عند نور
بديت كنحل عيني لقيت بابا شادلي يدي ودموعو نازلين درت يدي لاخرة على عيني
انا: بابا متبكيش انا حداك
بابا: خفت عليك ابنتي الى مشيتي لمن اتخليني
انا: (عنقتو) سمحلي هادي اخر مرة
رؤيا: هئ هئ حرام عليك واش بغيتي تقتليني
انا: باركة من البكا الله يعطيك الستر اففف
عصام: رورو
انا: (شفتو وابتاسمت ابتسامة عريضة وحليت يدي جا عنقني) توحشتك
عصام: حتى انا توحشتك بزااف واخة غضبان منك مشيتي بلا متودعيني
انا: ونتا لي مكنتيش اش بغيتيني ندير.. شفت فالعائلة لقيتهم مصدومين حيت اول مرة يشوفوني كنبتاسم
بابا: كون كنت عارف بلي عصام غادي يخليك تفرحي كون جبتو معانا
عصام: هههه ربي يخليك اعمي نتا عارف معزة نور عندي
بابا: عارف اولدي وشكرا حيت نقدتيها
انا: (شفت فعصام) نتا لي جبدتيني
عصام: وشكون من غيري الفنيكيشة
انا: ممم اوكي
عصام: عمي غير سير ترتاح انا غنبات معاها
بابا: واخة اولدي فالصباح نرجع.. بنتي رتاحي دبا
انا: واخة ابابا غير تهنا.. تصبح على خير
الكل: تصبحي على خير.. مشاو ودرت بلاصة لعصام نعس حدايا ودرت راسي على صدرو (عصام 28 سنة صديق نور وكيبغيها أو كان كيبغبها. فاش ماتت ماماها وشافها بديك الحالة ناض قرا على الطب النفسي ورجع طبيب نفسي مشهور خطبها مي مقبلاتش هي كتعتبرو صديقها وخوها وبوحدو لي كيقدر يخليها تبتاسم) بقينا كنهدرو حتى نعسنا...
*في القصر*
عمي يوسف: ادريس شكون داك الولد
بابا: هداك عصام خو رؤيا وهو صديقها العام الفايت جا خطبها مي مقبلاتش هو كيبغيها وديما كيكون بجنبها فاش كتكون معاه كنرتاح.. فاش ماتت ماماها ورجعات فهاد الحالة كلشي بعد عليها حيت خافو منها الا رؤيا وعصام هو مشا قرا ورجع طبيب نفسي باش يفهم حالتها وبالفعل قدر ينجح حيت فالعامات اللولة كثر من 20 مرة حاولات الانتحار وهادي 3سنين معاوداتش هاد التصرف حتى لدابا حيت فاش كتفكر ماماها كتبغي تمشي عندها والحمد لله عصام جا فالوقت المناسب ونقدها مرة اخرى.. والحمد لله شفت ابتسامتها هو الوحيد لي كيقدر يضحكها
عمي احمد: الحمد لله لي نقدها.. ونتوما (موجه هدرتو لولاد عمامها) منبغي حتى واحد يجبدليها الام ديالها سمعتوني
الكل: اوكي.. طلعو الكبار ينعسو وخرجو الشباب للجردة
جاد: (معصب) رؤيا واش نور كتبغي خوك
رؤيا: والله معرفت
حمزة: انا تصدمت اول مرة نشوفها كتبتاسم
رؤيا: هههه وي عصام هو الوحيد لي كيخليها تبتاسم
جاد: تصبحو على خير.. طلع لبيتو معصب تكا واللقطة ديال نور معنقا عصام وكتبتاسم مبغاتش تفارقو حتى نعس.. صبح الصباح فاق لبس ونزل فطر.. ومشا مع عمو للكلينيك باش يخرجو نور وصلو حلو الباب لقاوهوم ناعسين وهي ناعسالو على صدرو وشعرها طايح على وجهها جاد زير على يديه اما الاب بدا كيبتاسم (كون كان بابا كون تيرا فينا خخخخ)
*عند نور*
بديت كنحل عيني لقيت بابا وجاد واقفين كيشوفو فيا
بابا: بنتي صباح الخير كيبقيتي
انا: صباح النور انا مزيانة متخافش عليا
بابا: الحمد لله وجهك منور كون عرفت عصام يرجعك هكا نبقا ديما جارو معايا
انا: (ابتسمت) اش بغيتي عندو مسكين راه منعسناش بكري شوفو مسكين معدب فنعاسو بسبابي
عصام: (بصوت نااعس) عدابك رااحة القطيوطة
انا: هههه حمق نوض نمشيو للدار ياك غتمشي معايا
بابا: وعلاش انا نقدر نخليه وهو لي كيخلي ديك الضحيكة تبان
عصام: شكرا اعمي
انا: ياله خرجو نلبس حوايجي.. خرج بابا وعصام وهو يجي عندي جاد
جاد: احم سمحيلي
انا: (ببرود) ماشي مشكل.. حسيت بيه مزير ناض خرج وانا لبست حوايجي خرجت
عصام: اجي القطيوطة.. هزني وانا دورت عليه رجلي وحطيت راسي على عنقو زدنا وانا نشوف جاد مزير على يديه ومعصب... وصلنا حطني فطموبيلتو وبقينا تابعين طموبيلة جاد
عصام: انا معاك ومن اليوم مغاديش نخليك
انا: شكرا وسمحلي كنعدبك معايا
عصام: (شدلي يدي) متقوليش هكا نتي عارفة معزتك عندي
انا: (بابتسامة) عارفة لي كاين... وصلنا وعاود هزني عصام دخلني للدار وجلسنا فالصالون كلشي تجمع حدايا كيسولوني كيبقيت وجاد غير مخنزر معرفت مالو.. طلعت لبيتي دوشت ولبست بيجامتي ونزلت لتحت لقيتهم مجمعين فالجردة مي قبل متوصل صونا تليفونها جاوبات ومشات معصبة جلسات وجبدات gارو بدات تكمي وهو يحيدوليها عصام كما حتى هو
عصام: كح كح كح
انا: (حيدتولو وطفيتو) اففف هانتا تهنيتي
عصام: ههههه يخليلي لي كيخاف عليا.. كلشي استغرب اول مرة يشوفوها هكا وتعجبو فعصام لي قدر يحيدوليها وباباها فرحان
#يتبع
