حيدت gاع الحوايج دوزاتلي ماما جسمي بفوطة فازgة وانا توضيت ودرت اولويز شدات كريم دهناتلي جسمي ولبساتني بيجامة فالزرق مشطاتلي شعري وجمعاتولي وشديت درت ماكياج خفيف عاد خرجت شافني جاد وهو يجي هزني
جاد: (كيهضر فودني) احح شحال زيانيتي وريحتك شحال كتحمقني
انا: (تزنكت) ههه حشم دبا يسمعونا
جاد: (حطني وكيقادلي الغطا) ياك نتي مرتي ماشي سوقهم
انا: هههه حمق... دخلات الفرملية جابتلي الفطور.. فطرت مزياان وهي تعطيني خ. حورية جود هزيتو رضعتو وبقيت كنراري بيه حتى نعس وهما يحطوه بلاصتو... ماما وخ. حورية مشاو بحالهم واعدوني فالعشية غادي يرجعو
انا: حبيبي كون غير مشيتي للدار دوشتي وبدلتي باش ترتاح وكول راه من البارح ماكليتي
جاد: وي عندك الحق انا غنمشي الى كترت ساعة نكون هنا
انا: واخة رد بالك فالطريق
جاد: متخافيش.. باسها ففمها وخرج... تكيت وانا كنشوف فولدي ناعس حتى نعست انا... حليت عيني على رؤيا كتبكي
انا: البكاية جيتي
رؤيا: (عنقاتني) الحمد لله على سلامتك اختي متصوريش شحال كنت خايفة عليك
انا: متخافيش راني فران وقاد بحومة
رؤيا: هههه حمقة.. شافت البيبي... وينو شحال زوين😍😍
انا: خمسة وخميس
رؤيا: (ضرباتني) مال مك واش انا غادي نعين ولد ختي
انا: هههه صافي بلا ضرب... شوية دخل زياد وعادل وحمزة
عادل: مبروك عليك اختي
انا: الله يبارك فيك
زياد وحمزة: مبروك
انا: الله يبارك فيكم... مشاو طلو على جود وباسوه
حمزة: دبا انا عم هاد البوكوص
انا: هههه وي
زياد: شنو غتسميوه
انا: جود
عادل: شكون ختار السمية
انا: هههه انا
حمزة: ممم كنشم ريحة الحب هنا او حتى من السمية كتشبه لسمية خويا... وسعداتو لقا مراة كتبغيه الله يجيبلينا معامن حتى حنا وهو يغمز رؤيا لي تزنكات وحدرات راسها.. انا شفتهم وانا نتفركع بالضحك
انا: ههههههه حمق بحالك بحال خوك الله يستر
جاد: (دخل) ياك انا حمق
انا: لا نتا مول العقل
جاد: (باسلي راسي) مالكم نتوما هاجمين على مراتي
زياد: اييه اسيدي ضربنا نتا gاع
عادل: مصدقتيش شفتي ولدك ونتا تقلب علينا
جاد: ههههه انا مكنهضرش مع لي ممزوجينش.. حيت تقدرو تبدلوني على مرتي حبيبتي فاش تزوجو واجيو نهضرو ديك الساعة
حمزة: انا بعدا باغي نتزوج خاص غير هي تقبل... شفت رؤيا حشمانة وهو كيشوف فيها وكيضحك
انا: اهيا مالك مع صاحبتي كل مرة تلوحليها هضرة
حمزة: (تصدم) كيدرتي عرفتي
انا: معاك التنين الاسود ولا نسيتي
جاد: ههههه زمطاتك فهادي اخويا
رؤيا: احم انا غنمشي دبا تانعاود نرجع لعندك... خرجات بالزربة بقينا كنضحكو
حمزة: ههه بسلامة هانا تابعها
انا: عنداك تقلقها اطونسيو
حمزة: هههه اوكي... خرج حمزة وتبعوه الدراري مشاو لخداميهم وهو يدور عندي جاد بابتسامة شريرة
انا: مالك
جاد: توحشتك
انا: هههه مسكين غادي تسنا 40 يوم😂😂
جاد: لا متقوليهاااش😨😨
انا: ههههه والله
جاد: (تنهد) نصبر ماشي مشكل... احم نور بغيت نهضر معاك فواحد الموضوع
انا: شنو كاين....
توقعاااااااااااتكم
