دازت سيمانة تحسنت وحيدت الفاصمة عصام بجنبي كيف العادة اما رؤيا رجعات لامريكا على حساب قرايتها.. وانا بديت الخدمة مع حسن
حسن: سااااراااا
انا: وي موسيو حسن
حسن: اليوم غادي توصلنا شحنة فالليل خاصنا نمشيو نجيبوها
انا: اوكي موسيو.. مشيت استعديت للمهمة كانت عندنا مع 12 دالليل تافقت مع عصام يلقالي شي سبة يقولها لبابا حيت غادي نتعطل فالليل.. وصلات الوقيتة لبست سروال كحل مع اكس كحلة وكويرة فالكحل مع بروطكان جمعت شعري ومشيت للمكتب ديالو
انا: احم موسيو حسن انا واجدة
حسن: اوكي ياله زيدي هادي اول مرة ليك انا عارفك اتكوني مخلوعة شوية
انا: وي مي نتا معايا دونك معندي مناش نخاف
حسن: هههه وي بصح ياله زيدي.. مشينا وصلنا للمكان بقينا كنتسناو وصلات 12 وهو يجي واحد الكاميو ومن موراه طموبيل كحلة ابتسمت ابتسامة استهزاء حيت انا عارفة مكاين حتى شي شحنة مستحيل يديني معاه ويقولي الوقيتة وهادي ياله سيمانة باش بديت الخدمة بقيت واقفة كنشوف فيه كيقلب بعنيه حتى دازت ساعة
حسن: سارا
انا: وي موسيو حسن
حسن: ياله نمشيو
انا: اوكي.. مشينا وصلت لدارو هزيت طموبيلتي ومشيت عيطت لعصام قتلو نتلقاو فالفيلا ديالو وكسيريت موقفت حتى للفيلا وبقيت كنتسناه
عصام: (عنقني) ياكما وقعاتليك شي حاجة
انا: نو متخافش غير عييت وبغيت نعس
عصام: اوكي زيدي ندخلو وفكريني نعطيك الساروت
انا: اوكي.. فهاد اللحظة جاد كان كيشوف فيهم من بعيد ومعصب حيت فاش شافو خرج تبعو وهو يتصدم بداك المنظر مشا نيشان لدارو هرس كولشي اصلا هو رجع سكن فالقصر غير على ودها..... طلعت لبيت دوشت وتلاحيت نعست مافقت غير على سطل دالما قفزت من بلاصتي
عصام: ياله الحاجة فوقاش غتبداي التداريب ديالك
انا: افف صافي 5 دقايق نوجد
عصام: ياااله تحركي
انا: شفتك كتغوت ياكما نسيتي شكون انا
عصام: لا منسيتش مي بانلي نتي لي نسيتي شوفي راكي غلاضيتي.. خنزرت فيه وهو يسرط لسانو وخرج.. نضت غسلت وجهي ولبست شورط واكس جمعت شعري ونزلت لتحت فطرت بالزربة ونزلت لتحت قاعة الرياضة بديت كنتريني شي ساعتين وهو يجي عندي عصام باش نخرجو نجريو جيهة البحر هزيت تيشورت ديالو كان محطوط لبستو وخرجنا كنجريو حتى عيينا ودخلنا لواحد الريسطو تما بدينا نتغداو حتى دخلو ولاد عمي شافوني وهما يجيو
عادل: اهلا كتغداو بلا بينا
عصام: حاشا زيدو جلسو مرحبا بيكم.. جلسو وجاد غير مخنزر طلبو الماكلة وجلسو كياكلو ويهدرو غير انا وجاد لي ساكتين ساليت وبقيت كنشوف جيهة البحر سهيت فيه حتى بانلي واحد الولد كبير هاز موس على شي ولد تكون عندو ديك 15 عام وداير موراه بنت صغيرة كترجف شوية شفت هاداك هز يديه بحال باغي يضربو بالموس ماعقلتش على راسي حتى وصلت عندهم وشديتلو الموس بيدي لي كيقطر منها الدم
انا: (بالغوات) طلق الموس
الشاب: (مخلوع) واش تسطيتي طلقي الموس.. جبدت الموس عندي لحتو وبديت نضرب فيه حتى جا جاد هزني من فوقو
جاد: (بخوف) نور واش كضرك يديك زيدي نمشيو للكلينيك
انا: (حدرت عند الولد و البنت عنقتهوم) ياكما وقعاتليكم شي حاجة
الولد: شكرا اختي نقدتينا
انا: (وقفت وشفت فعصام) جيبهوم دخلهوم للريسطو.. شدهم عصام من يديهوم ودخلهم جلسهم فطبلة بوحدهوم وانا قطعت داك التيشورت ولويتو على يدي تبعتهوم
حمزة: نور راه خاصك تمشي للطبيب
انا: بلاتي ونمشي انا مزيان مديرش فبالك.. مشيت جلست حداهم وعصام مشا بحالو طلبت ليهم الماكلة كلاو مساكن بحال الى شحال هادي مكلاو شويا الولد حبس
الولد: ختي نقدر ندي معايا هادشي لي بقا
انا: علاش
الولد: (حاني راسو) لماما.. نزلات من عيني دمعة مسحتها وهزيتلو راسو
انا: فين كتسكن
الولد: ف****
انا: اوكي كملو ماكلتكم باش نمشيو.. سالاو لقيت شيفور جابلي طموبيل دراري حاولو يمنعوني بحجة خاصني نشوف طبيب مي عصام هدنهوم شفتهم تابعيني من اللور وحتى انا خليتهوم وصلنا لمنطقة شعبية هبطت من الطموبيل وبقينا غاديين مساافة طويلة حتى وصلنا لبيت صغير السقف ديالو غير من القزدير دخلت وانا نتصدم...
#يتبع
