عصام: مال هدا ديما مخنزر
انا: وانا اش عرفني ياله زيد نخرجو بغيت نتقدا لخالتي فاطمة راه رمضان هدا ومتنساش بلي غادي نغبر من بعد سيمانة يعني خاصني نمشي نشوفها شوية هي والولاد
عصام: واخة ياله زيدي... مشينا للمول تقديت تقريبا داكشي لي يكفيها شهر درمضان كامل ودزنا عندها للدار عاوني عصام طلعنا داكشي
خ. فاطمة: (بابتسامة) مرحبا ببنتي علاش عدبتي راسك
انا: مكاين حتى عذاب غير التقدية ديال رمضان ومبغيتش نخلي كلشي على عمر مسكين
خ. فاطمة: الله يرضي عليك ابنتي.. دوزو تجلسو شوية انا نوض نوجد ليكم كاس داتاي
عصام: (وقف) انا مرة اخرى ان شاء الله خليتليكوم الراحة
خ. فاطمة: جلس اوليدي تغدا معانا
عصام: لا اخالتي راني داير مع شي صحابي نتغدا معاهم
خ. فاطمة: وااخة.. مشا عصام ومخليتش خالتي تنوض دير اتاي
انا: فين سفيان وملاك
خ. فاطمة: راه مزالين ناعسين
انا: هادو سبقو رمضان
خ. فاطمة: ههههه وييه ابنتي
انا: ماشي مشكل خليهم يرتاحو وفين عمر كيداير مع الخدمة
خ. فاطمة: مزياان ابنتي الحمد لله مرتاح وكيتخلص مزيان الله يرضي عليك
انا: امين واخة هكاك متشكرينيش كون مكانش فالمستوى راه gاع ميخدم
خ. فاطمة: ولكن ابنتي نتي لي وقفتي معانا.. غادي يخلصك الله اما حنا ماعندنا منعطيوك
انا: وحتى نتوما ناس مزيانين شحال من مرة جيت لعندكم طالعلي الدم ونتوما كتفوجو عليا.. المهم راه اخالتي جبت التقدية ديال شهر تقريبا وهاكي هاد الفلوس الى خصاتك شي حاجة وبغيتك تشري لسفيان وملاك حوايج العيد وديري لراسك شي جلابة.. حيت انا من بعد سيمانة غادي نسافر ومغنكونش فالعيد داكشي علاش
خ. فاطمة: الله يستر عليك ابنتي ويحفظك فينما مشيتي
ملاك: (جايا كتجري) ختييي نتي هنا
انا: (جلستها فوق رجلي) صباح الخير النعاسة
ملاك: ههه صباح الخير جبتيلي شكلاطي
انا: (جبدت الشكلاط من الصاك) وانا نقدر نسا
ملاك: يااي شكرااا.. وباستني
انا: هههه طماعة كون مكانش الشكلاط gاع متبوسيني
ملاك: لا نتي ختي وعزييزة عليا.. جا سفيان عنقني وجلس حدايا
سفيان: توحشتك غبرتي
انا: غير مع القراية وصافي ياله البارح ساليت
سفيان: اوى كيدوزتي بعدا مزيان
انا: ويي راني قادة بشغالي
سفيان: هههه تقة فالنفس
انا: ضروري.. بقينا مجمعين حتى جا عمر للغدا.. اوى كيغادي مع الخدمة مزيان
عمر: وي الحمد لله ونتي كيدوزتي
انا: مزيان حمد الله.. تغدينا ومشيت بعدما واعدتهم غنجي نفطر عندهم شي نهار فرمضان خرجت شديت طاكسي للدار وصلني خلصتو ونزلت دخلت ملقيت حتى واحد استغربت وانا نعيط لاريج سولتها قاليك خرجو كلهم مشاو يتقداو شي حاجات مع غدا نهار اللول فرمضان.. طلعت لبيتي دوشت ولبست تيشورت وشورط ديالو وبديت كنخطط كيفاش نقدر نعرف البوص خاصني نكون منتابهة مزيان بقيت شي ساعة حتى جاني جوع نزلت مشيت للكوزينة بديت كنقاد سندويش حتى عنقني شي واحد من اللور شميت ريحتو عرفتو جاد
انا: طلق مني
جاد: (كيشم شعرها الفازك) ممم ريحتك كتسطيني
انا: (دفعتو ودرت لعندو) سمعني مزيان غادي تبعد مني ومتقربش لجيهتي اولا غادي نتفاهم معاك سمعتي
جاد: (افف الله يصبرني) مفهمتش زيدي شرحيلي
انا: اففف وبعد مني ابنادم واش نتا تقبل لي يقيص ختك بهاد الطريقة ويعاملها كيف كتعاملني
جاد: لا مي نتي كتعطي لناس خرين علاش زعما انا لا
انا: (تصدمت) كيفاش شنو كتقصد
جاد: عصام شحال من مرة شفتك كدخلي معاه لواحد الفيلا وشحال من مرة نعستي تما سحابليك انا مكلخ
انا: (تعصبت) ونتا سوقك ندير لي بغيت نتا ماشي شغلك
جاد: ياك واخة.. جبدني وبدا كيبوس فيا بعنف دفعتو وهربت طلعت كنجري لبيتي جيت نسد الباب وهو يحبسو برجليه ودفعني حتى طحت...
#يتبع
