صبح الصباح فقت درت الروتين ديالي وهبطت فطرت تلاقيت عصام
انا: عصام ممكن تشوفلي شي مدرسة قريبة لديك الدار لي شرينا
عصام: علاش
انا: على حساب سفيان وملاك حتى الى ملقتيش حكومي شوف خصوصي وبغيت gاع غدا يتحل المشكل حيت الولاد خاصهم يكملو قرايتهم راه غيبو سيمانة وانا مغاديش نكون مسالية من بعد
عصام: اوكي انا هاد العشية انحل هادشي وندوز عندهم يمشي معايا عمر باش ناخدو الانتقال من ديك المدرسة
انا: اوكي ميرسي
عصام: مابيناتناش.. اجي فين غادة واش قارية
انا: نو ماعندي تال العشية مي غادا على قبل الخدمة
عصام: (تنهد) اوكي ردي البال لراسك
انا: واخة... ركبت طموبيلتي ومشيت للدار ديال حسن.. سلام موسيو حسن
حسن: اهلا فين غبرتي
انا: سمحلي كانو شي مشاكل ومقديتش نجي
حسن: اه اوكي كاين شي حاجة نعاونك فيها
انا: لا شكرا
حسن: اوكي ياله زيدي نمشيو راه عندنا اجتماع
انا: اوكي... مشينا للشركة داز الاجتماع مزيان خرجنا تغدينا عاد مشيت انا للكلية قريت ومشيت عاوتاني لعندو.. دازت شهرين على نفس الحال كنمشي نقرا والخدمة حسن رجع كيتيق فيا واليوم اخر نهار ديال الامتحانات وفالليل اول مرة غادي نحضر لتسليم شحنة فالليل مع 1 دالليل وبقات يومين للشهر الكريم رمضان... دوزت مزيان الحمد لله وان شاء الله حتى حاجة مغتخرج رطرباج مشيت للدار بدلت حوايجي ومشيت لعندو كنت طالعة للمكتب حتى سمعتو كيهدر فالتليفون نزلات عليا ديك الهدرة بحال السم مشيت كنجري للطواليط سديت عليا بديت كنبكي ممتيقاش الهدرة لي سمعت ميمكنش
انا: نور سكتي صافي نتي قادرة تواجهي كلشي.. تهدني وسيري لخدمتك والخدمة ديال بصح اتبدا دبا وكنظن هادشي مزيان ياك من ديما كتحلمي تعنقي ماماك وهانتي قربتي ياله تنفسي وخرجي.. خديت شهيق زفير درت نظاظري وخرجت
#فلاش_باك
حسن: اليوما عندي استلام شحنة... وي اجي بعدا مزال ماقتلتي ليلى (ام نور)... كيفاش شكون ليلى ديك العميلة (ماماها كانت خدامة مع المخابرات) ليخطفتي هادي 6سنين... وفاش غادي تنفعك حياتها... المهم داكشي لي دوزنا عليها ماشي ساهل ويلا مشات حتى هربات غادي تخرج علينا.. اوكي لي بغيتي انا غادي نمشي دبا نستاعد للمهمة
كنظن دبا فهمتو اش باغة نور من حسن هي كانت عارفة بلي عندو يد فقتل الام ديالها وكانت باغا تنتاقم منو ودوز لخوه لي هو البوص مي مكايبانش بزاف ومزال معرفاتو كيداير مي لي ماتصوراتوش هي ان الام ديالها مزال عايشة وغير مخطوفة يعني تحرمات من الحنان ديالها 6سنين وهي وماماها كانو فالعداب....
#الحاضر
دبا 12 هادي وحنا وصلنا لمكان تسليم الشحنة كنتسناو شوية جاو الكاميونات لي فيهم البضاعة من بعد دقائق جا البوليس حاصر المكان تصدمت فاش شفت جاد يعني هو خدام معاهم درت باش نهرب وانا يبانلي عادل وحمزة وزياد اويلي هادو كاملين خدامين فالبوليس محسيت حتى شديت فيد حسن وجريتو بدينا كنجريو وصلنا للطموبيل وانا لي صgت اما حسن تصدم فيا وانا مصدومة فهادشي لي واقع الحمد لله كنت طالقة شعري ودايرا نضاضر كسيريت ماوقفت حتى للقصر ديالو
حسن: شكرا نتي نقدتيني من الموت
انا: هدا واجبي موسيو حسن وسمحلي على قبل الشحنة لي مشات
حسن: لا عادي المهم حنا منعنا
انا: وهادوك لي تشدو الى مشاو بلغو بيك
حسن: لا متخافيش حنا غانكونو فامان
انا: اوكي انا نمشي دبا
حسن: اوكي مي قبل بغيت نعلمك بلي بينتيلي راكي تقة ومن اليوم نتي يدي اليمنى رتاحي هاد اليامات ومن هنا سيمانة عندنا شحنة اخرى
انا: اوكي موسيو حسن هدا شرف ليا
حسن: بونوي
انا: بونوي.. مشيت ركبت طموبيلتي وجمعت شعري وانا نكسيري للدار خاصني نوصل قبل منهم وفعلا وصلت مبانوليش طموبيلاتهم طلعت لبيتي بالزربة ومشيت دوشت وكنبكي على الام ديالي معارفاش حالتها دبا حتى نعست....
#يتبع
