الياس: (بلهفة) شناهيا
انا: متزربش صبر شوية حتى نقادها مزيان
الياس: اوكي... مشا الياس وبقيت كنقرا فداك الملف عاودتو كتر من 2 مرات وانا نعيط لعصام
عصام: شنو بغيتي
انا: بغيت هاد لصال نخدم فيها
عصام: (بعدم فهم) كيفاش
انا: بغيت نكون مدربة ديال الرقص وبالضبط فهاد القسم شوف شنو دير عطي الفلوس لهاديك لي كدربهم باش تخرج وانا غادي نهضر معاهم يخدموني
عصام: علاش
انا: بدات الخدمة تيك تاك
عصام: اوكي... مشا عصام وانا هزيت الملف درتو فصاكي وخرجت تلاقيت مع جاد كان واقف مع رانيا وهي كتحلون عليه تعصبت وزيرت على يدي باش ماندير تافضيحة... جاد شافها وشاف يديها مزيرة عليها استغرب واش غارت عليه زعما وهو يقرب لرانيا كثر وبحال غيبوسها لاخرة عاجبها الحال اما نور مقداتش تصبر وهي تمشي عندهم
انا: (بغضب) هادا مكان الخدمة ماشي ديال هاد البسالة ونتي سيري قابلي خدمتك ولا غادي نوريك
رانيا: (افف خارجالي فعودي) اوكي
جاد: (فرحاان) غرتي ياك
انا: (تعصبت) سير قابل خدمتك اشمن غرت ولا زبل.. مشيت طالعلي الدم وخليت جاد كيموت بالضحك وفرحان مشيت لريسطو نتغدا وانا كنبلاصي الطموبيل شفت صفاء والياس جالسين كيضحكو درت لقيت عادل داخل وباينة شافهم ومعصب دخلت كنجري لداخل دالريسطو
انا(كنشير لواحد الكارسون): اجي نتا شوف هاك هادي (200 درهم) غادي دوز جوج دقايق بغيتك تكون جبتيلي الغدا اي حاجة ميهمش وقولي سمحيلي تعطلت عليك اوكي
الكارسون: اوكي.. مشيت للطابلة ديال الياس وصفاء وجلست
انا: اه عادل نتا هنا
عادل: انا جيت نشوف ختي اش كادير مع ولد خالك
انا: اش هاد الهدرة انا راني كنت فالحمام
عادل: راه حتا انا خدام فالمخابرات وعارف بلي مكنتيش معاهم ويلا كنتي فين هو غداك
الكارسون: سمحيلينا الالة تعطلنا عليك
انا: ماشي مشكل.. (شفت فعادل) مالك صاعر غير بوحدك انا وصفاء والياس كنتغداو فيها شي حاجة
عادل: اوكي.. مشا وانا نشوف صفاء لي رجعات صفرة
صفاء: شكرا اختي عتقتيني
الياس: راك خطيرة كيدرتي ليها
انا: (ببرود) هاد المرة فاش تبغيو تلاقاو سيرو لشي بلاصة بعيدة ماشي حدا المركز المكلخين
الياس: ههههه وااخة الالة
انا: المهم انا غادة خاصني نمشي نشوف شي دار
الياس: راه هدرنا فهاد الموضوع
انا: نو على قبل الخدمة
الياس: غادي تبداي
انا: اه
صفاء: (بعدم فهم) اينا خدمة
انا: والو المهم نخليكوم دبا تعيشو الحب على خاطركم
الياس: ههههه مسخوطة
صفاء: (تزنكات) لا ماشي هكاك
انا: هههه ياله بسلامة اه قبل مانسا صفاء عطيني نمرة ديال جاد
صفاء: اوكي ******
انا: ميرسي.. ركبت طموبيلتي ومشيت عند واحد السمسار وراني بزاف ديال الديور واخيرا عجباتني وحدة صغيورة ومتيولة تافقت مع مول الدار وغدا غادي نشريها مشيت نيشان لمحل ديال اثاث المنزل حيت خديت العبار ديال البيوت شريت gاع الفراش لي خاص خلصتهم وعطيتهم العنوان والوقيتة باش يصيفطوهوملي شفت الساعة لقيتها 9 دزت لواحد الريسطو طلبت العشا جلست كنتسنا حتى كيبانلي جاد معاه عماد ورانيا وهي جالسة حداه درت راسي مشفتهومش بقيت كنخربق فتليفوني كنحاول نتلف الوقت ومنشوفش فيهم حتى هزيت راسي ولقيتو كيشوف فيا... شوية رجع كيهضر مع رانيا وكيضحكو ناري تفقصت تصرفت عادي حطولي الماكلة وبديت كنتعشا عادي وفوقما كنهز راسي كنلقاهم كيضحكو وهي كتحط يديها على يديه تما صعرت عيطت للكارسون خلصتو وجيت خارجة حتى شدني شي واحد من يدي...
#توقعاااتكم
