مشا الطبيب وخلاهم كيبكيو بقاو فيا.. ناضو دخلو عندها شفتها كانت صفرة وباين عليها العيا.... خرجت مشيت عند الطبيب
انا: بغيت نهضر معاك على حالة المريضة اخت احمد التازي
الطبيب: شنو كتجيها
انا: انا غير صديقة خوها وبغيت نعاونهم
الطبيب: هي عندها ورم فالرأس وضروري من العملية مي للاسف العملية كتدار برا وكتطلب الفلوس
انا: كتعرف شي كلينيك فين تقدر دير العملية
الطبيب: اه واحد فباريس.. هاهيا الكارط فيزيط ديال الدكتور لي مختص بهاد نوع من العمليات
انا:(خديتها من عندو) شكرا.... مشيت للدار دخلت بدلت ونزلت وجدت العشا شوية دخل جاد
جاد: حبي😍
انا: اهلا حياتي سافا
جاد: حمد الله ونتي
انا: (تنهدت) سافا
جاد: مالك
انا: احمد
جاد: (تعصب) مالو اش دارليك
انا: مدارلي والو.. المهم فاش كنت راجعة للدار شفتو كيغوت فالتليفون ومخلوع وانا نتبعو.. مشا لدارو هز شي بنت وكسيرا للكلينيك تبعتو وعرفت بلي هديك ختو تزاد عليها الحال... مشيت عند الطبيب وصدمني.. قالي عندها ورم فالراس و الدوا مبقاش نافعها ضروري من العملية..
جاد: (بأسف) الله يشافيها
انا: جاد بغيت نعاونها عفاك خلينا نهضرو مع الطبيب لي فباريس ونشوفو
جاد: اوكي مي كيغانديرو نهضرو معاه
انا: هاهيا الكارط فيزيط
جاد: عطيهالي انا نهضر معاه دبا... خدا تيليفونو وخرج لبرا يهضر مع الطبيب وانا كملت العشا
جاد: صافي احبيبة راني هضرت معاه وقالك يمشيو عندو باش يشوف حالتها ويعطيوهم موعد ديال العملية
انا: دونك غدا نهضر مع احمد باش يدي ختو
جاد: انا غنمشي معاك
انا: اوكي حبيبي... تعشينا وطلعنا نعسنا... صبح الصباح مشيت انا وجاد للشركة
انا: عيطيلي على احمد
السكرتيرة: وخا امدام... شوية دخل احمد حادر راسو
انا: احمد جلس
احمد: (مقادرش يشوف فجاد) كاين شي مشكل امدام
انا: (عطيتو ورقة) خود.. خداها وقراها.. عندك كونجي لمدة شهر
احمد: (باستغراب) علاش
انا: شكون غيمشي مع ختك لفرنسا الى بقيتي نتا خدام
احمد: ك..كيفاااش
انا: جاد هضر مع الطبيب لي مختص فحالات بحال اختك وقالو خاصها تجي باش يشوفها ويعطيكم موعد للعملية
احمد: عارف خاصها تمشي لبرا مي..
جاد: (قاطعو) مصاريف العلاج على حسابنا متخممش فداكشي اهم حاجة دبا ختك تشافا اما داكشي لاخر مكيهمش.....يتبع
