البروف: دبا متلفتيش على القسم
انا: (كنشوف فعينيه) نو موسيو
البروف: ياله خرجي
انا: وعلاش
البروف: هكاك
انا: ديزولي معندكش الحق تخرجني بدون سبب.. كلشي بقا كيشوف شكون هاد البنت لي قدات تجاوب على الاستاد لي كلشي كيخاف منو وgاع البنات كيحمقهم مي كيخافو منو.. البروف تصدم ومشا لبيرو ديالو بدون كلمة وبدا كيشرح الدرس بقيت متبعة معاه وهو غير مخنزر سالات الحصة وخرجت غادا جيهة الطموبيل حتى شفت اريج كيجرها واحد وهي كتجابد معاه
اريج: طلق مني
الشاب: والله لا فلتك زيدي قدامي
اريج: هئ هئ عتقونييي.. مشيت كنجري جبدتو وبقيت كنضرب فيه حتى سخف بين يدي ودم دايزلو مع نيفو عاد وقفت
انا: اريج سافا ياكما دارليك شي حاجة
اريج: (عنقاتني) هئ هئ شكرا
انا: (بعدتها عليا) ماوقع والو باركة من البكا
اريج: (كتشوف مورايا) هئ هئ خويا.. درت وانا نتصدم اما هو بقا كيشوف فيا صدق جاد ولد عمي هو البروف
جاد: (بخوف) مالكي
اريج: هداك كان بغا يديني معاه هئ هئ
جاد: (شافو لقاه مليوح وسخفان) شكون دارلو هاكا
اريج: نور
جاد: (قلبو كيضرب) شكون نور
اريج: نسيت نتا مزال ماتعرفتي عليها هادي رُقية بنت عمنا ادريس
جاد: (بصدمة) اه متشرفين
انا: حتا انا ياله انا غادا ا اريج حتى نتلقاو فالدار وبراكا من البكا.. مشات وهما بقاو كيشوفو فيها
ركبت طموبيلتي ومشيت باش نبدا خطتي خاصني نسالي بالزربة باش نرتاح رجعت للدار مع ديك 10 دخلت لقيتهم مجمعين سلمت عليهم ولقيت جاد حتى هو
خالتي حورية: بنتي رُقية هادا ولدي جاد
انا: وي عرفتو راه كيقريني فلفاك
حمزة: ههههه وايلي
انا: (ببرود) وي نخليكوم نطلع نبدل حوايجي
بابا: واخة ابنتي هاحنا نتسناوك تجي تعشاي معانا
انا: اوكي.. طلعت بيتي دخلت دوشت بزربة ولبست شورط وتيشورط ديالو واسع جمعت شعري ونزلت...
يوسف: ادريس شفت بنتك كتلبس غير الكحل منين جات حتى من بيجاماتها
بابا: (تنهد) منين ماتت ماماها وهي كتلبسو حتى من الضحكة مبقيتش كنشوفها فوجها
حورية: (بحزن) مسكينة الله يعطيها الصبر وصافي.. جاد بقا كيسمع بقات فيه وتفكر فاش قاتلو تلفت على القسم وضحك عليها وهي بصح كانت تالفة شافوها نازلة وهما يسكتو جاد بقا كيخنزر حيت كانت لابسة شورط.. ناضو تعشاو وكلشي كيهدر ويضحك الا رُقية وجاد
زياد: كان غير جاد ليكيكون مخنزر ولاو عندنا جوج دبا
الكل: ههههه
انا: (وصلني ميساج قريتو وانا نهدر مع حمزة بشوية) حمزة اش بانليك نمشيو نسهرو فشي بواط
حمزة: هههه هي ليماتعاودش ابنت عمي.. الدراري اش بانليكوم نمشيو نسهرو برا ونرحبو ببنت عمنا
الكل: اه واخة.. طلعت لبست حوايجي (الصورة) ونزلت لقيت دراري كيتسناونا
عادل: نتي هي الواعرة فيهم والله دبا غادي نتسناو يمكن حتى للصباح
انا: متزيدش فيه شوية وتلقاهم هنا.. مشيت عند حمزة.. امم حمزة نمشيو ل*****
حمزة: فين عرفتي هاد لبواط
انا: غير سمعت بيها وبغيت نمشيلها
حمزة: اه اوكي صافي نمشيولو الالة.. بقينا كنتسناو ونزل جاد حتى هو
جاد: (كيشوف فنور) مشينا
حمزة: وي ياله.. ركبت مع حمزة وصلنا سبقتهوم لداخل شديت بلاصة كتبين لبواط كاملة جلسو حدايا شوية ناضو الدراري والبنات كيشطحو بقيت غير انا وجاد
جاد: فين كتشوفي
انا: والو انا غادا نمشي للحمام.. وانا راجعة شدني واحد كيتحرش بيا وحاول يبوسني انا كنت كنبعد عليه حتى جا واحد ضربو
الرجل: نتي بخير
انا: وي شكرا كون ماشي نتا معرفت شنو يقدر يوقعلي
الرجل: هادا واجب.. انا سميتي حسن ونتي
انا: متشرفين انا سارا.. بقينا كنهضرو وكنضحك بزز مني تبادلنا النوامر وهو يجي جاد
جاد: (كيشوف فالرجل وفيا) فيين تعطلتي
انا: (ببرود) هانا غير هنا.. موسيو حسن متشرفة بمعرفتك نخليك هاد الساعة
حسن: بسلامة.. مشيت جمعت الضحكة وجلست ولاخر تابعني مخنزر بقينا شوية وحنا نرجعو للدار...
#يتبع
