شدني بيد وحدة هزني ظهري ملاصقة مع صدرو
انا: جاااد خليني نمشي ندوش عفاك
جاد: وانا بغيتك
انا: راه عييت والله البارح كامل ونتا خدام مزال مشبعتي
جاد: ههههه صافي احبيبتي دخلي دوشي باش نخرجو نفطرو... دخلت للحمام كندوش ونضحك على هاد الحمق لي مزوجة بيه.. كملت خرجت نشفت راسي ولبست قدام انظارو وهو جالس كيعض فشفايفو جابلي الضحكة مي حبستها
انا: ياله انا ساليت نخرجو
جاد: (كيقرب) بانلي حنا gاع مخاصنا نخرجو اجي عندي الزوينة ديالي
انا: واااع انا فيا الجوووع
جاد: ههههه صافي صافي اجي نخرجو.. دور يديه على خصري طبع بوسة ففمي وحنا نخرجو... فطرنا بعدا عاد مشينا كنتساراو حتى وصلت وقيتة دالغذا تغدينا ورجعنا للكوخ.. لبست مايو فالبيض ومن فوقو كسوة شفافة.. حبيبي لبس غير شورط وحنا نهبطو للبحر... هزني بين يديه ودخلنا للبحر.. بقيت كنضحك بوحدي
جاد: مالك
انا: تفكرت فاش فقدت الذاكرة ودخلتيني للبحر
جاد: ههههه ناري داك النهار كنت شاد راسي غير بزز
انا؛ مممم لا باينة وداكشي لي درتي فاش مشينا للدار
جاد: ونتي لي جهلتيني اش غندير
انا: ههههه جاني الوحم عليك وكان كيعجبني الحال فاش كتهزني كنبغي تبقا غير هازني
جاد: اييه حماال انا
انا: نتا الحب... بدينا كنعومو ونضحكو مع شوية د ليبتيز... رجعنا دخلت دوشت وتبعني جاد حتى هو دوش.. طيبت العشا تعشينا وجلسنا كنتفرجو حتى نعسنا..... هكا دازت 2سيمانات كلها حب ورومانسية... رجعت منقدرش نعيش بلا بيه وحتى هو.. صبح الصباح فقت على صوت حبيبي
جاد: الخايبة فيقي براكة من النعاس
انا: خليني نزيد شوية
جاد: وراه طيارة مغتسناش
انا: (جلست) صافي غادي نرجعو للمغرب
جاد: لا مزال 2سيمانات باش يسالي شهر العسل وبغيت ندوزوه فمكان اخر
انا: يااااي وفين غنمشيو😍😍
جاد: مفاااجأة😌😌
انا: حرام عليك😔
جاد: ياله سربي لبسي راه بقات ساعة للطيارة
انا: اوكي.. نضت لبست حوايجي لقيت حبيبي جمع الحوايج خرجنا ومن بعد دقائق وصلنا للمطار.. تما عرفت بلي غاديين لايطاليا كنت غنطير عليه بالبوسان
جاد: عجبك الحال
انا: بزااااف الله يخليك ليا... ركبنا ومن بعد ساعات وصلنا لروما عاصمة ايطاليا... دوزنا سيمانة تما كلها حب وسعادة من بعد مشينا للبندقية... كنت فرحانة بزاف وعلاش لا وانا مع حب حياتي واب ولدي.. دوزنا شهر ولا في الاحلام بينلي بلي كيبغيني وكيحماق عليا.... وهاحنا دبا راجعين للمغرب عند ولدي حبيبي لي توحشتو........يتبع
