فهد: ياك قاتليك بلي كانت مريضة.. ونمشي معاك فالخط علاش غادي تبلغ بيه شنو غادي تربح من مور هادشي
البوص: اففف صافي عندك الحق
فهد: انا غنديها للصبيطار
البوص: لا غير طلعها الفوق وكلشي غيوصل حتى لعندها
فهد: واخة.. طلعني فهد الفوق حطني فوق الناموسية مدازش وقت كتير حتى جا الطبيب والفرملية لي دخلاتني للحمام نقاتلي حالتي عاد بداو كيعالجو جروحي كملو ومشاو.. هكا دازت كتر من سيمانة وطول هاد الوقت فهد معايا..
البوص: كيبقيتي
انا: (بخوف مصطنع شديت يد فهد) ب.. بخير الحمد الله
البوص: سمحيلي ابنتي حيت ضلمتك
انا: لا لا مكاين حتى مشكل
البوص: نخليك ترتاحي دبا
فهد: (عجبو الحال فاش شداتلو يديه) سارا متخافيش انا ديما معاك
انا: شكرا😢😢
فهد: (كيمسح دموعي) ششش صافي عفاك متبكيش ياله نعسي شوية باش ترتاحي
انا: اوكي.. غطاني وهو يخرج تفكرت جاد تمنيت كون كان حدايا دبا بقيت كنفكر فيه حتى نعست.. صبح الصباح جا عندي فهد
فهد: فخبارك اليوم فالعشية كاينة حفلة
انا: ديالاش
فهد: غير على قبل الخدمة وغادي يعرفك عليهم على انك مساعدة ديالو الجديدة
انا: لا بلاش انا بغيت نمشي بحالي
فهد: عارف بلي داكشي لي داز عليك قاصح وبزااف مي عدريه راه فقد الاخ ديالو
انا: (هي غادي تعدرني الى قتلتو حيت حرمني من ماما) واخة😔😔
فهد: متبقايش مقلقة عفاك غير على قبلي
انا: (ولصقة حتى نتا) اوكي😊😊
فهد: دبا مزياان المهم راه غادي نصيفط ليك بنات يعاونوك
انا: واخة.. مشا فهد وجابولي الفطور كليت مزيان ومشيت للبالكون جلست كنفكر ونخطط حتى دازو سوايع gاع محسيت بيهم.. جابولي الغدا تغديت وهوما يدخلو عندي البنات gالك وحدة بغات تدخل دوشلي
انا: لا غير خليك انا غندوش بوحدي
البنت: خليني امدام نعاونك
انا: واقلة راني هضرت😠... البنت حدرات راسها وانا دخلت للدوش فركت راسي مزيااان حتى وليت كنشعل خرجت لبست بيجامة شورط ودوني ديالو جات الفرملية دارتلي الدوا ليدي ودارتلي الفاصمة حيت تجرحت فيها ومزال مبرات.. اوى جلست بداو البنات بشعري ومن بعد ضفار صبغهوملي بالكحل دارولي مكياج دخاني جمعولي شعري وخلاو شي زغيبات طايحين واخيرا جبدولي كسوة طويلة فالكرونة توبها حرير وفيها فتحة تال الفوق مع صباط طالون فالكحل... كملنا وهوما يمشيو شوية دخل فهد وهو يطرطق عينيه
فهد: (😍😍😍) واااو جيتي تيتييييزة
انا: ميرسيي😊😊
فهد: (مدلي يديه) ياله نمشيو
انا: اوكي.. هزيت صاك فالكحل صغير وشديت فيه.. نزلنا ركبنا طموبيلتو ومشينا وصلنا للفيلا لقيناهم سلاو التوجاد وحنا نطلعو الفوق مشيت للبالكون جالسة كنطل على الناس حتى كنشوف بابا وعمامي وجاد😔😔 توحشتو بزاف دمعات عيني مسحتهوم وحاولت نتهدن جا فهد طلب مني نزلو شديت فيه وتلاقينا باباه
البوص: (بابتسامة) مرحبا بيك انور معانا
انا: ميرسي.. هبطنا بثلاثة كلشي بدا كيشوف شوية دار جاد شافني حسيت بيه تصدم وفرح فنفس الوقت..
#يتبع
