بابا: اوكي زيدي معايا... مشينا طلعنا لبيتو دخلنا جلست وانا متوترة خايفة من ردة فعلو.. ياله انا كنسمع شنو بغيتي
انا: بابا غادي نقوليك شي حاجة خاصك تكون قوي وتسمعني مزيان وتفهمني
بابا: (بخوف) شنو واقع ياكما شي حد دارليك شي حاجة
انا: لا ابابا انا غادي نقوليك شي حاجة على قبل... (تنهدت).. على قبل ماما
بابا: نور بنتي عفاك بعدي على هادشي كون كانت ماماك حية مغاديش تقبل تورطي فهادشي
انا: (بالغوات) مي ماما حية
بابا: (تصدم) ك..كيفاش
انا: (شديتلو يديه وبستها) باباتي ماما مخطوفة وانا غادي نلقاها
بابا: اش كتخربقي ميمكنش وشكون هاديك لي دفنت
انا: معرفتش لي عارفة بلي ماما حية خاطفينها وتلقاهوم كيعدبوها هئ هئ
بابا: (حابس البكية) مي كيدرتي عرفتي
انا: نهار مشيتي للكلينيك فاللول كنت شاكة مي فاش مشيت نقدتك من هادوك لي كانو بغاو يقتلوك رجعت حققت معاه وعتارفلي بلي ماما حية مي معارفش فين كاينة
بابا: (شد راسو) ااه يا ليلى فينك وشنو دارو فيك هاد 6سنين
انا: غادي نلقاها ابابا داكشي علاش فاش قلتيلي حبسي من الخدمة ماقبلتش
بابا: سمحيلي ابنتي مي راني خايف عليك ويلا مشا هداك لي شديتي قالهالهم شنو غانديرو
انا: مغيقول واالو متخافش
بابا: هداك مجرم متقيش فيه
انا(برود): انا قتلتو
بابا: (تصدم) كيفاش قتلتيه
انا: ماشي مهم هادشي دبا مي بغيتك تعاوني فحاجة وحدة
بابا: شناهيا
انا: انا دبا شريت دار وليت ساكنة بوحدي ورجعات سميتي سارا وبغيتك فهاد المدة وقبل مانلقا ماما معمرك تهضر معايا اولا تحاول تلاقا معايا
بابا: علاش
انا: سمعني ابابا هادو راهم مافيا وخطر وهوما عارفينها مراتك دونك مبغيت تواحد يعرفني بنتك حيت يقدرو يقتلونا كاملين.. فاش غادي نلقا كيندير غادي نجي عندك ونقدر نهدر معاك من تليفون عصام ولا الياس المهم نتا متعيطليش ومتحاولش تلاقا بيا
بابا: (عنقني) خايف عليك ابنتي
انا: (حابسة البكية) متخافش ابابا تاكد بلي غادي نرجعليك حب حياتك فاسرع وقت ممكن غير صبر ودعي معايا ربي يعاوني.. هاد القضية مهمة بالنسبة ليا وحتى واحد معارف الخطة ديالي من غير الياس وعصام حتى من ولاد عمي مقلتهالهومش
بابا: عصام والياس حتى هما خدامين معاك
انا: اه ابابا متخافش هوما غيكونو معايا غير تهنا عليا
بابا: واخة ابنتي.. باتي معايا هاد النهار عفااك
انا: (بابتسامة) واخة اباباتي بغيتك تقول للعائلة الى شافوني فشي بلاصة يديرو راسهم مكيعرفونيش مبغيت حتى واحد يتأذى.. حيت نقدر نكون فشي ريسطو ونمشي نتلقا بشي حد مبغيتش يعيطلي نور حيت هوما ايكونو كيعيطولي سارا
بابا: (تنهد) واخة ابنتي ياله نزلو ونقولهالهوم
انا: اوكي.. نزلنا لتحت وبابا شادلي يدي لقيت حتى جاد تما شافني فرح
بابا: بغيت نهدر معاكم فواحد الموضوع
ع. احمد: الله يسمعنا خبار الخير
بابا: فين البقية بغيت كولشي يجي.. تسنينا حتى تجمعو كاملين كنشوف التساؤل واضح على وجههم
بابا: (تنهد) احم بغيت نطلب منكم طلب الى مشى اي واحد فيكم شاف بنتي فشي بلاصة يدير راسو مكيعرفهاش وميهضرش معاها وحتى من الشوفة ميشوفش فيها
ع. يوسف: (باستغراب) علاش واش لهاد الدرجة مقلق من بنتك
انا: لا اعمي مي انا لي قلتهالو ونتمنا ديرو هادشي انا خدامة على واحد القضية وتقدرو تشوفوني فشي بلاصة مع شي حد مبغيتكومش تهدرو معايا ديرو راسكم مكتعرفونيش هادشي فمصلحة الجميع
حمزة: إينا خدمة عندك وحنا مفخبرناش
انا: قضية متكلفة بها انا شخصيا هادشي لي نقدر نقوليكم
عادل: حتا حنا خدامين معاك بإمكانا نخدمو مجموعين
انا: نو شكرا التنين الاسود كيخدم بوحدو
مروى: اوكي ميكون غير خاطرك
انا: (بابتسامة) شكرا
الكل: اوكي.. بقينا مجمعين حتى وصلات وقيتة دالعشا تعشينا وشدني بابا طلعني معاه وجاد متبعني بعينيه
انا: بابا سبقني هاني جايا
بابا: واخة ابنتي.. مشيت لبيت جاد وبقيت جالسة كنتسناه شوية دخل شافني وبدا يبتاسم...
