انا: (تنهدت) الهدف ديالنا هو الاستحواذ على الشاحنة ومابغيت حتى واحد يتصرف بذكاء ويمشي يشد البوص
زياد: علاش منشدوش البوص
انا: مبغيت حتى نقاش فهادشي.. المهم وجدو راسكم من بعد ساعة غادي نتحركو والخطة اتعرفوها فالطريق
الكل: اوكي.. خرجت مشيت للبيرو ديالي غير سديت الباب وهو يتحل ودخل جاد
جاد: نقدرو نهدرو
انا: (ببرود) ممسالياش
جاد: (قربلي وشد يدي) راك فهمتي غلاط ريم كنت انا وياها على علاقة مي سالينا شحال هادي دبا نتي لي كاينة هنا (شير لقلبو)
انا: وعلاش قلتيلي بلي كتبغيني من شحاال هادي ونتا مصاحب واش كتفلا عليا
جاد: معمري كدبت عليك انا بالصح كنت كنبغيك مي فاش تقطعات اخبارك وصورك حسيت بنقص وريم كانت طلبات نكونو فعلاقة قبلت ياكما نساك حيت قلت مستحيل تجي للمغرب وضروري نساك ونكمل حياتي حتى جيتي..
انا: (قاطعتو) جاد خرج دبا خليني نستاعد وسير حتى نتا دبا ماشي وقت هاد الهدرة
جاد: (تنهد) واخة الالة ميكون غير خاطرك.. عنقني مي انا مبادلتوش العناق وخا نموت ونعنقو بقا مدة يمكن كيتسناني نعنقو انا كنت كنشم غير ريحتو لي بنجاتني.. بعدني عليه وبقا شادلي فكتافي وكيشوف فيا
جاد: كنبغيك
انا: الصمت
جاد(تعصب): اوكي هادي اخر مرة نهدر فيها معاك سمحيلي عطلتك.. خرج وانا بقيت واقفة مجمدة فبلاصتي
انا: (كنهدر مع راسي) لا لا ميمكنش يديرها ميقدرش يجلس بلا مايهدر معايا.. بقيت جالسة افكار تديني وافكار تجيبني حتى جا عندي عصام
عصام: (شدلي يدي) مالكي
انا: والو المهم الفرقة جات
عصام: وي هاهيا كتسناك فالساحة
انا: مزيان ياله زيد نمشيو...
*عند ريم*
ريم: دبا هاديك هي التنين الاسود
جيهان: ويي حبيبة
ريم: ممم باينة فيها متكبرة
رانيا: افف كون تشوفو واحد النهار مشيت لعند جاد انا وخويا لقيناها عندو فالدار ولابسة حوايجو كانت باينة فيها ياله فاقت من النعاس
ريم: (تفقصات) كيفااش هي بيناتهم شي حاجة
رانيا: (بغات تفقصها) هههه باينة حيت فاش نزلات عندنا جلسها جاد حداه وبقا شادليها يديها
ريم: (والله مانخليه ليها) ممم اوكي
جيهان: هاهيا خرجات زيدي ارانيا قبل ما تعصب علينا.. ااه قبل مانسا راه كنجيو مع 5 دالصباح عنداك تعطلي
ريم: علااش
جيهان: التنين الاسود لي امر بهادشي وحنا كنفدو
ريم: (بمكر) اوكي
*عند نور*
خرجت انا وعصام مشينا للساحة لقيت الفرقة كاينة شافوني وقدمو التحية
انا: سلام نتمنا تكونو فالمستوى كيفما متعودة
عميل: كوني هانية
جيهان: ماشي نتوما لي كنتو تزاديتو معانا وعاونتونا نشدو حسن
عميل: وي الجنرال نور هي لي عيطاتلينا نعاونكوم
جيهان: ممم اوكي
انا: الى مستعدين زيدو نمشيو
الكل: اوكي... ركبنا وفالطريق قتليهم خطتي وصلنا وانا ندير اللتام على وجهي نزلنا خدينا الاماكن ديالنا والفرقة دارت الواجب ديالها انا بقيت واقفة اللور.. شفت البوص هرب حجزو على الشحنة والضباط مدابزين مع الرجال وفجاة سمعت الرصاص...
#توقعاتكم
