الصباح
انا: كيفاش مفهمتش
جاد: من الصباح ونتي خارجة حتى من الغدا ماجيتيش
انا: كان عندي شي شغل وصافي ياله نخليك دبا
جاد: ممم اوكي.. نتعشاو بجوج
انا: نو منقدرش خليها مرة اخرى
جاد: واخة
#يتبع
