عصام: (بخوف) اري نشوف يدك
انا: (بالغوات) عيط لي مكلفين ببابا
عصام: تهدني واخة هانا غادي... حطيت الفردي مور ضهري وشيرت بيدي جاو عندي 10 دالرجال
انا: (بصوت صارم) شكون مكلف يراقب بابا
الشخص1: انا الالة.. هزيت يدي وعطيتو تصرفيقة حتى دار وجهو
انا: دعي الله يعيش بابا حيت الى وقعاتلو شي حاجة نتا وطاسيلتك كاملة غطير... نتوما هزو عليا هاد الزبل من هنا
عادل: حبس اسيدي واش كاينة السيبة مكاينش القانون فالبلاد
انا: كنعرف القانون مزيااان من الاحسن مدخلش حيت راني معصبة
زياد: اصلا كيفاش قدرتي تهربي من الحبس
انا: ممسالياش نشرحليكم... مشيت دخلت عند بابا شفتو نزلو دموعي شديت يدو.. باباتي حبيبي عفاك عنداك تخليني انا هادشي كلو كنديرو على قبلك واش سحابليك مكنتش كنشوفك كل ليلة كتهز تصويرة ماما وتبكي ومع كل دمعة من عينيك كنت كنتحرق.. حياتي يمكن ماما مزال حية وغادي ندير جهدي كامل باش نعرف فين مخبعينها واخة يكلفني حياتي المهم نردليك حب حياتك.. بستو فراسو ويديه ومسحت دموعي بدات السخفة كتشدني حيت كنزف مي حتى نسالي شغلي خرجت شفت العائلة كاملين كيشوفو فيا وعلامات التساؤل واضحة على وجههم لقيت عصام معاه طبيب والفرملية جبدت الفردي ومشيت لعندهم
انا: (بصوت صارم) توقع شي حاجة لبابا ترحمو على راسكم
الطبيب: وشكون نتي بالسلامة لي كتهددي فينا
انا: (حطيت الفردي على راسو) الى وقعات شي حاجة لبابا غادي تعرف شكون انا فهمتي
الطبيب: (خاف) و.. واخة متخافيش اصلا ماشي شي حاجة خطيرة غدا غادي يفيق
انا: (شفت فالفرملية) تغفل عينك عليه وتوقعلو شي حاجة غادي نقتلك سمعتي
الفرملية: متخافيش انحطو فعينيا
انا: مزيان.. شفت فالرجال نتوما بجوج اتبقاو قدام الباب ومتخليو حتى واحد يدخل من غير هاد الطبيب وهاد الفرملية وخلاص حتى العائلة حفضو وجههم ويلا مشات وقعاتلو شي حاجة غادي نقتلكوم سمعتو
الكل: حاضر شاف
عصام: نور يديك كتنزف بزاف زيدي قبل ماطيحي
الطبيب: وي بالصح زيدي خاصنا نحيدوليك الرصاصة
انا: (بتعب) اوكي.. دور عليا يديه وانا تسندت عليه ومشيت معاه حتى شداتني جيهان من يدي
جيهان: فين غادة بالسلامة مغاديش نخليك تهربي ودبا زيدي معايا للمركز... طلقت من عصام وضربتها ببونية حتى طاحت
انا: غادي تغبري من قدامي قبل ماندير فيك شرع يديا.. شديت فعصام وصلت لغرفة العمليات
انا: مديروليش البنج
الطبيب: غادي تقصحي
انا: ماشي مشكل خاصني نبقا فايقة
الطبيب: اوكي... بداو فالعملية حسيت بالم فظيع مي خاصني نبقا فايقة الحمد لله الرصاصة مدخلاتش بزاف دغيا جبدوها وخيطولي شربت مسكن ودرت حمالة ليدي دخل عندي عصام عنقني
عصام: الحمد لله على سلامتك خفت عليك
انا: متخافش انا بخير وغادي نتحسن فاش يموت حسن
عصام: غادي تقتليه
انا: اه حيت غادي نقولو شكون انا
عصام: ممم اوكي نتي تعرفي
انا: ياله نيت نمشيو دبا
عصام: خليك بعدا حتى ترتاحي
انا: نو انا مزيان ياله ندوزو للمزرعة نبدل حوايجي ومن بعد نمشيو
عصام: اوكي.. وقفت شدني وخرجنا حتى وصلنا للطموبيل وشفت الدراري خارجين بالزربة... ركبت الطموبيل انا وعصام وهو يكسيري شفت فالمرايا لقيتهم تابعينا درت اتصال شوية بانتلي غير طموبيل ديال حمزة لي تابعانا خليتو.. وصلنا ونزلت هو يجي كيجري حمزة
حمزة: نور وقفي
انا: شنو
حمزة: سمعيني راه خاصك ترجعي للمركز وانا شخصيا غنوقف معاك كنواعدك حتى الى تحاكمتي غادي تاخدي حكم مخفف
عصام: فنظرك كيدارت خرجات من المركز وهو مشدد فالحراسة ديالو
حمزة: والله معرفت عييت منفكر
عصام: انا غادي نقوليك.. نور خدامة فالمخابرات الامريكية وانتقلت للمخابرات المغربية فاش جات للمغرب هي كانت مكلفة بقضية ديال حسن
حمزة: (بصدمة) وايلي الحمد لله مصدقتيش مجرمة
انا: انا طالعة نبدل حوايجي ونمشيو
حمزة: صبري مي وصلنا البارح فيديو قتلتي فيه العميل ديالنا الى كنتي بالصح عميلة متقديش تقتليه
انا: (كنشير بصبعي لجهة الباب) كتقصد هدا.. شافو حمزة وهو يجري عندو عنقو
حمزة: توحشتك اصاحبي وخفت عليك الحمد لله عايش
ياسين: حتى انا.. هادشي بفضل نور كون ماشي هي كون مت
حمزة: (بفرح) الحمد لله.. دخلت انا للدار مشيت لبيتي بدلت دوك الحوايج عمرو بالدم
حمزة: مفهمتش واحد الحاجة
عصام: شناهيا
حمزة: علاش نور هربات حسن 2 مرات
عصام: ممم المرة اللولة هي لي بلغات مي فاخر لحظة تراجعات وغيرات الخطة و المرة التانية كان صاحبك لي بلغ وهي ديك الساعات مزال ملقات الوراق لي كتقلب عليهم
#يتبع
البنات أنا كيعجبوني القصص لي كتكون فيهم البنت عندها شخصية قوية و غامضة و أيضا كيعجبوني القصص ديال المخابرات و المافيات
إلى كانو حتا نتوما كيعجبوكم غير نسالي هاد القصة نحط ليكوم قصة جديدة
