عند جاد*
دازت شهرين وانا كنشوف نور فالكلية وفالدار مرة مرة معرفتش فين كتمشي حاولت نتبعها مي كتعيق بيا بحال واحد النهار
#فلاش_باك
نور: (وقفات الطموبيل ونزلات جات لعندي) علاش تابعني
انا: (بنت الحرام عاقت بيا) لا مكنتش تابعك.. هادي راها الطريق ديال كلشي
نور: سمعني اجاد انا شحال من مرة شفتك تابعني دونك الله يخليك عطيني التيساع وخليك بعيد عليا
انا: (تعصبت) شفتك كتحلمي سيري شكون داها فيك المعقدة.. حسيت بيها تصدمات كسيريت وخليتها باقا واقفة بقيت كنشوف فيها من المراية لقيتها مزال كيفما خليتها ندمت حيت قتليها هكاك بغيت نرجع مي قلت حتى الليل مي ديك الليلة مجاتش وسمعت من عمي بلي غتجي معطلة حيت غتسهر مع عصام بقيت كنتسنا ديك الليلة كاملة مي مباتش فالدار
انا: تلقاها مع عصام فديك الفيلا ونتا جالس كتسناها.. تكيت مي مقديتش نعس كنفكر غير راهم فالدار بجوج بقيت ديك الليلة كنتقلب حتى نعست
#الحاضر
هاد النهار جانا بلاغ بلي كاينة شحنة مخدرات غادي تسلم فالليل وبلي ديال رجل الاعمال حسن التازي هادي عام وحنا كنحاولو نشدوه مي مكيخليش الدليل يعني خاصنا خطة محكمة بقينا نهار كامل كنخططو وصلات الوقيتة تجهزنا ومشينا شفتو مي لي ثار انتباهي البنت لي واقفة معاه مقدرتش نشوفها مزيان حيت طالقا شعرها لي مغطي وجهها ودايرة النضاضر فاش هجمنا مشيت كنقلب على حسن وانا نشوفو شادة فيه ديك البنت وكتجري تبعتهوم مي سبقوني ركبو طموبيل ومشاو بغيت نتبعهم مي خليت الطموبيل فجهة الاخرى تعصبت خدينا داك الكاميو ومشينا للمركز حاولت معاهم والو وتقول واش بغاو ينطقو عصبوني خليتهم ومشيت للدار كانت ديك الساعة ل5 دالصباح طلعت لبيتي ودزت من جنب بيت نور محسيت حتى حليت الباب ودخلت لعندها كانت ناعسة وشعرها طايح على وجهها جلست حداها وبديت كنبعد الشعر شوية هبطت لعندها بستها فعنقها كانت ريحتها فنة بقيت مدة وانا كنستنشق ريحتها من بعد بستها ففمها وانا نوض مشيت لبيتي دوشت وانا نعس... فقت شفت الساعة لقيتها 1 دالنهار لبست سروال دالكيطمة وتيشورت وانا نزل لتحت لقيتهم عاد بداو يتغداو ولقيت حتى عصام كاين.. افف اش جاب هدا حتى قلت ارتاحيت منو ومشا لامريكا عاود رجع
انا: السلام
الكل: وعليكم السلام
ماما: ولدي ياكما مريض حيت ماشي من عادتك تبقى ناعس هاد الوقت كامل
انا: لا الواليدة غير منعستش بكري داكشي علاش.. عصام كيداير فوقاش جيتي
عصام: (مبتاسم) عاد دبا شوية باش وصلت
انا: هي ركبتي فالليل
عصام: ههه وي البارح عيطاتلي نور وقاتلي والو خاصك تجي تصوم معايا نهار اللول درمضان ومقدرتش نرفض جمعت حوايجي ديك الساعة وشديت الطيارة
انا: (كارز على يدي) اه مزيان مرحبا بيك
عصام: شكرا.. بقيت كنشوف فيها كتقتلني بهاد البرودة لي فيها بغيت غير شي نهار نشوفها جالسة كضحك ومجمعة ولا داكشي كديرو غير مع عصام.. بقينا كناكلو وكنشوف فيهم كانو كيهضرو غير بالعنين مي معرفتش اش كيقولو كملنا الغدا وناضو خرجو ركبو الطموبيل ومشاو.. اكيد غيكونو مشاو لديك الفيلا..
#يتبع
