صبح الصباح فقت وبديت كنفيق جاد حمقني مبغاش يفيق
انا: جااد وفيق براكة حياتيييي نوض اويلي راه غادي نتعطلو على الخدمة... افف واخة تكون ميت.. نموت ونعرف كيف كنتي كتجي للخدمة فالوقت.. بقيت جالسة كنحرك فيه ووالو وانا نزل لعندو بستو فحنكو.. حياتي فييق.. بقيت كنفكر وانا نحدر لعندو بستو ففمو حل عينيه بسرعة وفلمح البصر رجعني تحتو
جاد: (كيبوس فوجهي كامل) شحفتيني شحال وانا نتسناك تبوسيني
انا: علاش كنتي فايق
جاد: هههه ويي.. باسني واندامجت معاه حتى حسيت بيديه دخلها من تحت تيشورت جاتني تبوريشة وفنفس الوقت ترخيت شوية شفتو سخن وهبط لعنقي وحيدلي تيشورت
انا: جاد نوض ناري تعطلنا.. فين جاد راه مغيب فعالمو الخاص.. جااااد
جاد: مممم
انا: (كندفعو) اويلي نوض.. هز راسو وعينيه حومر خلعني بقيت غير كنشوف فيه
جاد: شنو بغيتي
انا: نوض نمشيو راه تعطلنا
جاد: (تكا عليا كامل) افف مقادرش نصبر
انا: نوض عليا راك قطعتيلي النفس
جاد: هاهو ناايض الالة.. ناض وهو يطرطق عينيه هبطت عيني لقيت راسي غير بسوتيامات وانا نحط يدي على صدري
انا: اهيا جمع عينيك.. نضت كنجري للحمام وهزيت صاكي معايا غسلت وجهي وقضيت حاجتي بدلت الحوايج وانا نخرج لقيت حبيبي كيدير الريحة مشيت كنجري عنقتو من اللور ودفنت وجهي فظهرو... عند جاد لي حس بشي حد معنقو شاف ولقا يديدات صغار ابتاسم وهو يجبدني ردني قدامو
جاد: (تنهد) واش بالصح كتبغيني
انا: (شديت يديه) اه كنبغيك وكنموت عليك
جاد: من فوقاش
انا: يمكن من اول نهار بستيني عقلتي
جاد: هههه وانا نقدر نسا اول قبلة ليا مع ملاكي وكيفاش كانت كترعد بين يدي
انا: هااء ونتا لي بستيني
جاد: معامن كانت اول قبلة ليك
انا: (حدرت راسي) نتا اول واحد
جاد: (فرح وهو يعنقني) واخر واحد سمعتي
انا: ههههه اوكي
جاد: (جبدلي حناكي) يخليلي الضحيكة.. باسني فحناكي.. احح شحال حلوة
انا: (تزنكت) احم شحال فالساعة
جاد: هههههه حشومية
انا: (شفت الساعة) اويلي 4:45 ناري تعطلنا
جاد: شفتي لي يبقا مقابلك اش كيوقع
انا: دبا انا السباب الله يمسخك زيد قدامي
جاد: ياااك كدعي على حبيبك
انا: هههه وصافي احياتي راه تعطلنا زيد.. شديتو من يدو وجريتو حتى للطموبيل ركبنا وهو يكسيري وصلنا مع 4:58... بقات 2 دقايق زيد سربي
جاد: والله لا تحركنا من هنا الى مابستينيش
انا: مكتشبعش نتا
جاد: كاين شي حد كيشبع من هاد الزين
انا: افف.. قربت ليه وبستو.. ياله زيد
جاد: (فرحان) اوكي.. دخلنا للمركز بجوج بجدية وحتى واحد مكيعرف لاخر وصلنا الساحة لقيناهم جالسين فالارض شافوني وهما يوقفو
جاد: (كيهضر بشوية) درتي فيهم الرعب
انا: (بجدية) هنا مكنعرفك مكتعرفني
جاد: والله ونشوف شي حد مقربليك وتشوفي مكنعرفكش كيفاش غتكون وهانا علمتك
انا: (حابسة الضحكة) اوكي... السلام سمحولي على التاخير وكاعتذار غادي ديرو غير 20 دورة ف20 دقيقة.. كلشي بدا كيبتاسم وبانت عليهم الفرحة.. ياله بداو... كلشي مشا باش يبداو يجريو وجا عندي جاد
جاد: (كيهضر فودني) يخليلي القلب الحنيين انا
انا: ههههه سير تجري وكعقاب ليك غادي دير نتا 100 دورة
جاد: (كيتمسكن) وميبقاش فيك حبيبك
انا: صافي صافي ياله سير دبا يسحابليهوم كندير الفرزيات
جاد: ههههه اوكي.. خطفلي بوسة ومشا كيجري المسطي سالاو ومشينا لقاعة الرياضة ومشيت حتى انا كنلعب حيت يدي بدات كتحسن سالاو ساعتهم ومشا كل واحد للبيرو ديالو بقيت انا شوية حيت شحال هادي ملعبت الرياضة حتى جا عندي الياس
الياس: اجي المك فين بتي البارح
انا: (كنلعب) كنت مع جاد
الياس: اش كاديري معاه
انا: والو داتنا الهضرة ونعست عندو
الياس: ومن امتى نور كتنساجم مع شي حد بالزربة
انا: افف منك أ إلياس اش بغيتي غير هدر
الياس: ممم فكرت فاحتمال تكوني كتبغيه مي لا مستحيل نتي تبغي شي حد
انا: ومالي معنديش القلب
الياس: (تصدم) لا لا ميمكنش دبا نتي كتبغي جاد
انا: (بابتسامة) اه كنبغيه
الياس: واااو الحمد لله ياربي عشت حتى شفت نور كتبغي... عصااام عصاااااااام
عصام: شنو مااالك اش واقع
الياس: نور كتبغي جاد
عصام: (تصدم) اواااه لا متقولهاش.. نور بالصح هادشي
انا: ويي مالكم معجبين بحال الى وقعات شي حاااجة
عصام: وراه وقعات معجزة نور كتحب لا لا عقلي مقادرش يستوعبها.. الياس شداتني السخفة جيبلي الريحة
الياس: وراه حتا انا بحالك مقادرش نستوعب
انا: (حبست من اللعب ونزلت من فوق الالة) وزدتو فيه راه عادي نتوما لي منعرف اش كيسحابليكم انا.. الياس وعصام كل واحد شدها من يد
الياس: ياله قولي كيفاش حتى خلاك تبغيه
عصام: حيت نتي من المستحيل تبغي شي حد بسهولة... هاد الحواار كامل سمعو جاد وبقا كيضحك ورتاح حيت الدراري مكيبغيوهاش بالعكس فرحوليها مي شافهم زادو فيه وهو يدخل وجمع يديه بجوج وبقا كيشوف...نور طلعات راسها وهو يبانليها وهي تفكر فاش قاليها الى لقيت شي حد قربليك غنتفاهم معاك دفعاتهوم بالزربة ومشات كتجري لعندو وعنقاتو
انا: عنداك تقلق راه بحال خوتي
جاد: (حابس الضحكة) شنو قتليك انا فاللول
انا: (طلعات راسها وشافت فيه) عفاااك اخر مرة
جاد: (طلق الضحكة) هههههههه.. هزها ودورات رجليها عليه وحشات وجها فعنقو... الدراري مصدومين من نور شافهم جاد وبدا كيضحك عوتاني
انا: (شفت فيه) مالك غير كضحك.. شيرلي براسي جهة ديال الدراري دورت وجهي شفت فيهم وبديت كنضحك كانو مصدومين كيشوفو فينا وكيعاودو يشوفو فبعضياتهم... ديني عندهم
جاد: (بقا هازها) مرحبا.. وصلنا عندهم
انا: الياس عصام كنعرفكوم على حبيبي جاد
عصام: عفاااك قولينا كيدرتي خليتيها تبغيك
انا: ههههه حمق
الياس: وي عندو الحق كيدرتيلها
انا: واش لهاد الدرجة انا قاصحة
بجوج فدقة: وكتتتتتر
انا: متيقهومش انا راه ظريفة
جاد: عاارف احبيبتي
انا: ياله نزلني وسيرو لخدمتكم خليوني نقابل خدمتي
الكل: ها لي قلناااا
انا: ههههههه الله يمسخكم بعدو مني.. مشيت وخليتهم بثلاثة...
عصام: اول مرة نشوف نور كتضحك من قلبها فمها وعينيها كيضحكو وباينة عليها فرحانة
الياس: اه بالصح الله يخليك اجاد متجرحهاش واخة تشوفها هكا قوية وقاصحة مي راه فنفس الوقت حساسة بلا قياس
جاد: عارف غادي نحطها فعينيا
الياس: (ضربلو فكتفو) شكرا انا نور كنعتابرها بحال ختي حيت الام ديالها رباتني حتا انا وعلماتني بزاف دالحوايج داكشي علاش جيت لهنا على قبلها باش نعاون بنتها
عصام: حتى انا كنعتابرها بحال ختي متشوفش فيا بهاد الطريقة داك النهار غير مثلنا عليكم باش تخرج من الدار وصافي
جاد: ممم قالي عمي بلي العام الفايت جيتي تخطبها
عصام: وي منكدبش عليك كنت كنبغيها مي من بعد اكتاشفت بلي غير اعجاب وتافقنا انا ونور نكونو بحال الخوت وانا كنعتابرها بحال رؤيا دبا
جاد: (رتاح) اوكي ياله نخليكوم..
مشيت للبيرو جلست كنخدم على قضية ماما داك الملف حفظتو وصلات 9 وهو يصوني تليفوني كان مول الدار نضت رجعت الملف لصاكي جيت نخرج وانا نضرب فجاد
جاد: هاي هاي فين غادة بالسلامة
انا: غير نقضي شي شغل ونرجع
جاد: فيين
انا: حتى لمن بعد وتعرف
جاد: اجي بعدا عطيني نمرتك ويلي حبيبتي معنديش نمرتها
انا: ههههه اوكي ******
جاد: داكوغ حياتي حضي راسك
انا: اوكي حبيبي... مشيت خديت طاكسي للريسطو ديال البارح ركبت طموبيلتي ومشيت للدار لقيت مول الدار كيتسناني مشينا قادينا الاجراءات عطيتو فلوسو وضروري شوية دالفلوس باش الامور دوز بالزربة وصلات 2 ساليت كولشي وولات الدار بسميتي مشيت نيشان للفيلا ديال الياس هزيت حوايجي ورجعت للدار دخلت لبست شورط وتيشورت وبديت فالشغل سيقتها ومع كانت نقية دونك محتاجيتش نصبغ مي ضروري من الابداع.. كملت التسياق وبديت كنرسم فالحيوطة كل واحد وشنو رسمت فيه.. رسمت فراشات وفحيط اخر نوطات ديال الموسيقى وبزااف دالاشكال ساليت مع ديك ل5 وهوما يجيو مالين الفراش لبست عليا الحوايج وبداو كيدخلو وكنوريهم كل حاجة فين يحطوها باش انا غير نرتب وصافي سالاو دورت معاهم ومشاو مشيت هزيت تيليفوني لقيت 10 دليزابيل من جاد وانا نعيطلو
جاد: فينك شحاال وانا نصوني عليك
انا: راه غير مسمعتوش وصافي
جاد: وفينك النهار كامل ونتي غابرة
انا: غير فداري كنقاد الفراش
جاد: صيفطيلي العنوان
انا: اوكي.. قطعت معاه وصيفطلو لميساج عيطت على محل بيتزا طلبت منهم وحدة كبيرة حيت gاع مكليت هاد النهار.. حيدت حوايجي وبديت كنرتب عوتاني حتى سمعت الدقان ومشيت حليت الباب...
#يتبع
#توقعااااتكم
