جاد: سيرو راكم حشمتولي حبيبتي
الكل: ههههه... شدني جاد من يدي وجرني وانا حادرة راسي حشمت منهم
جاد: (كيهضر فودني) هزي راسك راكي مع راجلك ماشي صاحبك
انا: (شفت فيه) اويلي بستك قدامهم
جاد: (جرني من خصري) اجي نعاودوها راه كانت حلوة
انا: ههههههه اويلي حشم
جاد: ههههه.. جرني من يدي وقفنا قدام طارطة كبيرة وفيها تصويرتنا بجوج
انا: ياااي كتحمق
جاد: نتي كثر... قطعنا الكاطو ووكلنا بعضياتنا.. طلقات الموسيقى ورقصنا على انغامها.. باسني فعنقي... ممم هاد العنق خاصو شي حاجة
انا: (ببراءة) شنو
جاد: (رجع من مورايا وجبد سنسلة ركبهالي فعنقي) دبا زاد عنقك زيان
انا: (كنشوف فيها) كتحمق ميرسي حياتيي
جاد: (باسلي راسي) الله يخليك ليا امامات ولادي
لمياء: ولادك راه عند غير واحد
جاد: دباا نزيدو غادي نعمرو الدار بالولاد
انا: هههه ان شاء الله
لمياء: كضحكي بازلك قادة تحملي الم الولادة
صفاء: اللي يسمعك يقول مجربة
جاد: ههههه نتي اش دخل شطاطتك
لمياء: وااع اعباد الله حسو بيا راني سيليباطير زعما
عادل: (جرها من وذنيها) شنيولة
لمياء: هااا خويا حبيبي راه غير كنضحك
انا: ههههه عبر عليك.. حبيبي فين طواليط
جاد: (بشوية) نمشي معاك
انا: اويلي سكت دبا يسمعوك
جاد: ههههه راها لهيه
انا: اوكي... دخلت للطواليط قضيت حاجتي غير خرجت وانا نضرب فسناء مديتهاش فيها ومشيت غسلت يدي
سناء: اووه باينة كتبغيه بزاف مي دوماج مغاديش دوم هاد الفرحة
انا: ههههههههه من نيتك كتهضري
سناء: (توترات) اه وراني علمتك فالصباح بلي نقدر ندخلك للحبس الى مابعدتيش ومتخافيش ولدك غانديرو بحال ولدي... غير كملات هضرتها وانا نطير عليها لصقتها مع الحيط
انا: (شانقاها بيد وحدة) نتي مزال معارفانيش شنو نقدر ندير فيك... راه نفييك سمعتي... الى الصباح سكتليك هذا مكيعنيش بلي انا خايفة منك.. نسمع قربتي لراجلي نفيك فهمتي.... طلقتها وشديتها من شعرها ضربتيها براسي خليتها دايخة وانا نخرج
جاد: فين تعطلتي
انا: (بابتسامة) والو هانا
جاد: ياله اجي تعشاي
انا: اوكي.... جلسنا مجموعين تعشينا وهضرنا وضحكنا اما سناء gاع مشفتها.. طلقنا موسيقى وشطحنا كاملين... دوزنا ليلة زوينة وكملنا انا وحبيبي السهرة فدارنا.. مانعسنا حتى شرقات الشمس
توقعاااتكم واش نور غادي تكتفي بهاد التهديد ولا غدير حاجة اخرى وواش سناء غدي تخاف و تستسلم
